Education Fair - Myanmar မှ ဦးစီးကျင်းပတဲ့ ဘာသာစကားသင်တန်းကျောင်း ပြပွဲကြီး (Advanced Studies Pwal - Language) ကို လှည်းတန်းစင်တာမှာ ကျင်းပဖို့ စီစဉ်နေကြောင်း သိရှိရပါတယ်။
Education Fair - Myanmar မှ Advanced Studies Pwal - Language ကို ၂၀၂၃ ခုနှစ်တည်းက ကျင်းပလာတာ အခုဆိုရင် Season - 10 အထိ အောင်အောင်မြင်မြင် ကျင်းပခဲ့ပြီးဖြစ်ပါတယ်။ လာမယ့် Season 11 ကိုတော့ ၂၀၂၄ ခုနှစ် ဩဂုတ်လ ၃၀ ရက်နေ့ကနေ စက်တင်ဘာလ ၁ ရက်နေ့အထိ၊ မနက် ၁၀ နာရီမှ ည ၇ နာရီအတွင်း သုံးရက်တိုင်တိုင် လှည်းတန်းစင်တာရဲ့ ပရိုမိုးရှင်းဧရိယာမှာ ကျင်းပသွားမှာဖြစ်ပါတယ်။
ဒီပွဲမှာ ရန်ကုန်မြို့က ဘာသာစကားသင်တန်းကျောင်းတွေကို တစ်နေရာတည်းမှာ တစ်စုတစ်စည်းတည်း တွေ့နိုင်ပါတယ်။ ဒါကြောင့်လည်း အလုပ်အကိုင်အခွင့်အလမ်းကောင်းတွေ ရချင်တဲ့လူငယ်တွေနဲ့ အနာဂတ်ပညာရေးလမ်းကြောင်းအတွက် ဘာသာစကားသင်တန်းကျောင်းတွေကို လေ့လာစုံစမ်းချင်တဲ့ ကျောင်းသားတွေအနေနဲ့ အထူးစိတ်ဝင်စားပြီး အသွားများတဲ့ ပွဲတစ်ခုပါပဲ။
နောက်ပြီး ပွဲစီစဉ်တဲ့နေရာကလည်း အချက်အချာကျပြီး အမြဲလူစည်ကားနေတဲ့ လှည်းတန်းစင်တာဖြစ်တဲ့အတွက် ပွဲမှာလူမစည်မှာတော့ စိုးရိမ်စရာမရှိပါဘူး။
ဒီပွဲက ကျောင်းသား၊ လူငယ်တွေအတွက် အကျိုးရှိတဲ့ ပွဲဖြစ်သလို သင်တန်းကျောင်းတွေဘက်ကလည်း မိမိသင်တန်းနဲ့ ပတ်သက်တဲ့ အဆင့်မြင့်ပရိုဂရမ်တွေအကြောင်းကို ကြော်ငြာလို့ရပြီး ပရိုမိုရှင်းဆင်းနိုင်မယ့် အခွင့်အရေး ရှိပါတယ်။
ကံကောင်းရင် ပွဲကျင်းပနေစဉ်မှာပဲ သင်တန်းအပ်မယ့် ကျောင်းသား/ကျောင်းသူတွေကို တန်းလက်ခံနိုင်ပါသေးတယ်။ ဒါ့အပြင် ကိုယ်နဲ့ လုပ်ငန်းတူတဲ့ ပါတနာအချင်းချင်း မိတ်ဆက်ဆွေးနွေးလို့ရပြီး Networking ကို ဒီထက်ပိုချဲ့လို့ရပါတယ်။
ဒါကြောင့် ပွဲမှာ အတူတူပူးပေါင်းပါဝင်ချင်တယ်ဆိုရင်တော့ နှစ်လကျော်လောက်အချိန်ရတာဖြစ်တဲ့အတွက် သင်တန်းပရိုမိုးရှင်းအစီအစဉ်တွေ၊ ပရိုမိုးရှင်း items တွေ၊ ကြော်ငြာ Banner တွေကို သေချာပြင်ဆင်ထားနိုင်ပါပြီ။ ပွဲမှာ ပါဝင်မယ့် Booth နေရာတွေနဲ့ အသေးစိတ်အချက်အလက်ကိုတော့ Education Fair - Myanmar ရဲ့ ဖုန်းနံပါတ်တွေဖြစ်တဲ့ 09-794053747 နဲ့ 09-952429555 တို့ကို ဆက်သွယ်စုံစမ်းမေးမြန်းနိုင်ပါတယ်။
