ရန်ကုန်တက္ကသိုလ်စာကြည့်တိုက် ဝန်ဆောင်မှုများအား အွန်လိုင်းမှ ရယူနိုင်

ကျောင်းသား/ကျောင်းသူ၊ ဆရာ/ဆရာမများနှင့် သုတေသီများအတွက် ရန်ကုန်တက္ကသိုလ်စာကြည့်တိုက်၏ ဝန်ဆာင်မှုများကို အွန်လိုင်းမှ ရယူနိုင်ပြီဖြစ်သည်။

အွန်လိုင်းမှ ရယူနိုင်မည့် ဝန်ဆောင်မှုများမှာ စာအုပ်များ အလွယ်တကူ ရှာဖွေနိုင်ခြင်း၊ သုတေသနစာစောင် အနှစ်ချုပ်တို့ကို ဒေါင်းလုတ်လုပ်နိုင်ခြင်း၊ ငှားရမ်းမည့်နေရက်ကို ကြိုတင်ချိတ်ဆက်နိုင်ခြင်း၊ စာအုပ်ကို ငှားရမ်းရက် သက်တမ်းတိုးမြှင့်ခြင်း တို့ဖြစ်သည်။

ရန်ကုန်တက္ကသိုလ်စာကြည့်တိုက် (UYL) တွင် စုဆောင်းထားရှိသော အင်္ဂလိပ်၊ မြန်မာ စာအုပ်များနှင့် eResource database များကို UY website (https://www. uy.edu.mm/) မှတဆင့် UYLibrary (https://www.uy.edu.mm/e-library/) တွင် ရှာဖွေနိုင်ပါသည်။  

ထိုသို့ရှာဖွေရာတွင် လိုအပ်သော စာအုပ်များကို UYLibrary ရှိ Online Catalogue မှ စာရေးသူအမည်၊ စာအုပ်အမည်၊ ပညာရပ်အမည်တို့ဖြင့် အလွယ်အကူ ရှာဖွေနိုင်သည်။ ထို့အပြင် Database A-Z အောက်တွင် မိမိတို့ လိုအပ်သော ebook များနှင့် article များကိုလည်း ရှာဖွေနိုင်ပါသည်။

ရန်ကုန်တက္ကသိုလ်၏ Repository (uyr.uy.edu.mm) တွင် လွှင့်တင်ထားသော ပြည်တွင်း/ပြည်ပ သုတေသနစာစောင်များနှင့် ကျမ်းများ၏ အနှစ်ချုပ်တို့ကို pdf full-text versions ဖြင့် download ချ၍ ဖတ်ရှုနိုင်ပါသည်။

စာငှားကောင်တာမှ ငှားရမ်းထားသော စာအုပ်များကို စာငှားရက်ထပ်တိုးခြင်း (renew) ပြုလုပ်လိုပါက အီးမေးလ် (သို့) တယ်လီဖုန်းမှ တစ်ဆင့် ပြုလုပ်နိုင်ပါသည်။

သုတ−ရသစာအုပ်များကို အသစ်ငှားရမ်းလိုပါက UYLibrary ရှိ Online Catalogue တွင် ငှားရမ်းလိုသော စာအုပ်၏ Call number (Class number၊ Author initial နှင့် Accession number) တို့ကို မှတ်သား၍ အီးမေးလ် (သို့) တယ်လီဖုန်းမှတစ်ဆင့် ကြိုတင်အကြောင်းကြားပြီး သတ်မှတ်ထားသောရက်တွင် သွားရောက် ငှားရမ်းနိုင်သည်။

ဆက်သွယ်ရန်

ဖုန်း 951537250

email: [email protected]

Credit to University of Yangon Mail Box

=============================

ပညာရေးဆိုင်ရာ သတင်းအချက်အလက် အစုံအလင်ကို
Telegram နှင့် Viber မှာလည်း အလွယ်တကူ ဖတ်ရှုနိုင်ပါတယ်။

https://t.me/eudcationguide (Telegram)

https://invite.viber.com/? (Viber)

နှစ်ပတ်တစ်ကြိမ် ပေးပို့နေတဲ့ Education Bulletin ကို
ရယူဖို့လည်း Subscribe လုပ်ထားနိုင်ပါတယ်။

https://shorturl.at/ktCaP

Latest Post Local News Read 32 times