MFU တက္ကသိုလ်တွင် အင်္ဂလိပ်စာသင် ဆရာအဖြစ် အလုပ်လျှောက်မည်

သင်က ဆရာအလုပ်ကို ဝါသနာပါပြီး သင်ကြားရေး အတွေ့အကြုံရှိသူဆိုရင် ထိုင်းနိုင်ငံက Mae Fah Luang (MFU) တက္ကသိုလ်မှာ အင်္ဂလိပ်စာသင် ဆရာတစ်ဦးအဖြစ် အလုပ်လျှောက်နိုင်ပါပြီ။ MFU တက္ကသိုလ်က ထိုင်းနိုင်ငံမြောက်ပိုင်း၊ ချင်းရိုင်ခရိုင်ထဲမှာ တည်ရှိပြီး အစိုးရပိုင် တက္ကသိုလ် ဖြစ်ပါတယ်။

ဒီတက္ကသိုလ်က High Quality ပညာရေးစနစ်ကြောင့် နာမည်ကြီးတဲ့အပြင် ကျေးလက်ဆန်ပြီး အေးချမ်းသာယာတဲ့ ကျောင်းရဲ့ တည်နေရာကြောင့် နိုင်ငံတကာ ကျောင်းသား/သူတွေရဲ့ စိတ်ဝင်စားမှု အများဆုံး ခံရပါတယ်။ MFU တက္ကသိုလ်က ထိုင်းနိုင်ငံမှာရှိတဲ့ တက္ကသိုလ်တွေထဲက နံပါတ် (၅) အဆင့်မှာ ရှိတဲ့အတွက် Ranking လည်းကောင်းတဲ့ ကျောင်းဖြစ်ပါတယ်။

ဒီလို နာမည်ကောင်းနဲ့ ကျော်ကြားတဲ့ ထိုင်းတက္ကသိုလ်မှာ English Instructor လုပ်ပြီး ဝမ်းစာဖြည့်ချင်တယ်ဆိုရင်တော့ ၂၀၂၅ ခုနှစ်၊ ဇန်နဝါရီလ (၇) ရက်နေ့ နောက်ဆုံးထားပြီး လျှောက်လို့ရပါတယ်။

လုပ်ရမယ့် အလုပ်တာဝန်

- ဘွဲ့ကြိုကျောင်းသားတွေကို အင်္ဂလိပ်စာ တစ်ပတ် (၁၈) နာရီ သင်ကြားပေးရပါမယ်။

- ကျောင်းသားတွေ အင်္ဂလိပ်စာ တိုးတက်မှုရှိဖို့ ကျောင်းသင်ရိုးပြင်ပ လှုပ်ရှားမှုတွေ ဖန်တီးပေးနိုင်ရပါမယ်။

ရှိရမယ့် အရည်အချင်း သတ်မှတ်ချက်

- အင်္ဂလိပ်စာ (သို့) သင်ကြားရေး အထူးပြုဘွဲ့ ရရှိထားရပါမယ်။

- အင်္ဂလိပ်စာ သင်ကြားရေး အောင်လက်မှတ် ရှိရပါမယ်။ (TEFL/TESOL)

- နှစ်နှစ်အတွင်း ဖြေဆိုထားတဲ့ အင်္ဂလိပ်ဘာသာစကား ကျွမ်းကျင်မှု အောင်လက်မှတ် ရှိရပါမယ်။

• IELTS - 7
• TOEFL - iBT 79
• TOEIC Listening and Reading - 800

ရရှိမယ့် အကျိုးခံစားခွင့်

- တစ်နှစ်ကို ၃၁၂,၀၀၀ ဘတ်

- တစ်လကို အိမ်စရိတ် ၄,၀၀၀ ဘတ်

- ချင်းရိုင်သွားဖို့အတွက် ခရီးစဉ်စရိတ်

- တစ်နှစ်ကို လစာရ ခွင့်ရက် (၂၀)

- လစာရ Semester Break

လိုအပ်တဲ့ စာရွက်စာတမ်း

- CV

- Passport

- ဘွဲ့လက်မှတ်တွေ

- အမှတ်စာရင်းတွေ

- အင်္ဂလိပ်ဘာသာစကား ကျွမ်းကျင်မှု အမှတ်စာရင်း

- သက်ဆိုင်ရာ စာရွက်စာတမ်းတွေ လိုအပ်ပါတယ်။

ဘယ်လိုလျှောက်ထားရမလဲ?

ဖော်ပြပါ စာရွက်စာတမ်းတွေကို MFU အီးမေးလ် [email protected] ကို Subject မှာ MFS 2025 လို့ရေးပြီး တိုက်ရိုက်ပေးပို့ လျှောက်ထားနိုင်ပါတယ်။ ၂၀၂၅ ခုနှစ်၊ ဖေဖော်ဝါရီလ (၁၀-၁၄) ရက်နေ့မှာ အင်တာဗျူး ဖြေဆိုရမှာဖြစ်ပြီး နောက်ဆုံးအဆင့် ရွေးချယ်ခံရသူတွေကို ၂၀၂၅ ခုနှစ်၊ ဖေဖော်ဝါရီလ (၂၄) ရက်နေ့မှာ အကြောင်းကြား ဆက်သွယ်ပေးမှာ ဖြစ်ပါတယ်။

Source :