သင်ကြားရေးနယ်ပယ်က ဆရာတွေအတွက် အိမ်မှာ အားတဲ့အချိန် လေ့လာလို့ရပြီး သင်ကြားရေးမှာ အထောက်အကူပြုတဲ့ Online Course တွေကို မျှဝေပေးသွားပါမယ်။ ဒီသင်တန်းတွေ တက်ရောက်ပြီးရင် စာသင်ခန်းစီမံခန့်ခွဲမှု၊ သင်ကြားရေးအခြေခံစည်းမျဉ်းတွေ၊ နည်းပညာပေါင်းစပ်မှု၊ ဘာသာရပ်အလိုက် သင်ကြားရေးနည်းဗျူဟာတွေ၊ သင်ရိုးညွှန်းတမ်းနဲ့ သင်နည်းဗေဒတွေကို လေ့လာလို့ရပါတယ်။
၁။ Alison
စာသင်ခန်းစီမံခန့်ခွဲမှု၊ သင်ကြားရေးနည်းစနစ်တွေနဲ့ ပညာရေးစိတ်ပညာ၊ အစောပိုင်းကာလပညာရေး၊ မသန်းစွမ်းကလေး သင်ကြားရေး စတဲ့ အကြောင်းအရာတွေကို လေ့လာလို့ရပါတယ်။ သင်ကြားရေးနဲ့ ပတ်သက်တဲ့ အခမဲ့သင်တန်းတွေ (၁၃၀) ကျော် ရှိတဲ့အတွက် နှစ်သက်ရာကို ရွေးချယ် သင်ယူနိုင်ပါတယ်။
>> https://alison.com/tag/teaching?&page=2
၂။ Coursera
ပညာရပ်အမျိုးမျိုးကို နာမည်ကြီး နိုင်ငံခြားတက္ကသိုလ်တွေကနေ သင်ကြားပို့ချပေးနေတဲ့ အကောင်းဆုံး အွန်လိုင်းပလပ်ဖောင်းတစ်ခု ဖြစ်ပါတယ်။ ဒီထဲကမှ သင်ကြားရေးနဲ့ ပတ်သက်ပြီး နည်းပညာအသုံးပြုမှု၊ သင်ရိုးချဉ်းကပ်မှု၊ စာသင်ခန်းစီမံခန့်ခွဲမှု၊ အင်္ဂလိပ်စာသင်ကြားမှု၊ အွန်လိုင်းသင်ကြားရေးနည်းလမ်းတွေကို သိရှိနိုင်ပါတယ်။
>> https://www.coursera.org/search?query=teaching
၃။ Future Learn
FutureLearn က ဆရာတွေရဲ့ ပရော်ဖက်ရှင်နယ် တိုးတက်မှုအတွက် သင့်တော်တဲ့ အခမဲ့ အွန်လိုင်းသင်တန်းတွေ အမျိုးမျိုးကို ပေးဆောင်ပါတယ်။ ဒီသင်တန်းတွေမှာ အွန်လိုင်းသင်ကြားရေး၊ သင်ရိုးနဲ့ သင်ယူမှုပုံစံများ၊ ဘာသာစကားသင်ကြားရေး၊ STEM သင်ကြားရေး တို့အပါအဝင် မူလတန်းနဲ့ အထက်တန်းပညာရေးတို့အကြောင်းကိုလည်း လေ့လာနိုင်ပါတယ်။
>> https://www.futurelearn.com/subjects/teaching-courses
၄။ edX
edX မှာ Harvard ၊ MIT တို့လို ကမ္ဘာ့ထိပ်တန်းတက္ကသိုလ်တွေကနေ သင်ကြားပို့ချတဲ့ အခမဲ့ အွန်လိုင်းသင်တန်းတွေ များစွာရှိပါတယ်။ ဒီမှာတော့ သင်ကြားရေးနဲ့ဆိုင်တဲ့ စွမ်းရည်တွေ၊ နည်းဗျူဟာတွေ၊ AI ခေတ် ပညာရေး၊ လူတိုင်းအကျုံးဝင်ပညာရေးနဲ့ အဆင့်မြင့်ပညာရေးအကြောင်းအရာတွေကို သင်ယူနိုင်ပါတယ်။
>> https://www.edx.org/search?
၅။ Teacher Training on Google for Education
Google က အခမဲ့ ပေးဆောင်တဲ့ အွန်လိုင်းသင်တန်းတွေဖြစ်ပြီး စာသင်ခန်းအတွင်း Google Tools တွေကို အသုံးပြုပြီး ထိရောက်တဲ့ သင်ကြားရေးရပ်ဝန်းတစ်ခု ဖန်တီးလိုတဲ့ ဆရာတွေ တက်ရောက်သင့်ပါတယ်။
>> https://edu.google.com/intl/ALL_
၅။ Myanmar Teacher Platform
ဆရာအတတ်ပညာကို မြန်မာလို သင်ယူလိုပြီး အောင်လက်မှတ်ပါ လိုချင်တယ်ဆိုရင်တော့ UNESCO Myanmar က ဖန်တီးလုပ်ဆောင်ထားတဲ့ ဒီဝက်ဘ်ဆိုက်ဒ်လေးက အထူး သင့်တော်ပါတယ်။ သင်ကြားရေးနဲ့သက်ဆိုင်တဲ့ အွန်လိုင်းသင်တန်းပေါင်း (၁၀၀) နီးပါးရှိပြီး မြန်မာ၊ အင်္ဂလိပ်အပြင် တိုင်းရင်းသားဘာသာစကားတွေနဲ့ပါ လေ့လာလို့ရပါတယ်။
>> https://mmteacherplatform.net/en/e-learning
========================
ပညာရေးဆိုင်ရာ သတင်းအချက်အလက် အစုံအလင်ကို
Telegram နှင့် Viber မှာလည်း အလွယ်တကူ ဖတ်ရှုနိုင်ပါတယ်။
> https://t.me/eudcationguide (Telegram)
> https://invite.viber.com/? (Viber)
နှစ်ပတ်တစ်ကြိမ် ပေးပို့နေတဲ့ Education Bulletin ကို
ရယူဖို့လည်း Subscribe လုပ်ထားနိုင်ပါတယ်။