ရန်ကုန်တက္ကသိုလ်မှာ တက်ရောက်နိုင်သည့် ဥပဒေဆိုင်ရာဒီပလိုမာသင်တန်း (၃) ခု

ရန်ကုန်တက္ကသိုလ်၊ ဥပဒေပညာဌာနမှ ကြီးမှူးပြီး ဥပေဒေဆိုင်ရာ ဒီပလိုမာသင်တန်းများကို ဇူလိုင်လ (၁) ရက်နေ့တွင် ဖွင့်လှစ်သွားမည်ဖြစ်ကြောင်း သိရပါသည်။ အဆိုပါသင်တန်းများမှာ -

(၁) စီးပွားရေးဥပဒေပညာဒီပလိုမာသင်တန်း (Diploma in Business Law)

(၂) အပြည်ပြည်ဆိုင်ရာဥပဒေပညာဒီပလိုမာသင်တန်း (Diploma in International Law)

(၃) မူပိုင်ခွင့်ဆိုင်ရာ ဥပေဒေပညာဒီပလိုမာသင်တန်း (Diploma in Intellectual Property Law) တို့ဖြစ်ကြပါသည်။ 

၂၀၂၄ ခုနှစ် တက္ကသိုလ်ဝင်စာမေးပွဲအောင်စာရင်းကို ဇွန်လ (၁၁) ရက်နေ့တွင် ထုတ်ပြန်ကြေညာမည်

>> https://www.edge.com.mm/article/66642d9254362.html

အထက်ဖော်ပြပါ ဒီပလိုမာသင်တန်းများကို တက်ရောက်လိုပါက တက္ကသိုလ်တစ်ခုခုမှ ဘွဲ့ရရှိပြီးထားသူများဖြစ်ရပါမည်။ DBL၊ DIL၊ DIPL သင်တန်းဝင်ခွင့် လျှောက်လွှာများကို ၁၄.၆.၂၀၂၄ ရက်နေ့မှ စ၍ ၂၅.၆.၂၀၂၄ ရက်နေ့အထိ ရာမညဆောင်၊ ဥပဒေပညာဌာန၊ ရန်ကုန်တက္ကသိုလ်တွင် ဝယ်ယူပြီး လူကိုယ်တိုင် သွားရောက်လျှောက်ထားနိုင်ပါသည်။

လျှောက်လွှာတင်ရာတွင် လိုအပ်သည့် စာရွက်စာတမ်းများ - 

- ဘွဲ့လက်မှတ် မူရင်းနှင့် မိတ္တူ (၂) စောင်

- မှတ်ပုံတင်မူရင်းနှင့် မိတ္တူ (၂) စောင်

- လိုင်စင်အရွယ် ဓာတ်ပုံ (၅) ပုံ

သင်တန်းတစ်ခုတွင် သင်တန်းသားဦးရေ (၁၀၀) ဦးစီသာ လက်ခံမည်ဖြစ်ပါသည်။ သင်တန်းစတင် ဖွင့်လှစ်မည့်ရက်မှာ ၁.၇.၂၀၂၄ (တနင်္လာနေ့) ဖြစ်ပြီး သင်တန်းကာလမှာ (၉) လ ကြာမြင့်ပါမည်။ သင်တန်းတက်ရောက်ရမည့်အချိန်မှာ တနင်္လာနေ့မှ သောကြာနေ့၊ နံနက် (၇) နာရီမှ (၉) နာရီအထိ ဖြစ်ပါသည်။ 

ရန်ကုန်အဝေးသင်တက္ကသိုလ်မှာ လျှောက်ထားနိုင်သည့် Online Certification သင်တန်းများ

>> https://www.edge.com.mm/article/yude-online-certification.html