ကူးစက်ရောဂါများကြောင့် အဆင့်မြင့်ပညာရေးအပေါ်  အကျိုးသက်ရောက်မှုများ

ကူးစက်ရောဂါသည် ကောလိပ်များနှင့်တက္ကသိုလ်များတွင် ဘဏ္ဍာရေးဆိုင်ရာစိန်ခေါ်မှုများ  ရှိနေစေပြီး ကာလအတန်ကြာသည်အထိ ကြာရှည်နိုင်သည့်အပြင် တက္ကသိုလ်ကောလိပ်များ ရေရှည်ဆက်လက် မတည်တံ့နိုင်အောင် ဖြစ်စေလိမ့်မည်ဟု အစိုးရနှင့် ပုဂ္ဂလိကတက္ကသိုလ်အကြီးအကဲများကပြည်နယ်ဥပဒေပြု အမတ်များအားပြောကြားခဲ့သည်။

"ဘဏ္ဍာရေးဆိုင်ရာစိန်ခေါ်မှုများသည် တစ်နှစ်ဖြင့် ပြီးမည်ဟု မရှုမြင်ပါ"ဟု မက်ဆာချူးဆက်တက္ကသိုလ်ဥက္ကဋ္ဌ Marty Meehan က အဆင့်မြင့်ပညာရေး ကော်မတီကိုပြောကြားခဲ့သည်။ "နှစ်နှစ်၊ သုံးလေးနှစ်ကြာမြင့်မယ်လို့ ကျွန်တော်တို့ရှုမြင်ပါတယ်။ ထိုကိစ္စကို ဆက်လက်ဖြေရှင်းနိုင်မှာ မဟုတ်တဲ့ နယူးအင်္ဂလန်မှ တက္ကသိုလ်များနှင့် ကောလိပ်များရှိပါလိမ့်မယ်။ ကျွန်တော်တို့ UMass မှာလုပ်ဖို့ ကြိုးစားနေတာက ဒီအကျပ်အတည်းရဲ့အဆုံးမှ ာအားလုံးမှာ တစ်နိုင်ငံလုံးအဆင့်သတ်မှတ်ထားပြီး အောင်မြင်တဲ့ UMass ကျောင်းပရဝုဏ် ၅ ခု ဆက်ရှိနေသေးတယ်ဆိုတာသေချာအောင်လုပ်ရန်ဖြစ်ပါတယ်" ဟု သူက ပြောကြားသည်။ 

အထက်လွှတ်တော်အမတ် Anne Gobi နှင့် ကိုယ်စားလှယ် Jeff Roy တို့၏ ဥက္ကဋ္ဌအဖြစ် တာဝန်ထမ်းဆောင်နေသည့် ကော်မတီသည်စီးပွားရေးနှင့် ထောက်ပံ့ပို့ဆောင်ရေး အခြေအနေများအရ ပြည်နယ်ပညာရေး အရာရှိများ၊ မက်ဆာချူးဆက် ဆရာများအသင်း၊ ရပ်ရွာကောလိပ်များ၊ ပုဂ္ဂလိကနှင့် အစိုးရတက္ကသိုလ်များ၏ အကြီးအကဲများမှ လက်တွေ့ကျကျ ပြောဆိုချက်ကို ကြားသိရသည်။

ပြည်နယ်၏ စီးပွားရေးတွင် အဆင့်မြင့်ပညာရေး၏အခန်းကဏ္ဍမှ ကောလိပ်များနှင့် တက္ကသိုလ်များသည် မက်ဆာချူးဆက်တွင် နေထိုင်သူ ၁၃၆၀၀၀ ကို အလုပ်ခန့်ထားသည့်အပြင်၊ နှစ်စဉ်ဒေါ်လာ ၂၄.၅ ဘီလီယံကျော်သုံးစွဲပြီး ကျောင်းသား၊ ကျောင်းသူ ၅၀၀၀၀၀ ကိုပညာသင်ပေးခဲ့သည်။

ပထမအကြိမ် ကိုဗစ်-၁၉ ကို တိုက်ထုတ်နေချိန်တွင် မက်ဆာချူးဆက်ရှိ ကောလိပ်များနှင့် တက္ကသိုလ်များသည် မတ်လတွင် ကျောင်းသားများအိမ်သို့ ပြန်ခဲ့ကြရပြီး၊ ထိုစာသင်ကာလတွင် အဝေးမှ သင်ယူရသော ပညာရေးဖြင့် ဆက်လက်သင်ကြားနေရခြင်းဖြစ်သည်။

 ကောလိပ်များနှင့် တက္ကသိုလ်များသည် COVID-19 ကူစက်ရောဂါဖြစ်နေချိန်တွင် လိုက်လျောညီထွေစွာနေထိုင်ရခြင်းနှင့် ဆက်စပ်သောကုန်ကျစရိတ်အသစ်များကြောင့် “ကျောင်းလခသွင်းနှင့် ကျူရှင်ဝင်ငွေအပေါ်  သိသိသာသာအကျိုးသက်ရောက်စေသည်"ဟု ပညာရေးအတွင်းရေးမှူး Peyser ကပြောကြားခဲ့သည်။ ကူးစက်ရောဂါ၏ ကျောင်းသို့သက်ရောက်မှုများသည်  ကောလိပ်များနှင့် တက္ကသိုလ်များသည် ကွဲပြားခြားနားနေပုံရသည်။

UMass Lowell က ယခုနှစ်တွင်  အကြီးမားဆုံး ကျောင်းသားဦးရေ  ၁၈,၃၉၄ ဦး လက်ခံရရှိကြောင်း ပြောကြားခဲ့သည်။ ထို့အပြင် Middlesex Community College ၏ဥက္ကဋ္ဌ ဂျိမ်းစ်မာဘရီက အချို့ကျောင်းသားများသည်  အိမ်များနှင့် ပိုမိုနီးကပ်ပြီး ဈေးနှုန်းချိုသာသော အတန်းများကိုတက်ရန်ရွေးချယ်ကြသည်။ နောက်တော့မှ  ၄ နှစ်တက်ရသည့် ကျောင်းသို့ပြောင်းရွှေ့ရန်အစီအစဉ်ရှိသည်ဟုပြောကြားခဲ့သည်။

ထိုသို့ကျကျောင်းသားဦးရေဆင်းမှုများသည် နှစ်ကာလအတန်ကြာသည်အထိ ဖြစ်ပွားနိုင်ဖွယ်ရှိသည်ဟု မက်ဆာချူးဆက်ကောလိပ် Liberal Arts သမ္မတ James Birge ကပြောကြားခဲ့သည်။

မက်ဆာချူးဆက်ရှိ လွတ်လပ်သောကောလိပ်များနှင့် တက္ကသိုလ်များအသင်းကိုယ်စား ပြောရေးဆိုခွင့်ရှိသူ Wellesley College ၏ ဥက္ကဋ္ဌ Dr. Paula Johnson က ပုဂ္ဂလိကကျောင်းများအနေဖြင့် အပြည်ပြည်ဆိုင်ရာ ကျောင်းသားအရေအတွက်သည်လည်း ကျဆင်းသွားသည်ဟု ပြောကြားခဲ့သည်။ တစ်ချိန်တည်းမှာပင် ဆေးစစ်ခြင်းနှင့် အခြားကူးစက်ရောဂါတုန့်ပြန်မှုများအတွက် ကုန်ကျစရိတ်များ ဆက်လက်ရှိနေသေးသည်ဟု ပြောကြားခဲ့သည်။

ဇူလိုင်လ ၁ ရက်နေ့မှစတင်ကာ ဘဏ္ဏာရေးနှစ်အတွက် အသုံးစရိတ်စီမံချက်ရေးဆွဲနိုင်ရန်အတွက် စီးပွားရေးပညာရှင်များက ကူညီမည် ဖြစ်သည်။  ၎င်းတို့သည် ပြည်ထောင်စုရန်ပုံငွေ ပိုမိုရရှိရန် မျှော်လင့်ကြောင်းပြောခဲ့သည်။

ယမန်နှစ်ကနိုင်ငံတော်ဘတ်ဂျက်သည် UMass ကို ဒေါ်လာ ၅၆၄ သန်း ရန်ပုံငွေထောက်ပံ့ပေးခဲ့ပြီး ရပ်ရွာကောလိပ်များအတွက် ဒေါ်လာ ၂၉၈ သန်းနှင့် ပြည်နယ်တက္ကသိုလ်များအတွက် ဒေါ်လာ ၂၇၇ သန်းပါဝင်သည်။

Mabry ကယခုနှစ်အတွက် လက်ကျန်ရန်ပုံငွေများသည် ရပ်ရွာကောလိပ်များကို လေ့ကျင့်ရေးလုပ်သားများအား စီးပွားရေးပြန်လည်နာလန်ထူလာစေရန်နှင့် “ငွေရေးကြေးရေးတွင် တန်းတူညီမျှမှု၏ အင်အားဖြစ်စေရန်” အထောက်အကူပြုလိမ့်မည်ဟုပြောကြားခဲ့သည်။

အဆင့်မြင့်ပညာရေးကော်မရှင်နာ ကားလို့စ်တီယာဂိုက သူ၏ဌာနသည် ပြည်သူ့ကျန်းမာရေးမက်ထရစ်ကို ဖက်ဒရယ်ဘဏ္ဏာရေး အထောက်အကူပြု စည်းမျဉ်းများနှင့် ဘတ်ဂျက်ဆိုင်ရာကိစ္စရပ်များအား ပြောင်းလဲခြင်းနှင့်အတူစောင့်ကြည့်နေသည်ဟုပြောကြားခဲ့သည်။နိုင်ငံအနှံ့အပြားရှိ ပြည်သူ့အဆင့်မြင့်ပညာရေး ဆရာများသည် သူတို့အလုပ်လုပ်ပုံကို အသစ်တီထွင်ရာတွင် “လေးစားဖွယ်ကောင်းသောအလုပ်တစ်ခု” လုပ်ခဲ့သည်ဟု သူကပြောသည်။

"ကျွနု်ပ်တို့ရဲ့ကျောင်းသားတွေဟာ ကျွနု်ပ်ရဲ့အကြီးမားဆုံး စိုးရိမ်ပူပန်မှုပါပဲ" ဟုစန်တီယာဂိုကပြောကြားခဲ့သည်။ စိတ်ဖိစီးမှုများလာခြင်းနှင့် စိတ်ဓာတ်ကျခြင်းများ မြင့်တက်လာကြောင်းကို ထုတ်ပြန်သည့် အစီရင်ခံစာများအရ သိရှိရသည်။ ကျောင်းများသည် စားနပ်ရိက္ခာနှင့် အိမ်ရာလုံခြုံမှုမရှိခြင်း တိုးပွားလာသည် ဟုသတင်းပို့ကြသည်။ ကောလိပ်ကျောင်းသားတစ်ယောက်ဖြစ်ရန်ဘယ်တော့မှအခက်အခဲမရှိနိုင်ပါ။

Ref: tauntongazette

By Myanmar Education Guide - EDGE