ရေကြောင်းပညာတက္ကသိုလ်မှအချိန်ပိုင်းဒီပလိုမာသင်တန်းများစတင်လျှောက်ထားနိုင်

မည်သည့်တက္ကသိုလ်မှမဆိုဘွဲ့တစ်ခုခုရရှိပြီးသူတိုင်းအနေဖြင့်မြန်မာနိုင်ငံရေကြောင်းပညာတက္ကသိုလ်မှ၂၀၂၂ ခုနှစ် ဒီဇင်ဘာလ ၁ ရက်နေ့တွင် စတင်ဖွင့်လှစ်ပို့ချမည့် ၂၀၂၂-၂၀၂၃ ပညာသင်နှစ် အချိန်ပိုင်း ဘွဲ့လွန်ဒီပလိုမာ သင်တန်းများကို စတင်လျှောက်ထားနိုင်ကြောင်း သိရှိရသည်။

လျှောက်ထားလိုသူများအနေဖြင့်ဝင်ခွင့်လျှောက်လွှာပုံစံများကိုရန်ကုန်တိုင်းဒေသကြီး၊သန်လျင်မြို့နယ်၊မြန်မာနိုင်ငံရေကြောင်းပညာတက္ကသိုလ်တွင် ၂၀၂၂ ခုနှစ်၊ နိုဝင်ဘာလ ၁ ရက်နေ့မှစတင်ထုတ်ယူနိုင်ပြီး နိုဝင်ဘာလ ၁၈ ရက်နေ့ နောက်ဆုံးထား၍ ရုံးချိန်အတွင်း ပြန်လည်တင်သွင်းရမည်ဖြစ်သည်။

ဝင်ခွင့်လျှောက်လွှာများတွင်အချက်အလက်များကိုပြည့်စုံမှန်ကန်စွာဖြည့်သွင်းရမည်ဖြစ်ပြီးလျှောက်လွှာနှင့်အတူ ပတ်စ်ပို့တ်အရွယ် ဓာတ်ပုံ (၃)ပုံ၊ ဘွဲ့လက်မှတ်မူရင်း နှင့် မိတ္တူ၊ အမျိုးသားမှတ်ပုံတင် (သို့) နိုင်ငံသားစီစစ်ရေးကတ်ပြားမူရင်း နှင့် မိတ္တူတို့ကို ပူးတွဲတင်ပြရမည်ဖြစ်သည်။ 

၂၀၂၂ခုနှစ်၊နိုဝင်ဘာလ၂၁ရက်နေ့၌လူတွေ့ဖြေဆိုခွင့်ရရှိသူများစာရင်း၊လူတွေ့ဖြေဆိုခွင့်ကတ်ပြားထုတ်ပေးမည့်ရက် နှင့် လူတွေ့ဖြေဆိုရမည့် အစီအစဥ်များကို မြန်မာနိုင်ငံရေကြောင်းပညာတက္ကသိုလ်တွင် ကြေညာပေးမည်ဖြစ်သလိုမြန်မာနိုင်ငံရေကြောင်းပညာတက္ကသိုလ်၏ဝက်ဆိုဒ်ဖြစ်သောwww.mmu.edu.mm တွင်လည်း ဝင်ရောက်ကြည့်ရှုနိုင်သည်။

သင်တန်းတက်ရောက်ခွင့်ရရှိသူများစာရင်းကိုနိုဝင်ဘာလ၂၉ရက်နေ့(အင်္ဂါနေ့)တွင်ထုတ်ပြန်ကြေညာသွားမည်ဖြစ်သည်။ဖွင့်လှစ်ပို့ချမည့် သင်တန်းများမှာ အောက်ပါအတိုင်းဖြစ်သည် _

သင်တန်းအောင်မြင်ပြီးဆုံးပါက အောက်ပါဒီပလိုမာဘွဲ့များ ပေးအပ်မည်ဖြစ်သည် _

• Post Graduate Diploma in Shipping Management (Dip.SM)

• Post Graduate Diploma in Port Management (Dip.PM)

• Post Graduate Diploma in Transport & Logistics  Management (Dip.TLM)

ပညာအရည်အချင်းသတ်မှတ်ချက်များမှာ အောက်ပါအတိုင်းဖြစ်သည် _

• တက္ကသိုလ်တစ်ခုခုမှ ဘွဲ့တစ်ခုခုရရှိပြီးသူဖြစ်ရမည်

• လုပ်ငန်းခွင်နှင့်ဆက်စပ်မှုရှိသူများကို ဦးစားပေးခေါ်ယူသွားမည်ဖြစ်သည်

• ဒီပလိုမာသင်တန်းများအားလုံးအတွက် ဝန်ထမ်းဖြစ်လျှင် (ပုဂ္ဂလိကလုပ်ငန်းအပါအဝင်) ဌာနဆိုင်ရာ အကြီးအကဲ၏ ခွင့်ပြုချက်ပါရှိရမည်

သဘော်လုပ်ငန်းစီမံခန့်ခွဲမှုပညာဘွဲ့လွန်ဒီပလိုမာ၊ဆိပ်ကမ်းစီမံခန့်ခွဲမှုပညာဘွဲ့လွန်ဒီပလိုမာသင်တန်းများကို တစ်ပတ်လျှင် (၆) ရက် (တနင်္လာမှသောကြာနေ့အထိ) နံနက် ၇ နာရီမှ နံနက် ၉ နာရီအထိ၊ စနေနေ့တွင်နံနက်၈နာရီမှညနေ၄း၃၀အထိလည်းကောင်း၊ထောက်ပံ့သယ်ယူပို့ဆောင်ရေးစီမံခန့်ခွဲမှုဘွဲ့လွန်ဒီပလိုမာသင်တန်းကိုတစ်ပတ်လျှင် (၅) ရက် (တနင်္လာမှသောကြာနေ့အထိ) နံနက် ၇ နာရီမှ နံနက် ၉ နာရီအထိ သတ်မှတ်ထားသော အချိန်ဇယားအတိုင်း ရန်ကုန်တိုင်းဒေသကြီး၊ အလုံမြို့နယ်၊ သခင်မြပန်းခြံအနီး၊ မြန်မာ့ဆိပ်ကမ်းအာဏာပိုင် ကိုယ်စားလှယ်လုပ်ငန်းဌာနဝင်းအတွင်းရှိ မြန်မာနိုင်ငံရေကြောင်းပညာတက္ကသိုလ်၊ လူ့စွမ်းအားအရင်းအမြစ် ဖွံ့ဖြိုးတိုးတက်မှုဌာန (HRDC) တွင် သင်ကြားပို့ချသွားမည်ဖြစ်သည်။

အသေးစိတ်အချက်အလက်များကို ထပ်မံသိရှိလိုပါက မြန်မာနိင်ငံရေကြောင်းပညာတက္ကသိုလ်သို့ လူကိုယ်တိုင်သော်လည်းကောင်း ဖုန်းနံပါတ် ၀၉ ၄၂၃၅၁၀၈၅၄ သို့လည်းကောင်း ဆက်သွယ်စုံစမ်းမေးမြန်းနိုင်သည်။