စီးပွားရေးသိပ္ပံဘွဲ့ရမည့် သန်လျင် သမဝါယမနှင့် စီမံခန့်ခွဲမှုပညာ တက္ကသိုလ်ဝင်ခွင့်

၂၀၂၄- ၂၀၂၅ ပညာသင်နှစ်အတွက် သမဝါယမနှင့် စီမံခန့်ခွဲမှုပညာ တက္ကသိုလ် (သန်လျင်) မှ ပထမနှစ် ကျောင်းသားများ စတင် ခေါ်ယူနေပြီဖြစ်ပြီး ဩဂုတ်လ (၁၉) ရက်နေ့မှ အောက်တိုဘာလ (၁၅) ရက်နေ့အတွင်း ဝင်ခွင့်လျှောက်ထားနိုင်ကြောင်း သိရသည်။

ဘွဲ့အားလုံးအတွက် ပညာသင်နှစ် ကာလမှာ အချိန်ပြည့် (၄) နှစ် ဖြစ်ပြီး ဖွင့်လှစ်မည့် သင်တန်းများနှင့် ပေးအပ်မည့် ဘွဲ့များမှာ အောက်ပါအတိုင်း ဖြစ်သည်။

- စီးပွာရေးသိပ္ပံဘွဲ့ (ဒေသဆိုင်ရာဖွံ့ဖြိုးမှုပညာ)

B.BSc (Regional Development)

- စီးပွာရေးသိပ္ပံဘွဲ့ (စာရင်းကိုင်နှင့် ဘဏ္ဍာရေးပညာ)

B.BSc (Accounting and Finance)

- စီးပွာရေးသိပ္ပံဘွဲ့ (အသုံးချစာရင်းအင်းပညာ)

B.BSc ( Applied Statistics )

- စီးပွာရေးသိပ္ပံဘွဲ့ (ဈေးကွက်ဖော်ဆောင်ရေး စီမံခန့်ခွဲမှုပညာ) 

B.BSc ( Marketing Management )

- စီးပွာရေးသိပ္ပံဘွဲ့ (လူမှုစီးပွားရေးလုပ်ငန်း စီမံခန့်ခွဲမှုပညာ) 

B.BSc (Social Enterprise Management)

Related Article: G-12 အောင်ထားသူတွေ လက်ရှိလျှောက်ထားနိုင်တဲ့ တက္ကသိုလ်များ

>> https://www.edge.com.mm/article/myanmar-universities

ဝင်ခွင့်လျှောက်လွှာပုံစံ ရယူခြင်း

ဝင်ခွင့်လျှောက်လွှာပုံစံကို ဩဂုတ်လ (၁၉) ရက်၊ တနင်္လာနေ့မှ စတင်၍ -

• သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန Website: http://www.mcrd.gov.mm (သို့)
• သမဝါယမနှင့် စီမံခန့်ခွဲမှုပညာတက္ကသိုလ် (သန်လျင်) Website: http://www.ucmt.edu.mm တို့မှ Download လုပ်၍ဖြစ်စေ
• သမဝါယမနှင့် စီမံခန့်ခွဲမှုပညာတက္ကသိုလ် (သန်လျင်)၊ သင်တန်းရေးရာဌာနမှ လူကိုယ်တိုင် သွားရောက်ထုတ်ယူ၍ဖြစ်စေ ရရှိနိုင်သည်။ 

လျှောက်လွှာနှင့်အတူ ပူးတွဲ တင်ပြရမည့် စာရွက်စာတမ်းများ

•     တက္ကသိုလ်ဝင်စာမေးပွဲ အောင်လက်မှတ်မိတ္တူ
•     အမှတ်စာရင်းမူရင်း
•     ပတ်စပို့စ်ဆိုဒ် (1.3"x1.1") ဓာတ်ပုံ-၄ပုံ
•     လျှောက်ထားသူနှင့် မိဘ (၂) ပါး၏ နိုင်ငံသားစိစစ်ရေးကတ်ပြား မိတ္တူ

ဝင်ခွင့်လျှောက်ထားခြင်း

ပထမနှစ်သင်တန်းဝင်ခွင့် လျှောက်ထားခြင်းကို ၁၉.၈.၂၀၂၄ (တနင်္လာနေ့) မှစတင်၍ ၁၅.၁၀.၂၀၂၄ (အင်္ဂါနေ့) အထိ လျှောက်လွှာနှင့်တကွ စာရွက်စာတမ်း အပြည့်အစုံကို သမဝါယမနှင့် စီမံခန့်ခွဲမှုပညာတက္ကသိုလ် (သန်လျင်) သို့ စာတိုက်မှဖြစ်စေ၊ လူကိုယ်တိုင်ဖြစ်စေ၊ သမဝါယမနှင့် ကျေးလက်ဖွံ့ဖြိုးရေး ဝန်ကြီးဌာနအောက်ရှိ သမဝါယမ ဦးစီးဌာန၊ ကျေးလက်ဒေသဖွံ့ဖြိုးတိုးတက်ရေး ဦးစီးဌာန၊ အသေးစား စက်မှုလက်မှုလုပ်ငန်း ဦးစီးဌာနနှင့် ကျေးလက် လမ်းဖွံ့ဖြိုးရေးဦးစီးဌာနများ၏ တိုင်းဒေသကြီး/ပြည်နယ်၊ ခရိုင်၊ မြို့နယ်ရုံးများမှတစ်ဆင့် ပေးပို့၍ဖြစ်စေ လျှောက်ထားနိုင်သည်။ 

သမဝါယမနှင့် စီမံခန့်ခွဲမှုပညာတက္ကသိုလ် (သန်လျင်) သို့ လျှောက်ထားသူများအနက် လက်ခံနိုင်မည့် လူဦးရေသတ်မှတ်ချက်အရ တက္ကသိုလ်ဝင် စာမေးပွဲရမှတ်အပေါ် မူတည်၍ ရမှတ်အများအနည်းအလိုက် စိစစ် ရွေးချယ်သွားမည်ဖြစ်ကြောင်း သိရသည်။

တက္ကသိုလ်ဝင်ခွင့် ရရှိသူများကို သမဝါယမနှင့် စီမံခန့်ခွဲမှုပညာတက္ကသိုလ် (သန်လျင်) နှင့် အထက်ဖော်ပြပါ သမဝါယမနှင့် ကျေးလက်ဖွံ့ဖြိုးရေး ဝန်ကြီးဌာန ဝက်ဆိုက်ဒ် http://www.mcrd.gov.mm နှင့် သမဝါယမနှင့် စီမံခန့်ခွဲမှုပညာ တက္ကသိုလ် (သန်လျင်) ဝက်ဆိုက်ဒ် http://www.ucmt.edu.mm တို့တွင်လည်း ထုတ်ပြန် ကြေညာပေးသွားမည်ဖြစ်သည်။

အသေးစိတ်သိရှိလိုပါက ဆက်သွယ်ရန်
၀၉၇၉၅၃၀၀၁၅၁ 

-------------------------------------------

VPN မလိုဘဲ ပညာရေးသတင်းအစုံအလင်ကို ဖတ်ရှုနိုင်ဖို့ Myanmar Education Guide ရဲ့ Telegram Channel ကို အခုပဲ Join ထားလိုက်တော့နော်။

Join our Telegram Channel

> https://t.me/eudcationguide