Certificate ပါအခမဲ့ ရယူနိုင်မယ့် အင်္ဂလိပ်စာ အွန်လိုင်းသင်တန်းများ

အင်္ဂလိပ်ဘာသာစကားကို အခြေခံကနေစပြီး ကျွမ်းကျင်အဆင့်အထိ Level အလိုက် သင်ယူချင်သူတွေ၊ Business English ကို လေ့လာလိုသူတွေအတွက် Saylor Academy ကနေ သင်ကြားပို့ချထားတဲ့ အွန်လိုင်းသင်တန်းလေး (၅) ခုကို မျှဝေပေးချင်ပါတယ်။ ဒီသင်တန်းတွေကို အခမဲ့ တက်ရောက်နိုင်ရုံသာမက သင်တန်းပြီးဆုံးသွားရင်လည်း Certificate ကို အခမဲ့ ရရှိဦးမှာ ဖြစ်ပါတယ်။ 

Related Article : English ကို Basic ကနေ Advance Level အထိ Free တက်ကြမယ်

>> https://www.edge.com.mm/article/world-english-institute.html

တက်ရောက်နိုင်တဲ့ သင်တန်း (၅) ခု

• ESL001 - CEFR A2 (Beginner)
• ESL002 - CEFR B1 (Intermediate)
• ESL003 - CEFR B2 (Upper-Intermediate)
• ESL004 - CEFR C1 (Advanced)
• ESL005 - CEFR C2 (Advanced) 

ESL001 - CEFR A2 (Beginner) - ကြာချိန် (၁၈) နာရီ

ပထမဆုံးအဆင့်အနေနဲ့ အင်္ဂလိပ်စာကို အခုမှ အခြေခံကျကျ စတင် လေ့လာမယ့်သူတွေ တက်ရောက်သင့်ပါတယ်။ ဒီသင်တန်းမှာ စုစုပေါင်း Unit (၄) ခု ပါဝင်ပါတယ်။

>> https://learn.saylor.org/course/view.php?id=698

ESL002 - CEFR B1 (Intermediate) - ကြာချိန် (၁၅) နာရီ

အင်္ဂလိပ်စာ အခြေခံကို ပိုင်နိုင်သွားပြီဆိုရင် နောက်တစ်ဆင့်အနေနဲ့ စာကြောင်းရေးသားပုံတွေကို သိရဖို့ Intermediate အတန်းလေးကို ဆက်လက် တက်ရောက်နိုင်ပါတယ်။ ဒီသင်တန်းမှာလည်း စုစုပေါင်း Unit (၄) ခု ပါရှိပါတယ်။

>> https://learn.saylor.org/course/view.php?id=723

ESL003 - CEFR B2 (Upper-Intermediate) - ကြာချိန် (၁၄) နာရီ

ဒီသင်တန်းကို တက်ရောက်မယ်ဆိုရင် အင်္ဂလိပ်စာ စာကြောင်းတည်ဆောက်ပုံတွေ၊ ဝေါဟာရအသုံးအနှုန်းတွေကို အထိုက်အလျောက် နားလည်သွားမှာဖြစ်ပါတယ်။ ဒီသင်တန်းမှာလည်း စုစုပေါင်း Unit (၄) ခု ပါဝင်ပါတယ်။

>> https://learn.saylor.org/course/view.php?id=792

ESL004 - CEFR C1 (Advanced) - ကြာချိန် (၁၂) နာရီ

ပေါင်းစပ်ဖွဲ့စည်းထားတဲ့ စာကြောင်းတွေကို ရေးတတ်၊ ဖတ်တတ်ဖို့၊ အက်ဆေးရေးတတ်ဖို့၊ ဝေါဟာရအသစ်တွေကို အဓိပ္ပါယ်မှန်မှန် သုံးနိုင်ဖို့အတွက် ပြင်ဆင်ပေးမယ့် သင်တန်းဖြစ်ပါတယ်။ ဒီသင်တန်းမှာလည်း စုစုပေါင်း Unit (၄) ခု ရှိပါတယ်။ 

>> https://learn.saylor.org/course/view.php?id=440

ESL005 - CEFR C2 (Advanced) - ကြာချိန် (၁၂) နာရီ

Business English ကို လေ့လာလိုတဲ့သူတွေကတော့ ဒီသင်တန်းကို ရွေးချယ်တက်ရောက်နိုင်ပါတယ်။ ဒီသင်တန်းပြီးရင် Business နဲ့ဆိုင်တဲ့ ဝေါဟာရတွေ၊ အပြောပိုင်းတွေ၊ အရေးပိုင်းတွေ တိုးတက်လာမှာဖြစ်ပါတယ်။ ဒီသင်တန်းမှာကတော့ Unit (၂) ခုပဲ ရှိပါတယ်။ 

>> https://learn.saylor.org/course/view.php?id=481

သင်ကြားရမယ့်ပုံစံ

အချိန်ကန့်သတ်ချက်မရှိတဲ့အတွက် ကိုယ်အားတဲ့အချိန် ဘယ်နေရာမှာမဆို အဆင်ပြေသလို လေ့လာလို့ရပါတယ်။ သင်တန်းတစ်ခုရဲ့ Unit တစ်ခုချင်းစီတိုင်းမှာ Assessment တွေ ဖြေဆိုရမှာဖြစ်သလို သင်တန်းတစ်ခုပြီးဆုံးတိုင်းမှာလည်း Final Exam ထပ်ဖြေဆိုရမှာပါ။

Final Exam မှာ အမှတ် (70%) နဲ့အထက် ရရှိမယ်ဆိုရင် Certificate ကို ရရှိမှာဖြစ်ပါတယ်။ ပထမ ကြိုးစားမှုမှာ သတ်မှတ်ထားတဲ့ အမှတ် မရရှိခဲ့ဘူးဆိုရင် နောက်ထပ်အကြိမ်များစွာ ထပ်ဖြေဆိုလို့ရပါတယ်။ တစ်ခုရှိတာက တစ်ခါဖြေဆိုပြီးရင် နောက်တစ်ခါ ပြန်ဖြေဖို့ ကြားထဲမှာ (၇) ရက်တော့ စောင့်ရပါမယ်။

>> https://learn.saylor.org/course/