ဂျပန်အစိုးရသည် မိသားစုဝင်ငွေအား ကန့်သတ်ချက်မထားဘဲ အထက်တန်းကျောင်းသူကျောင်းသားများအားလုံးအတွက် ကျောင်းစရိတ် အခမဲ့ လုပ်ဆောင်ပေးသွားမည်ဟု သိရသည်။ အာဏာရပါတီများဖြစ်သည့် Liberal Democratic Party နှင့် Komeito တို့သည် အတိုက်အခံပါတီ Japan Innovation Party နှင့် သဘောတူညီချက် ရရှိခဲ့ပြီး အဆိုပါအစီအစဉ်ကို လာမည့်နှစ်တွင် အကောင်အထည်ဖော်မည်ဖြစ်သည်။
လက်ရှိစနစ်အရ ကျောင်းသားသည် အစိုးရကျောင်းတက်သည်ဖြစ်စေ၊ ပုဂ္ဂလိကကျောင်းတက်သည်ဖြစ်စေ တစ်နှစ် ယန်း (၉.၁) သန်းအောက်ဝင်ငွေရှိလျှင် ယန်း (၁၁၈,၈၀၀) ထောက်ပံ့ပေးသည်။ အိမ်ထောင်စု၏ တစ်နှစ်ဝင်ငွေသည် ယန်း (၅.၉) သန်းထက်နည်းပြီး ကျောင်းသားသည် ကိုယ်ပိုင်ကျောင်းတက်ပါက အပိုထောက်ပံ့ကြေးကို ပေးပါသည်။
သို့ဖြစ်ပါ၍ ယခုသဘောတူညီချက်သည် ၂၀၂၆ ခုနှစ်တွင် ယန်း (၉.၁) သန်း ဝင်ငွေစံနှုန်းကို ဖျက်သိမ်းမည်ဖြစ်ပြီး ကိုယ်ပိုင်ကျောင်းတက်နေသည့် ကျောင်းသားများအတွက် အပိုထောက်ပံ့ကြေးကိုလည်း ထပ်တိုးပေးမည်ဖြစ်ကြောင်း သိရသည်။
ထိုသို့ လုပ်ဆောင်ရခြင်း ရည်ရွယ်ချက်မှာ ကျောင်းသားများအား မိသားစု၀င်ငွေအဆင့် မခွဲခြားဘဲ ၎င်းတို့ တက်ရောက်လိုသော ကျောင်းကို တက်ရောက်နိုင်စေရန် ဖြစ်ပြီး ပြဿနာများစွာလည်း ရှိနေပါသေးသည်။ အထက်တန်းကျောင်းလခ အခမဲ့ ဖြစ်သော အိုစကာနှင့် တိုကျိုတို့တွင် ကျောင်းသားအများအပြားသည် ပုဂ္ဂလိကကျောင်းများသို့ ပြောင်းရွှေ့ခဲ့ကြပြီး အစိုးရကျောင်းများတွင် ကျောင်းတက်ရောက်မှု နည်းပါးခဲ့သည်။
ရလဒ်အနေဖြင့် ပုဂ္ဂလိကကျောင်းများတွင် မူဝါဒအသစ်ကို အခွင့်ကောင်းယူကာ ကျောင်းလခမှအပ အခြားစရိတ်များကို တိုးမြှင့်လာနိုင်သည်။ ထို့အပြင် ပုဂ္ဂလိကကျောင်းများတွင် ပုံမှန်သင်တန်းတက်ရောက်မှုများ တိုးလာနိုင်ပြီး အစိုးရနည်းပညာနှင့် စိုက်ပျိုးရေး အထက်တန်းကျောင်းများတွင် တက်ရောက်မည့် ကျောင်းသားဦးရေ လျော့နည်းသွားနိုင်သည်။
အထက်တန်းပညာရေး အခမဲ့ အစီအစဉ်၏ ရည်ရွယ်ချက်မှာ ပညာရေးတိုးတက်စေရန်ဖြစ်ပါက ချမ်းသာသော မိသားစုများအပါအဝင် အားလုံးအတွက် ပညာရေးကို အခမဲ့ဖြစ်စေခြင်းသည် ကောင်းကျိုးများ ရှိနိုင်လား၊ ကျောင်းသားများကို ပညာရေးတွင် ဘာကြောင့် လှုံ့ဆော်ပေးနိုင်တာလဲ၊ လူသားဆန်စိတ်ကြွယ်၀ပြီး ကျောင်းသားများကို ဘယ်လို တိုးတက်စေနိုင်လဲ စသဖြင့် နက်နက်နဲနဲ ဆွေးနွေးရန် လိုအပ်သည်။
အာဏာရပါတီများသည် အသေးစိတ် အခြေအတင် ဆွေးနွေးခြင်းမရှိဘဲ Japan Innovation Party ၏ တောင်းဆိုချက်များကို ၂၀၂၅ ခုနှစ် ဘတ်ဂျက်ကို တွန်းအားပေးရန် နည်းလမ်းတစ်ခုအဖြစ် အသုံးချပြီး လျင်မြန်စွာ သဘောတူသည့်အတွက် စိတ်ပျက်မိကြောင်း ဆောင်းပါးတွင် ဖော်ပြထားသည်။
ထို့နောက် အထက်တန်းပညာရေး အခမဲ့ အစီအစဉ်ကို အကောင်အထည်ဖော်ရန် လိုအပ်သော ယန်း ၅၀၀ ဘီလီယံ၏ အသေးစိတ်အကြောင်းအရာနှင့် မူဝါဒ၏ အကျိုးသက်ရောက်မှုများကို စေ့စေ့စပ်စပ် ဆွေးနွေးမှု မရှိကြောင်း သိရသည်။
JIP သည် ပါတီအတွက် လူထုထောက်ခံမှုရရှိရန် ၎င်း၏ လက်မှတ်ရေး ထိုးထားသည့် အခမဲ့ အထက်တန်းပညာရေး မူဝါဒကို အကောင်အထည်ပေါ်စေရန် ရည်ရွယ်နေကြောင်း ထင်ရှားပါသည်။ ပါတီသုံးဖွဲ့သည် ၂၀၂၆ ဘဏ္ဍာနှစ်မှစ၍ မူလတန်းကျောင်းများတွင် အခမဲ့ နေ့လည်စာ ပြုလုပ်ရန် စီစဉ်နေပြီး အဆိုပါအစီအစဉ်ကို အလယ်တန်းအထက်တန်းကျောင်းများသို့ တိုးချဲ့သွားရန်လည်း စီစဉ်ထားသည်ဟု သိရသည်။
မိသားစုများအတွက် ဝန်ထုပ်ဝန်ပိုးကို လျှော့ချရန်နှင့် ကလေးများအား ၎င်းတို့၏ ကျောင်းနေဘ၀တွင် ငြိမ်းချမ်းစွာ ဦးဆောင်ခွင့်ပေးခြင်းမှာ အရေးကြီးသော်လည်း ထိုအတွက် ရန်ပုံငွေ အများအပြား လိုအပ်မည်ဖြစ်သည်။ ဤမူဝါဒများအားလုံးကို နိုင်ငံရေးလှုပ်ရှားမှု၏ တစ်စိတ်တစ်ပိုင်းအဖြစ်မဟုတ်ဘဲ ၎င်းတို့၏ အကျိုးသက်ရောက်မှုများနှင့် ၎င်းတို့အတွက် ဘဏ္ဍာရေးအရင်းအမြစ်များကို အလေးအနက်ထား ဆွေးနွေးရန် အရေးကြီးပါသည်။
Source - Asia News Network
