ပုဂ္ဂလိကကိုယ်ပိုင်ကျောင်းသစ်ဖွင့်လှစ်လိုသူများ စတင်လျှောက်ထားနိုင်

၂၀၂၀-၂၀၂၁ ပညာသင်နှစ်အတွက် မြန်မာနိုင်ငံတစ်နိုင်ငံလုံး၌ ပုဂ္ဂလိကကိုယ်ပိုင်ကျောင်းသစ်ဖွင့်လှစ်လိုသူများသည် စတင်လျှောက်ထားလျက်ရှိပြီး၊ ဆက်လက်လျှောက်ထားလိုသူများအနေဖြင့် ၂၀၂၁ ခုနှစ် ဇန်နဝါရီ ၃၀ အတွင်း လျှောက်ထားနိုင်ကြောင်း ပညာရေးဝန်ကြီးဌာန၊ အခြေခံပညာဦးစီးဌာန၊ ညွှန်ကြားရေးမှူးချုပ် ဦးကိုလေးဝင်းက ဆင်ဟွာသို့ ဇန်နဝါရီ ၂၇ ရက် တွင်ပြောသည်။

“ဒီ၂၀၂၀-၂၀၂၁ ပညာသင်နှစ်မှာ ပုဂ္ဂလိကကိုယ်ပိုင်ကျောင်းသစ်ဖွင့်လှစ်လိုသူတွေကို ဒီလ ၂၅ ရက်နေ့ကနေစပြီး လျှောက်လွှာလက်ခံနေပါတယ်။ ကိုယ်ပိုင်ကျောင်းတွေလျှောက်ထားတဲ့အခါမှာ ကျွန်တော်တို့ သတ်မှတ်ချက် အသေးစိတ်တွေရှိတယ်။သတ်မှတ်ချက်နဲ့အညီ ကျွန်တော်တို့အနေနဲ့ စိစစ်ခွင့်ပြုသွားမှာဖြစ်ပါတယ်’’ ဟု ၄င်းက ဆိုသည်။

ယင်းလျှောက်လွှာများကို သက်ဆိုင်ရာ တိုင်းဒေသကြီးနှင့် ပြည်နယ်ပညာရေးမှူးရုံးမတာဝန်ရှိသူများက ကွင်းဆင်းစစ်ဆေးမှုများပြုလုပ်မည်ဖြစ်ကြောင်းဆိုသည်။ တစ်နိုင်ငံလုံးတွင် ပုဂ္ဂလိကကိုယ်ပိုင်ကျောင်းပေါင်း ၁၀၀၀ ကျော်ဖွင့်လှစ်ခွင့်ပြုထားပြီးဖြစ်ကြောင်း သိရသည်။

ယနေ့ကာကွယ်ဆေးများစတင်ထိုးနှံပေးနေပြီဖြစ်သောကြောင့် ကျောင်းများပြန်လည် ဖွင့်လှစ်ရန် အလားအလာကောင်းလာကြောင်း ဆိုသည်။

ဆက်စပ်ဖတ်ရှုရန် >>>> ကျောင်းစီမံအုပ်ချုပ်မှု စွမ်းရည်မြှင့်တင်ရေးသင်တန်း ဖွင့်လှစ် 

Source: Xinhua

By Myanmar Education Guide (EDGE)