ထိုင်းကျောင်းများတွင် သင်ကြားရန် အင်္ဂလိပ်စကားပြောကျွမ်းကျင်သူ ၁၀,၀၀၀ ကိုအစိုးရမှခေါ်ယူသည်

တိုင်းပြည်၏ စိန်ခေါ်မှုများနှင့် ကြုံတွေ့နေရသော ပညာရေးစနစ်အတွက် ခန့်ထားပြီးသော ဆရာ ခုနစ်ထောင်ကျော်နှင့်အတူ အင်္ဂလိပ်ဘာသာ စကားကျွမ်းကျင်သောသူ တစ် သောင်းခန့်ကို ထိုင်းနိုင်ငံပညာရေးဝန်ကြီးဌာနက ခန့်အပ်ရန်အတွက်  ရန်ပုံငွေကို အစိုးရမှ အတည်ပြုပေးခဲ့သည်ဟုသိရသည်။

ပြီးခဲ့သည့်နှစ် ဇူလိုင်လက Mr Nataphol Teepsuwan ကို ဝန်ကြီးအဖွဲ့တွင် ခန့်အပ်ခဲ့ပြီးနောက် သူက ထိုင်းနိုင်ငံ ပြင်ပရှိ နိုင်ငံများသို့ဆက်သွယ်၍ ရင်းနှီးမြှုပ်နှံမှုများကို ဆွဲဆောင်နိုင်မည့် ပညာရေးစနစ်ကို ပြန်ချိန်ညှိရန် ကြိုးပမ်းအားထုတ်သည်။

ထိုင်းနိုင်ငံ၏ အင်္ဂလိပ်စာ တတ်ကျွမ်းမှုသည် ကျဆင်းနေခဲ့ရာမှ ၂၀၁၇ ခုနှစ်တွင် ပြန်လည်ကောင်းမွန်အောင် စတင်ကြိုးပမ်းခဲ့သည်။ အင်္ဂလိပ်စာ တတ်ကျွမ်းသူများအပြင် တရုတ်စကားပြောဆိုသူ တစ်သောင်းကိုလည်း ပညာရေးစနစ်တွင် ခန့်ထားမည်ဟု သူက ထုတ်ဖော်ပြောကြားခဲ့သည်။ အကြောင်းမှာ တရုတ်နိုင်ငံသည် ကမ္ဘာ့အင်အားကြီးနိုင်ငံ ဖြစ်နေသောကြောင့် ဖြစ်သည်။

ဖျားနာနေသော ထိုင်းပညာရေးစနစ်သည် ပြုပြင်ပြောင်းလဲ ရန်လိုအပ်သည်                                     
ထိုင်းနိုင်ငံ၏ ပညာရေးစနစ်သည် နိုင်ငံတစ်လွှား ထူထောင်ထားသည့်အစိုးရကျောင်းများနှင့် ပညာရေးအဖွဲ့အစည်းများ ပါဝင်နေသော   ကြီးမားသည့် ကွန်ရက်ကို လုပ်ရကိုင်ရ ခက်ခဲသည့် အစိုးရဗျူရိုကရေစီ ယန္တရားက ကြီးကြပ်ပေးနေသည်။ ထိုသို့ ကြီးကြပ်ရာတွင်  ပညာရေးဝန်ကြီးဌာနသာမက ပြည်နယ်အစိုးရ ကြီးကြပ်ရေး အေဂျင်စီများလည်း ပြည်နယ်အဆင့်ထိ ပါဝင်နေသည်။

ထိုစနစ်သည် ပညာရေးအဆင့်အတန်းနိမ့်ကျခြင်းနှင့် ဆရာများ၏ အဓိက မဖြေရှင်းပေးနိုင်သေးသည့် ပြဿနာများအပါအဝင် အကျပ်အတည်းနှင့် ရင်ဆိုင်နေရသောပြဿနာများ ပိုမိုများပြားမြင့်တက်လာခြင်းကို ရင်ဆိုင်နေရသည်။

ထို့အပြင်ဘန်ကောက်ရှိ ရန်ပုံငွေများစွာရသော အပြည်ပြည်ဆိုင်ရာ ကျောင်းများနှင့် ကျေးလက်ဒေသရှိ အဆင်းရဲဆုံး အစိုးရကျာင်းများအကြား ပညာရေးအဆင့်အတန်းများ ကွာဟမှုများ ရှိနေသည်။

ထိုင်းနိုင်ငံ၏ ပညာရေးစနစ်သည် တိုးတက်ခေတ်မီသော်လည်း  အသက်မွေး၀မ်းကျောင်းအတွက်မှာ စစ်တပ်၊ ရဲတပ်ဖွဲ့နှင့် ပြည်သူ့ဝန်ထမ်းများတွင် ရနိုင်မည့် အလုပ်အကိုင်များကိုသာ အာရုံစိုက်နေဆဲဖြစ်သည်။  ထို့ပြင် လူ့အဖွဲ့အစည်းအတွင်း ရှေးရိုးဆန်နေဆဲ ဖြစ်သည်။ 

ကောင်းမွန်သောကတိကဝတ်များနှင့်အတူစည်းကမ်း
ပညာရေးကို  အလွန်တန်ဖိုးထားသော လူ့အဖွဲ့အစည်းအဖြစ် တည်ရှိနေပြီး  မိသားစုများနှင့် ကျောင်းသားများက ပညာတတ်ဖြစ်ဖို့ သံန္နိဌာန် ထားရှိကြသည်။  စည်းကမ်းကောင်းသော ပတ်ဝန်းကျင်ထဲတွင် ပညာသင်ယူကြသည်။

နိုင်ငံ၏ ကြီးမားသောကွန်ယက်အတွင်း ရှိနေသော ကျောင်းများအတွက် လွယ်ကူချောမွေ့စေမည့် အစီအစဉ်များကို ထိုင်းဝန်ကြီးက ဘန်ကောက်ရှိ နိုင်ငံတကာကျောင်းများ ကွန်ဖရင့်၌ ထုတ်ဖော်ပြောကြားခဲ့ရာ၌ ကျောင်းလခဈေးကြီးသေ ာနိုင်ငံတကာကျောင်းစနစ်တွင် အသုံးပြုသော နည်းဗျူဟာအချို့ကို အစိုးရကျောင်းများတွင် သုံးစွဲမည် ဖြစ်သည်။

လက်ရှိကျောင်းအရေအတွက် စာသင်ကျောင်းပေါင်း ၁၅၀၀၀ ထက် လျှော့ချရန် စီစဉ်ထားကြောင်လည်းးပြောကြားခဲ့သည်။

နိုင်ငံခြားအင်္ဂလိပ်ဆရာများကို ခေါ်ယူရန်စီစဉ်
ပြည်ပမှ အင်္ဂလိပ်စကားပြောကျွမ်းကျင်သော ဆရာများကို ခန့်အပ်ထားနိုင်ရန် အစီအစဉ်သည် ဗိုင်းရပ်စ်ကူးစက်မှုနှိမ်နင်းရေးအစီအစဉ်များကြာင့် ယခုနှစ်တွင်  ခရီးသွားလာခွင့်များကိုလည်းကန့်သတ်ထားသဖြင့် ရှေ့ဆက်လက်လုပ်ကိုင်ရန်  ကြိုးစားအားထုတ်မှုများကို အဟန့်အတားဖြစ်နေခဲ့သည်ဟု သူက ပြောကြားသည်။

ထိုင်းနိုင်ငံတွင် အင်္ဂလိပ်စာသင်ကြားရန် ဖိတ်ခေါ်ခံရသူများသည် အဓိကအားဖြင့် သင်ကြားရေးလက်မှတ်ကဲ့သို့သော အထူးအရည်အချင်းများရှိသင့်ကြောင်း Mr Nataphol ကပြောကြားသည်။

ဆရာများအား အင်္ဂလိပ်စာသင်ကြားပေးရန် ရည်ရွယ်သည့် အစိုးရ၏ မူဝါဒကိုပြောင်းလဲ
Mr Nataphol ၏ မူဝါဒသည် ယခင်အစိုးရလက်ထက်တွင် နိုင်ငံခြားဆရာများကို ငှားရမ်းမည့်အစား အင်္ဂလိပ်စကားပြောစွမ်းရည်များကို ပြည်တွင်းမှ ဆရာဆရာမများအား သင်ကြားပေးရန် ဆောင်ရွက်ခဲ့သည်။ ယခု ပြည်ပမှ ခေါ်ယူမည် ဖြစ်ရာ မူဝါဒ ပြောင်းလဲလိုက်ခြင်း ဖြစ်သည်၊ ပြည်ပမှ ဆရာဆရာမများ ကျောင်းတွင် ရှိနေခြင်းကြောင့် ပြည်တွင်းမှ ဆရာဆရာမများသည်လည်း နိုင်ငံခြားသား ဆရာဆရာမတိုထံမှ ကမ္ဘာသုံး ဘာသာစကားဖြစ်သော အင်္ဂလိပ်စာကို သင်ယူနိုင်ကြမည် ဖြစ်ပြီး အင်္ဂလိပ်စာစွမ်းရည် မြင့်တက်သည့် အကျိုးကို ရရှိကြမည်ဟု ဝန်ကြီးက ရှင်းပြသည်။ 

အာရှ၌ ၂၅ နိုင်ငံတွင် ၁၇ ခုမြောက်နိုင်ငံဖြစ်နေ                                                                      
ထိုင်းနိုင်ငံတွင် အင်္ဂလိပ်စာ တတ်ကျွမ်းမှုသည် ၂၀၁၇ ခုနှစ်တွင် အနည်းငယ်တိုးတက်မှုခဲ့သော်လည်း ၂၀၁၈ ခုနှစ်တွင် အင်္ဂလိပ်စာကျွမ်းကျင်မှုတွင် ကမ္ဘာ့အင်္ဂလိပ်စာတိုးတက်မှုသည် သိသိသာသာကျဆင်းခဲ့သည်။ ၂၀၁၈ ခုနှစ်မှစ၍  အာရှ၌ ၂၅ နိုင်ငံတွင် ၁၇ ခုမြောက်နိုင်ငံဖြစ်နေခဲ့သည်ဟုသိရသည်။

ထိုင်းနိုင်ငံ၏ အင်္ဂလိပ်စာ တတ်ကျွမ်းမှုအရ နိုင်ငံတကာ စီးပွားရေးတွင် ယှဉ်ပြိုင်နိုင်မှု ယုတ်လျော့ခြင်းသည် အခြားနိုင်ငံများက  အင်္ဂလိပ်စာ တတ်ကျွမ်းမှု တိုးတက်ခဲ့ရာတွင် ထိုင်းနိုင်ငံက နောက်ကျကျန်ခဲ့သဖြင့် ၁၇ ခုမြောက်နိုင်ငံဖြစ်နေသည်မှာ မှန်သော်လည်း ထိုင်းနိုင်ငံ၏ အင်္ဂလိပ်စာ သင်ကြားရေးတွင် လုပ်ကိုင်ပုံမှားနေခြင်းသည်လည်း အကြောင်းရင်း တစ်ချက် ဖြစ်သည်။

အင်္ဂလိပ်စကားပြောစွမ်းရည်သည် ဘန်ကောက်နှင့် Nonthaburi တို့တွင်သာမက  နိုင်ငံ၏မြောက်ပိုင်း ခရီးသွားနေရာများတွင်လည်း ပိုမိုအားကောင်းသည်။ 

ခန့်မှန်းချက်များကွဲပြားသော်လည်း ဒေသတွင်းပေါ် မူတည်၍ ထိုင်းနိုင်ငံရှိ အင်္ဂလိပ်ဘာသာစကားဖြင့် ပြောဆိုနိုင်မှုသည် ၁၀ ရာခိုင်နှုန်းမှ ၁၅% အထိရှိသည်ဟု ယေဘုယျအားဖြင့် ယူဆကြသည်ဟုသိရသည်။

ထူးခြားသော ဓလေ့ထုံးတမ်းနှင့် ထိုင်းနိုင်ငံအတွင်းရှိ ထိုင်းဘာသာစကားသည် လူအများကို ဒုတိယဘာသာစကားအဖြစ် အင်္ဂလိပ်ဘာသာသင်ယူရန်ခက်ခဲစေသည်။ 

ကျွမ်းကျင်သူများစွာက အင်္ဂလိပ်စာသင်ကြားရန် စီးပွားရေးမက်လုံးပေးခြင်းသည် ထိုင်းလူမျိုးအများစုအတွက် အဓိကအချက်ဖြစ်သည် ဟုသဘောတူကြသည်။

လူငယ်များကို သင်ကြားရန် ရည်ရွယ်ချက်ပြုပြင်ပြောင်းလဲမှုများ
ပညာရေးဝန်ကြီးကပြောကြားရာတွင် သူသည် ကနဦးပြုပြင်ပြောင်းလဲရေး ကြိုးပမ်းမှုကို ထိုင်းကလေးငယ်များအပေါ် အာရုံစူးစိုက်စေချင်ကြောင်းပြောကြားခဲ့သည်။ 

ထိုင်းသည် အင်္ဂလိပ်စာသင်ကြားရာတွင် အပြော၊ ဝေါဟာရနှင့် သဒ္ဒါဆိုင်ရာ တို့အတွက် ဝေဖန်ခံခဲ့ရသည်။ ခေတ်သစ် အင်္ဂလိပ်စာသင်ကြားရေးနည်းစနစ်များသည် အထူးသဖြင့် ထိုင်းကျောင်းသားများကို အင်္ဂလိပ်စကားပြောရန် သင်ကြားရေးကို အထောက်အကူပြုသည်။

ဘာသာစကားအသစ် သင်ယူရန် အကောင်းဆုံးအချိန်သည်အသက် ခုနစ်နှစ်အရွယ်မှ စ၍ဖြစ်သည်ဟုသိရသည်။ အသက်မွေးဝမ်းကျောင်းအဖြစ်သင်ကြားသော ကျောင်းသားများအတွက် ဒုတိယဘာသာစကားသင်ယူရန် ပိုမိုလွယ်ကူသည်ကိုတွေ့ရသည်။ ထိုင်းနိုင်ငံသည် နိုင်ငံခြားရင်းနှီးမြှုပ်နှံသူများအတွက် စီးပွားရေးအချက်အချာကျသောနိုင်ငံဖြစ်လာစေရန် အင်္ဂလိပ်စာအရည်အသွေးမြှင့်တင်ရန်လည်း အရေးကြီးသည်ဟု Mr Nataphol ကပြောကြားခဲ့သည်။

ကျွမ်းကျင်သူများက ထိုင်းလူမျိုးများ အင်္ဂလိပ်စာလေ့လာရာတွင် ကြုံတွေ့ရသောပြဿနာနောက်ကွယ်မှ အမှားအယွင်းများ ပြုမိမည်ကိုစိုးရိမ်ကြခြင်း ဖြစ်သည်။ သို့ဖြစ်ရာ မပြောရဲမဆိုရဲ ဖြစ်နေစေသည်။ 

ဘာသာစကားသင်ကြားမှု ကျွမ်းကျင်သူများသည် ထိုင်းကျောင်းသားများနှင့် နိုင်ငံခြားဘာသာစကား သင်ယူရန်ကြိုးစားနေသူများအနေဖြင့် အင်္ဂလိပ်စာသင်ကြားရာတွင် အမှားပြုမိမည်ကို ရှက်ရွံ့ခြင်းသည် အင်္ဂလိပ်စာတိုးတက်မှုနှောင့်နှေးရသည့် အကြောင်းအရင်းဖြစ်သည်။

ထိုင်းနိုင်ငံ၏ စီးပွားရေးဖွံ့ဖြိုးတိုးတက်မှုသည် တိုင်းပြည်တစ်ဝှမ်းရှိ အင်္ဂလိပ်စကားပြောဆက်သွယ်မှုတွင် ကျဆင်းနေသည့် စံနှုန်းများကြောင့် အဟန့်အတားဖြစ်စေသည်ဟုသိရသည်။

အင်္ဂလိပ်စာကျွမ်းကျင်မှုတွင် ထိပ်တန်းကမ္ဘာ့အညွှန်းကိန်းကို ထိန်းသိမ်းထားသော ဆွစ်ကုမ္ပဏီတစ်ခုက ၂၀၁၁ ခုနှစ်တွင် နှစ်စဉ်အဆင့်သတ်မှတ်ချက်အရ နိုင်ငံပေါင်း ၁၀၀ အနက် ထိုင်းနိုင်ငံကိုအဆင့် ၇၄ နေရာတွင် သတ်မှတ်ထားကြောင်းသိရသည်။

၎င်းသည် ယခင်နှစ် ၆၄ အဆင့်မှ ၁၀ နေရာကျဆင်းခဲ့ခြင်းဖြစ်သည်။ 

စီးပွားရေးရင်းနှီးမြှုပ်နှံမှုကို ဆွဲဆောင်ရန်အင်္ဂလိပ်စာလိုအပ်သည်
တိုင်းပြည်အတွက် ရင်းနှီးမြှုပ်နှံမှုများကို ဆွဲဆောင်ရန်နှင့် အဆင့်မြင့် အလုပ်အကိုင်အခွင့်အလမ်းသစ်များ ဖန်တီးရန်အတွက် အင်္ဂလိပ်စာကျွမ်းကျင်မှုသည် အရေးကြီးကြောင်း ဝန်ကြီးက ပြောကြားခဲ့သည်။

ထိုင်းနိုင်ငံသည် လက်ရှိတွင် အိမ်နီးချင်းနိုင်ငံများ ဖြစ်သော အဆင့် ၈၆ ရှိသည့် မြန်မာနိုင်ငံနှင့် အဆင့်  ၉၄  ရှိသော ကမ္ဘောဒီးယားနိုင်ငံများထက် အဆင့်ပိုမြင့်သည်။ သို့သော် ပြဿနာမှာ စာသင်ခန်းပြင်ပတွင် အင်္ဂလိပ်စာသင်ကြားခြင်းနှင့် သုံးစွဲခြင်းများ တိုးတက်မှုမရှိချေ။

လက်တွေ့တွင် ၁၉၉၇ ဘဏ္ဏာရေးအကျပ်အတည်းပြီးနောက် အင်္ဂလိပ်စာကို စတင်မိတ်ဆက်ရန်အစစ်အမှန်ကြိုးပမ်းမှုများ ကိုပြုလုပ်ခဲ့သည် ၁၉၉၇ အာရှဘဏ္ဏာရေးအကျပ်အတည်းအပြီးတွင် ထိုင်းကုမ္ပဏီများသည် အင်္ဂလိပ်စာတတ်မြောက်ရေးကို စီးပွားရေးလုပ်ငန်းများတွင် ထည့်သွင်းရန် ညှိနှိုင်းမှုပြုလုပ်ခဲ့သည်ဟုသိရသည်။ ပိုမိုမြင်သာသောပတ်ဝန်းကျင်ကို ဖန်တီးပေးခြင်းအားဖြင့် နိုင်ငံတော်အတွင်းသို့ ရင်းနှီးမြှုပ်နှံမှုများရရှိရန် ဖြစ်သည်။

အင်္ဂလိပ်ဘာသာစကားသည် နိုင်ငံပေါင်း ၅၃ နိုင်ငံတွင် နိုင်ငံတကာသုံးဘာသာစကားဖြစ်ပြီး လူဦးရေသန်း ၄၀၀ သာ ကျွမ်းကျင်စွာ ပြောဆိုနိုင်သော်လည်း ကမ္ဘာ့ဘာသာစကားအဖြစ် ပေါ်ထွက်လာခဲ့သည်။ လောလောဆယ်၊ လူပေါင်း ၂ ဘီလီယံကျော်ကလေ့လာနေဆဲဖြစ်သည်။

ထိုင်းနိုင်ငံသည် အင်တာနက်တွင် စီးပွားရေးနှင့် ကမ္ဘာလှည့်ခရီးသွားဘာသာစကားများဖြင့် ဗီယက်နမ်နှင့် အင်ဒိုနီးရှား နောက်ကိုလိုက်နေသည်။
ထိုင်းသည် အင်ဒိုနီးရှား၊ ဗီယက်နမ်နှင့် မလေးရှားစသည့်နိုင်ငံများထက် အင်္ဂလိပ်စာကျွမ်းကျင်မှုတွင် နောက်ကျကျန်ခဲ့သည်။  

စင်ကာပူသည် အာရှတွင် အင်္ဂလိပ်အတွက် ထိပ်ဆုံးဖြစ်ပြီး ကမ္ဘာပေါ်တွင် အဆင့် ၅ နေရာတွင်ရှိသည်။
အင်္ဂလိပ်စာ၏ အရေးကြီးမှုကိုမေးခွန်းထုတ်စရာ မလိုပါ။ ယခုအခါ အင်္ဂလိပ်စာသည် ဝက်ဘ်ဆိုက်အားလုံး၏ ၅၂ ရာခိုင်နှုန်းနှင့် ကြီးမားသော ကမ္ဘာကုမ္ပဏီများ၏  တရားဝင်ဘာသာစကား အဖြစ် သုံးစွဲနေကြသည်။ 

ထိုင်းနိုင်ငံ၏စီးပွားရေးသည် မကြာသေးမီက ဖြစ်ပွားခဲ့သော ဗိုင်းရပ်စ်ဘေးအန္တရာယ်ကြောင့် ဂျီဒီပီ၏ ၂၀ ရာခိုင်နှုန်းအတွက် အားထားနေရသော  ခရီးသွားလုပ်ငန်းနှင့် ကမ္ဘာလှည့်ခရီးသွားတို့ကို ထိခိုက်ခဲ့သည်။ ၎င်းကဏ္ဍတို့တွင် အဓိကဘာသာစကားမှာ အင်္ဂလိပ်စာဖြစ်သည်။

Mr Nataphol က အစိုးရသည် ထိုင်းကျောင်းများတွင် တရုတ်စာသင်ကြားရန် တရုတ်စကားပြောသင်ကြားသူ ၁၀,၀၀၀ ကို ခေါ်ယူခဲ့မည် ဖြစ်သည်။

အစိုးရအဖွဲ့က ထိုအစီအစဉ်အတွက် ရန်ပုံငွေများလျာထားပြီး ဘာသာစကားများထဲမတွင် တရုတ်ဘာသာစကားသင်ယူရန်သည် အရေးကြီးဆုံးသောအချက်တစ်ခုပင်ဖြစ်သည်။ တရုတ်နိုင်ငံသည် ကမ္ဘာလုံးဆိုင်ရာ အင်အားကြီးနိုင်ငံဖြစ်လာသည်နှင့်အမျှ ကျွန်ုပ်တို့၏ အနာဂတ်လုပ်သားအင်အားသည် ဘာသာစကားကို ပိုမိုသိရှိလာရန် ပို၍အရေးကြီးလာသည်ဟု Mr Nataphol ကပြောကြားခဲ့သည်။

Ref: thaiexaminer.com

By Yu Khine