ဘွဲ့မရသေးသူတွေရော ဘွဲ့ရပြီးသူတွေပါ လျှောက်လို့ရတဲ့ ဘွဲ့ကြို၊ ဘွဲ့လွန် ပညာသင်ဆုများ

မြန်မာကျောင်းသား‌တွေအတွက် အင်ဒိုနီးရှားနိုင်ငံရဲ့ ထိပ်တန်းတက္ကသိုလ်တစ်ခုဖြစ်တဲ့ Universitas Sebelas Maret (UNS) မှ ပေးအပ်တဲ့ Bachelor, Master နဲ့ Ph.D ပညာသင်ဆုပရိုဂရမ်တွေကို မျှဝေပေးသွားမှာဖြစ်ပါတယ်။ 

UNS Scholarship ဟာ Universitas Sebelas Maret (UNS) မှာရှိတဲ့ မေဂျာတွေအာလုံးအတွက် ပေးအပ်တဲ့ ပညာသင်ဆုဖြစ်ပါတယ်။ ဒါကြောင့် ပညာသင်ဆုလျှောက်ထားသူတွေဟာ UNS မှာ လက်ရှိသင်ကြားလျက်ရှိတဲ့ ပရိုဂရမ်တိုင်းကို မိမိစိတ်ဝင်စားတဲ့ ပညာရပ်ပေါ်မူတည်ပြီး ရွေးချယ်လျှောက်ထားလို့ ရပါတယ်။ 

လျှောက်ထားနိုင်တဲ့ ပရိုဂရမ်များ  >> http://uns.id/listofcourses. 
 

ပညာသင်ဆုကလည်း Full Coverage နဲ့ Partial Scholarship ဆိုပြီး အမျိုးအစား (၂) မျိုးရှိပါတယ်။ 

Full Scholarship

• Tuition fee waiver
• Monthly living allowance:

        IDR 1.500.000 for bachelor program
        IDR 1.750.000 for master program
        IDR 2.250.000 for doctoral program

• Free Indonesian language course
• Health insurance

Partial Scholarship

• Tuition fee waiver
• Free Indonesian language course
• Health insurance

မှတ်ချက်။  ။ ကျောင်းသားတွေအနေနဲ့ နေရာထိုင်ခင်း၊ လေယာဉ်ခ၊ ဗီဇာ၊ အစားအသောက်နဲ့ အခြားကိုယ်ရေးကိုယ်တာ အသုံးစရိတ်များအတွက် ကိုယ်တိုင် တာဝန်ရှိပါတယ်။ 

လျှောက်ထားသူများသည်-

• အင်ဒိုနီးရှားနိုင်ငံသားမဟုတ်သူများ 
• လျှောက်လွှာတင်ချိန်တွင် အသက် ၂၄ နှစ်အောက်ဖြစ်သူများ (Bachelor ဘွဲ့ဒီဂရီအတွက်)
• ဗီဒီယိုခေါ်ဆိုမှုမှတစ်ဆင့် အင်တာဗျူးဖြေဖို့ အဆင်ပြေသူများ
• ဒုက္ခသည်အဖြစ် သတ်မှတ်မခံထားရသူများ
• ပြစ်မှုမကျူးလွန်ထားသူများဖြစ်ရပါမည်။

ဘာသာစကားအရည်အချင်း

လျှောက်ထားသူများသည် သဘာဝသိပ္ပံပရိုဂရမ်အတွက် TOEFL အနိမ့်ဆုံးရမှတ် 450 နှင့် လူမှုသိပ္ပံပရိုဂရမ်အတွက် 500 ရှိရပါမယ်။ သို့မဟုတ် တူညီသောရမှတ်များရှိတဲ့ အခြားသော အင်္ဂလိပ်စာ အရည်အချင်းစစ် လက်မှတ်တွေ ပြနိုင်ရင်လည်း အဆင်ပြေပါတယ်။ (e.g. IELTS , Duolingo) 

ပညာသင်ဆုတွင် အကျုံးဝင်တဲ့ UNS Language Centre မှ စီစဉ်သော အင်ဒိုနီးရှားဘာသာစကားသင်တန်းကို အပြီးထိတက်ရောက်ပေးရန် လိုအပ်ပါတယ်။ 

ကျောင်းဝင်ခွင့်အတွက် လိုအပ်သည့် စာရွက်စာတမ်းများ

• လတ်တလော ရိုက်ကူးထားသော ဓာတ်ပုံ
• အနည်းဆုံး ၁၈ လ သက်တမ်းရှိ တရားဝင် နိုင်ငံကူးလက်မှတ်
• နောက်ဆုံးတက်ရောက်ခဲ့သည့် ပညာရေးအဖွဲ့အစည်းမှ ဘွဲ့လက်မှတ် (သို့) အောင်လက်မှတ်များ
• ကျန်းမာရေးထောက်ခံစာ
• CV
• Personal statement
• Financial statement
• အင်ဒိုနီးရှားဘာသာစကားကျွမ်းကျင်မှုလက်မှတ် (မရှိလည်းရ၊ ရှိရင်ပိုကောင်း)
• အင်္ဂလိပ်ဘာသာစကားကျွမ်းကျင်မှုလက်မှတ်
• 2 Recommendation Letters (ဘွဲ့လွန်ပရိုဂရမ်များအတွက်)
• သုတေသနအဆိုပြုချက်စာတမ်း (ပါရဂူတန်းအတွက်)

နမူနာပုစံတွေကို လင့်ခ်မှတဆင့် ဝင်ရောက်လေ့လာနိုင်ပါတယ်။

>> https://drive.google.com

လိုက်နာရမယ့်စည်းကမ်းချက်များ

UNS ပညာသင်ဆုရရှိသူအားလုံးသည်-

• အင်ဒိုနီးရှားဥပဒေများနှင့် စည်းမျဉ်းများ၊ တက္ကသိုလ်၏စည်းမျဉ်းများနှင့် အခြားဆက်စပ်စည်းမျဉ်းများကို လိုက်နာရပါမယ်။ 
• တက္ကသိုလ်၊ လေ့လာမှုအစီအစဉ်နှင့် ဌာနမှကျင်းပသော ဟောပြောပွဲနှင့် ပညာရေးဆိုင်ရာ လှုပ်ရှားမှုအားလုံးကို တက်ရောက်နိုင်ရပါမယ်။ 
• ကျောင်းတက်နေစဉ်တလျှောက် လူမှုရေးပရိုဂရမ်များအတွက် အနည်းဆုံး GPA 3,00 နှင့် သိပ္ပံပရိုဂရမ်များအတွက် GPA 2,75 ရရှိရပါမယ်။ 

UNS ပညာသင်ဆုအား အောက်ပါ စည်းကမ်းသတ်မှတ်ချက်များဖြင့် ပေးအပ်သည်-

• ပညာသင်ဆုသည် Bachelor program အတွက် 8 semesters၊ Master program အတွက် 4 semesters နှင့် Doctoral program အတွက် 6 semesters တို့ကို ပေးအပ်ခြင်းဖြစ်ပါတယ်။ 
• သတ်မှတ်ထားတဲ့ ပညာသင်ဆုကာလအတွင်း ကျောင်းပြီးအောင် မတက်ရောက်နိုင်ရင် ကျန်ရှိနေတဲ့ ကျူရှင်ခကို ကိုယ်တိုင် ပေးဆောင်ရမှာဖြစ်ပါတယ်။ 
• ဆုရရှိသူသည် အနည်းဆုံး GPA ကို မထိန်းသိမ်းနိုင်ဘဲ သို့မဟုတ် တက္ကသိုလ်နှင့် အင်ဒိုနီးရှားဥပဒေ၏ စည်းမျဉ်းများကို ချိုးဖောက်ပါက ပညာသင်ဆုအား ရပ်စဲမှာပါ။
• UNS မှ နှုတ်ထွက်ချင်သော ပညာသင်ဆုရရှိသူသည် ပေးအပ်ထားသော ငွေများကို ပြန်ပေးရပါမယ်။ 

ဘယ်လိုလျှောက်ထားရမလဲ?

• လျှောက်ထားသူသည် အောက်ပါလင့်ခ်ကနေတဆင့် Offer Letter ကို ဒေါင်းလုတ်လုပ်ပါ။ 

>> http://uns.id/OfferLetterAug2025

• UNS မှ ရရှိထားတဲ့ Offer Letter ရယ်၊ နိုင်ငံကူးလက်မှတ်၊ ဘွဲ့လက်မှတ်နှင့် ပညာရေးဆိုင်ရာ ထောက်ခံစာတွေကို ယူဆောင်ပြီး အင်ဒိုနီးရှားသံရုံးမှာ ထောက်ခံစာ ရယူပါ။
• UNS International Admission ဝဘ်ဆိုဒ်တွင် အကောင့်တစ်ခု ဖန်တီးပါ။
• ကိုယ်ရေးအချက်အလက်များနှင့် စာရွက်စာတမ်းများကို သေချာဖြည့်စွက်ပါ။
• လိုအပ်တဲ့ စာရွက်စာတမ်းတွေ တင်ပြပြီးရင် Registration card ကို ပရင့်ထုတ်ထားပါ။

ပညာသင်ဆု နောက်ဆုံးလျှောက်ထားနိုင်တဲ့ရက်ကတော့ ၂၀၂၄ ခုနှစ်၊ စက်တင်ဘာလ (၃၀) ရက်နေ့ ဖြစ်ပါတယ်။ လျှောက်ထားသူတွေအနက် အင်တာဗျူးအောင်တဲ့ နောက်ဆုံးအဆင့်ရွေးချယ်ခံရသူတွေကို ၂၀၂၄ ခုနှစ်၊ နိုဝင်ဘာလ (၁၅) ရက်နေ့မှာ အီးမေးလ်ကနေတဆင့် အကြောင်းကြားပေးမှာဖြစ်ပါတယ်။ 

ပညာသင်ဆုအကြောင်း အသေးစိတ်ဖတ်ရှုရန်

>> https://uns.ac.id/en/admission

--------------------------------------------------------------

VPN မလိုဘဲ ပညာရေးသတင်းအစုံအလင်ကို ဖတ်ရှုနိုင်ဖို့ Myanmar Education Guide ရဲ့ Telegram Channel ကို အခုပဲ Join ထားလိုက်တော့နော်။

Join our Telegram Channel

> https://t.me/eudcationguide