Fully Funded စကော်လာလျှောက်ပြီး Tsinghua University မှာ Master ဘွဲ့ယူမယ်

တရုတ်နိုင်ငံရဲ့ နံပါတ် (၁) ထိပ်တန်း‌ကျောင်းဖြစ်တဲ့ Tsinghua University မှာ (၁) နှစ်တာ မာစတာပရိုဂရမ်ကို ပညာသင်စရိတ် ထောက်ပံ့ကြေးအပြည့်အ၀နဲ့ တက်ရောက်ခွင့်ရမယ့် Schwarzman Scholarship အကြောင်း မျှဝေပေးချင်ပါတယ်။ သင်က မတူညီတဲ့ ကမ္ဘာ့နိုင်ငံအသီးသီးက စီးပွားရေး၊ နိုင်ငံရေး၊ လူမှုရေး၊ စာပေနှင့် အနုပညာတို့ကို စိတ်ဝင်စားပြီး လေ့လာချင်တဲ့သူဆိုရင် ဒီအခွင့်အရေးကို အရယူကြည့်ပါ။ Deadline ကလည်း စက်တင်ဘာလမှာမို့ ဝေးသေးတာကြောင့် ပြင်ဆင်ဖို့အချိန်တွေ ရှိပါသေးတယ်။   

Schwarzman Scholars ဆိုတာဘာလဲ?

Schwarzman Scholars ဆိုတာ တရုတ်နိုင်ငံအပြင် ကမ္ဘာတစ်ဝှမ်းမှာရှိတဲ့ အနာဂတ် ခေါင်းဆောင်လူငယ်တွေအား အကျိုးပြုပေးနေတဲ့ အဖွဲ့အစည်းတစ်ခုဖြစ်ပါတယ်။ Schwarzman Scholars ကို ၂၀၁၆ ခုနှစ်မှာ တည်ထောင်ခဲ့ပြီး နှစ်စဉ်နှစ်တိုင်း နိုင်ငံတကာက ကျောင်းသား/ကျောင်းသူ (၂၀၀) ရွေးချယ်ပြီး Tsinghua University မှာ (၁) နှစ်တာ မာစတာပရိုဂရမ်ကို တက်ရောက်နိုင်ဖို့ ပညာသင်စရိတ်ထောက်ပံ့ပေးနေတာဖြစ်ပါတယ်။ 

Tsinghua University ရဲ့ ကျော်ကြားမှု

Tsinghua University ဆိုတာ ပေကျင်းမြို့မှာ တည်ရှိပြီး တရုတ်နိုင်ငံရဲ့ နံပါတ် (၁) အဆင့်မှာရှိတဲ့ အစိုးရပိုင်ကျောင်းဖြစ်ပါတယ်။ QS World University Ranking အရ ပြောမယ်ဆိုရင်လည်း Tsinghua University ဟာ နံပါတ် (၂၅) အဆင့်မှာရှိတဲ့ ကျောင်းဖြစ်ပါတယ်။ တရုတ်နိုင်ငံမှာ ကျောင်းတက်ချင်တဲ့ နိုင်ငံတကာကကျောင်းသား/ကျောင်းသူတွေရဲ့ Dream University တစ်ခုဆိုလည်း မမှားပါဘူး။ 

Schwarzman Scholarship အကြောင်း အသေးစိတ်

Host University -  Tsinghua University

Degree Level - Master

Duration - 1 year

Study Fields -  Economics and Business, Public Policy, International Studies

Deadline - 12 Sept 2024 
   

Scholarship လျှောက်ထားသူတိုင်း အောက်ပါအရည်အချင်းနှင့် ပြည့်စုံရပါမည်။ 

• တက္ကသိုလ်တစ်ခုခုမှ ဘွဲ့ရရှိပြီးသူဖြစ်ရပါမယ်။
• အသက် ၁၈ နှစ်မှ ၂၈ နှစ်အတွင်း ဖြစ်ရပါမယ်။ 
• အင်္ဂလိပ်ဘာသာစကားကို ကျွမ်းကျင်စွာ ပြောဆိုနိုင်ရပါမယ်။
• TOEFL iBT: 100
• IELTS: 7
• Cambridge Advanced (C1): 185
• Cambridge Proficiency (C2): 185

Scholarship လျှောက်ထားရာတွင် အောက်ပါစာရွက်စာတမ်းများကို ပူးတွဲတင်ပြရပါမည်။ 

• Identity Card & Passport
• Academic Transcripts
• English Proficiency Test Scores
• Two Essays (Leadership Essay - 750 words and a Statement of Purpose - 500 words)
• (3) Recommendation Letters
• Resume/CV
• Video Introduction (1 minute video)

Scholarship တွင် ပါဝင်သည့် အကျိုးခံစားခွင့်

• Tuition fees
• Room and board
• Air Ticket
• Study tours
• Course books and supplies
• A Lenovo laptop
• Health insurance
• Personal stipend

လျှောက်ထားပုံအဆင့်ဆင့်

အောက်က အွန်လိုင်းလျှောက်လွှာကနေ အချက်အလက်ပြည့်စုံစွာ ဖြည့်စွက်ပြီး ၂၀၂၄ ခုနှစ်၊ စက်တင်ဘာလ (၁၂) ရက် နောက်ဆုံးထား ဖောင်တင်ရပါမယ်။ 

>> https://connect.schwarzmanscholars.org/apply/?

အောက်တိုဘာကနေ နိုဝင်ဘာလအတွင်း စကော်လာရှစ်ရရှိသူတွေကို ရွေးချယ်အကြောင်းပြန်သွားမှာဖြစ်ပြီး မာစတာပရိုဂရမ် စတင်မယ့်ရက်ကတော့ ၂၀၂၅ ခုနှစ်၊ ဩဂုတ်လမှာ ဖြစ်ပါတယ်။   

Scholarship အကြောင်းအသေးစိတ်ဖတ်ရှုရန်

>> https://www.schwarzmanscholars.org/