အဝေးသင်ကျောင်းအပ်ရာတွင် UAB Pay အပြင် အခြားအွန်လိုင်းစနစ်ဖြင့် ငွေပေးချေနိုင်ရန် စီစဉ်နေ

19 February, 2025

၂၀၂၄ - ၂၀၂၅ ပညာသင်နှစ် ကျောင်းအပ်ရာသီမှစ၍ ရန်ကုန်တက္ကသိုလ်အပါအဝင် တက္ကသိုလ် (၄၀) တွင် ကျောင်းအပ်နှံခြင်းနှင့် ငွေသွင်းခြင်း လုပ်ငန်းစဉ်များကို အွန်လိုင်းမှတစ်ဆင့် စတင်ဆောင်ရွက်နိုင်ပြီဖြစ်ကြောင်း ပညာရေးဝန်ကြီးဌာနဝက်ဘ်ဆိုက်ဒ်မှတဆင့် သိရသည်။

၂၀၂၄ ခုနှစ်၊ နိုဝင်ဘာလတွင် နေ့သင်တန်းကျောင်းအပ်နှံမှုကို ရန်ကုန်တက္ကသိုလ်၊ ဒဂုံတက္ကသိုလ်နှင့် Naypyitaw State Academy တို့တွင်သာ အွန်လိုင်းစနစ်ဖြင့် ဆောင်ရွက်နိုင်ခဲ့ပြီး ယခုအဝေးသင်ကျောင်းအပ်ကာလတွင် ရန်ကုန်တက္ကသိုလ် အပါအဝင်

ရန်ကုန်စီးပွားရေးတက္ကသိုလ်
မော်လမြိုင်တက္ကသိုလ်
ရန်ကုန်အဝေးသင်တက္ကသိုလ်
တောင်ကြီးတက္ကသိုလ်
ဒဂုံတက္ကသိုလ်
မကွေးတက္ကသိုလ်
ပုသိမ်တက္ကသိုလ်
မုံရွာတက္ကသိုလ်
မြစ်ကြီးနားတက္ကသိုလ်
မုံရွာစီးပွားရေးတက္ကသိုလ်
မန္တလေးအဝေးသင်တက္ကသိုလ်
တောင်ငူတက္ကသိုလ်
ပြည်တက္ကသိုလ်
ထားဝယ်တက္ကသိုလ်
ရတနာပုံတက္ကသိုလ်
ရန်ကုန်အရှေ့ပိုင်းတက္ကသိုလ်
မိတ္ထီလာတက္ကသိုလ်
ပခုက္ကူတက္ကသိုလ်
မိတ္ထီလာစီးပွားရေးတက္ကသိုလ်
ရန်ကုန်အနောက်ပိုင်းတက္ကသိုလ်
ကျောက်ဆည်တက္ကသိုလ်
ဟင်္သာတတက္ကသိုလ်
မအူပင်တက္ကသိုလ်
ပင်လုံတက္ကသိုလ်
ဘားအံတက္ကသိုလ်
ကလေးတက္ကသိုလ်
မြိတ်တက္ကသိုလ်
လားရှိုးတက္ကသိုလ်
ကျိုင်းတုံတက္ကသိုလ်
ပဲခူးတက္ကသိုလ်
ရွှေဘိုတက္ကသိုလ်
စစ်ကိုင်းတက္ကသိုလ်
ရေနံချောင်းတက္ကသိုလ်
မြင်းခြံတက္ကသိုလ်
မိုးညှင်းတက္ကသိုလ်
မန္တလာတက္ကသိုလ်
ဟားခါးတက္ကသိုလ်
ဟုမ္မလင်းဒီဂရိကောလိပ်
NayPyiTaw Stare Academy တို့တွင်လည်း အွန်လိုင်းစနစ်ဖြင့် ကျောင်းအပ်နှံခြင်းကို ဆောင်ရွက်နိုင်ပြီဖြစ်သည်။

ပညာရေးဝန်ကြီးဌာန၏ ဝက်ဘ်ဆိုက်ဒ်ဖြစ်သော https://sms.moe.gov.mm သို့ ဝင်ရောက်ပြီး သက်ဆိုင်ရာ တက္ကသိုလ်များကို ရွေးချယ်ကာ အွန်လိုင်းမှတဆင့် ကျောင်းအပ်နှံနိုင်ပြီး ကျောင်းလခအတွက် ငွေပေးချေခြင်းကို United Amara Bank (UAB) Pay တစ်ခုတည်းဖြင့်သာ ဆောင်ရွက်နိုင်ပါသေးသည်။

သို့သော် လက်ရှိ အဝေးသင်ကျောင်းအပ်ကာလတွင် ဝန်ကြီးဌာနအနေဖြင့် ကျောင်းလခ ငွေပေးချေခြင်းကို အခြား Pay များဖြင့်လည်း ဆောင်ရွက်နိုင်ရန် ဆက်လက် စီစဉ်နေပြီး ကျောင်းဝင်ကြေး၊ ကျောင်းလခနှင့် စာမေးပွဲကြေးတို့ကို UAB Pay အပြင် အခြား Pay များဖြင့်လည်း ပေးချေနိုင်တော့မည်ဖြစ်ကြောင်း သိရသည်။

Source - NP News