Grade - 9 အောင်မြင်ပြီးသူများ လျှောက်ထားနိုင်သည့် အခြေခံပညာနှင့် စက်မှု၊ စိုက်ပျိုး၊ မွေးမြူရေး အထက်တန်းကျောင်းများတွင် ၂၀၂၄-၂၀၂၅ ပညာသင်နှစ်အတွက် သင်တန်းသားသစ်များ ခေါ်ယူလျက်ရှိကြောင်း သိရပါသည်။ ကျောင်းဝင်ခွင့်လျှောက်လွှာများကို ၁၀-၅-၂၀၂၄ ရက်မှ စတင်ထုတ်ယူနိုင်ပြီး ၁၉-၅-၂၀၂၄ ရက် နောက်ဆုံးထား၍ မိမိတို့တက်ရောက်လိုသည့်ကျောင်းများသို့ လျှောက်လွှာတင်သွင်းရမည်ဖြစ်သည်။
ယခုပညာသင်နှစ်အတွက် အခြေခံပညာနှင့် စက်မှု၊ စိုက်ပျိုး၊ မွေးမြူရေး အထက်တန်းကျောင်း (၅၆) ကျောင်း၊ အခြေခံပညာနှင့် စိုက်ပျိုး၊ မွေးမြူရေး အထက်တန်းကျောင်း (၂၉) ကျောင်း၊ အစိုးရနည်းပညာအထက်တန်းကျောင်း (၃၅) ကျောင်းတို့တွင် ကျောင်းလျှောက်ထားနိုင်ပါသည်။
အဆိုပါကျောင်းများတွင် အထက်တန်းပညာနှင့် တွဲဖက်၍ စိုက်ပျိုးရေးသင်တန်း၊ မွေးမြူရေးသင်တန်းနှင့် စက်မှုနည်းပညာသင်တန်းတို့ကို စာတွေ့၊ လက်တွေ့ သင်ကြားရပါမည်။ သင်တန်းကာလ (၃) နှစ်ဖြစ်ပြီး သင်ကြားရေး ပြီးဆုံးအောင်မြင်ပါက အခြေခံပညာအထက်တန်း အောင်လက်မှတ်ကို ပေးအပ်ချီးမြှင့်မည် ဖြစ်ပါသည်။
အခြေခံပညာနှင့် စက်မှု၊ စိုက်ပျိုး၊ မွေးမြူရေး အထက်တန်းကျောင်း (၅၆) ကျောင်း
၁။ ကချင်ပြည်နယ်
အထက(၂) မိုးညှင်း
၂။ ကရင်ပြည်နယ်
အထက(၂) ကော့ကရိတ်
၃။ ချင်းပြည်နယ်
အထက(၂) ဟားခါး
အထက(၁) ပလက်ဝ
၄။ စစ်ကိုင်းတိုင်းဒေသကြီး
အထက(၁) ရွှေဘ်ု
အထက- အုန်းတော
၅။ ပဲခူးတိုင်းဒေသကြီး
အထက- အုန်းနှဲ
အထက- ပဲနွယ်ကုန်း
အထက- အေးမြသာယာ
အထက - သဲကုန်း
၆။ မကွေးတိုင်းဒေသကြီး
အထက- စကု
အထက - ပြလို့
အထက- ဂွေးချို
အထက(၁) သရက်
၇။ မန္တလေးတိုင်းဒေသကြီး
အထက(၁) ပျော်ဘွယ်
အထက- လက်ပံပြား
အထက- ရွှေပြည်
အထက- ပလစ(၂) (အမရပူရ)
အထက- တံတားဦး
အထက(ခွဲ) လ-၁ (ပြင်ဦးလွင်)
၈။ မွန်ပြည်နယ်
အထက-ဟံဂံ
အထက(၁)သထုံ
အထက(၂) ကျိုက်ထို
၉။ ရခိုင်ပြည်နယ်
အထက(၂) သံတွဲ
အထက(၁) အမ်း
အထက(၃) ကျောက်ဖြူ
အထက(၁) တောင်ကုတ်
၁၀။ ရန်ကုန်တိုင်းဒေသကြီး
အထက- စိုက်မွေး
အထက- ညောင်နှစ်ပင်
အထက- ငါးဆူတောင်
အထက- တိုက်ကြီး
အထက(၄) မင်္ဂလာဒုံ
အထက- သုဝဏ္ဏ
အထက(၂) သာကေတ
အထက- ဖားကူး(သန်လျင်)
အထက (၆) မြောက်ဥက္ကလာပ
၁၁။ ရှမ်းပြည်နယ်(မြောက်)
အထက(၃) ကျောက်မဲ
၁၂။ ရှမ်းပြည်နယ်(တောင်)
အထက- ဝမ်ဟတ်
အထက(၇) အင်းခေါင်း
အထက(ခွဲ)လေတပ် (နမ့်စန်-တ)
၁၃။ ရှမ်းပြည်နယ်(ရှေ့)
အလက- တပ်တွင်း (မိုင်းယောင်း)
အထက(ခွဲ) - အလက(၂) (မိုင်းဆတ်)
အထက- နားကောင်းမူး (မိုင်းတုံ)
၁၄။ ဧရာဝတီတိုင်းဒေသကြီး
အထက(၁) ဒေးဒရဲ
အထက(၂) ကျုံပျော်
အထက(၃)မိုင် (လပွတ္တာ)
အထက- ချင်းမြောင်
အထက- ဂုန်နီ
၁၅။ နေပြည်တော်
အထက(၂၀) ပုဗ္ဗသီရိ
အထက- ပျံချီ
အထက- MRTV (တပ်ကုန်း)
၁၆။ ကိုယ်ပိုင်အုပ်ချုပ်ခွင့်ရဒေသ
ပအိုဝ့် - အထက(ခွဲ) ပေါင်လင်း
ပလောင် - အထက-မန်တုံ
ကိုးကန့် - အထက(၂) လောက်ကိုင်
ဓနု - အထက-ကျုံး
နာဂ - အထက- နန်းယွန်း
အခြေခံပညာနှင့် စိုက်ပျိုး၊ မွေးမြူရေး အထက်တန်းကျောင်း (၂၉) ကျောင်း
အစိုးရနည်းပညာအထက်တန်းကျောင်း (၃၅) ကျောင်း
လျှောက်ထားသူသည် အောက်ပါအရည်အချင်းများနှင့် ပြည့်မီသူဖြစ်ရပါမည်။
စိုက်ပျိုး၊ မွေးမြူရေးအထက်တန်းကျောင်းများတွင် -
- စိုက်ပျိုးရေးသင်တန်း
- မွေးမြူရေးသင်တန်း တို့ကို သင်ကြားရပါမည်။
အစိုးရနည်းပညာအထက်တန်းကျောင်းများတွင် -
- အဆောက်အဦးနည်းပညာသင်တန်း (Building Technology)
- အီလက်ထရောနစ် နည်းပညာသင်တန်း (Electronics Technology)
- လျှပ်စစ်နည်းပညာသင်တန်း (Electrical Technology)
- မော်တော်ယာဉ်နည်းပညာသင်တန်း (Automotive Technology)
- စက်ပစ္စည်းအစိတ်အပိုင်းများ ထုတ်လုပ်ခြင်းနည်းပညာသင်တန်း (Machining Technology)
- အဆောက်အဦးပြုပြသ်ထိန်းသိမ်းမှုနည်းပညာသင်တန်း (Building Service Technology)
- သတ္တုပစ္စည်းထုတ်လုပ်မှုနည်းပညာသင်တန်း (Metal Process Technology)
- သုတနည်းပညာသင်တန်း (Information Technology) တို့ကို ဖွင့်လှစ်သင်ကြားပေးပါမည်။
ကျောင်းဝင်ခွင့်လျှောက်လွှာများကို မိမိတက်ရောက်လိုသည့် အထက်တန်းကျောင်းများတွင် ထုတ်ယူပြီး မေလ (၁၉) ရက်နေ့နောက်ဆုံးထား၍ လျှောက်လွှာတင်သွင်းရပါမည်။ သင်တန်းသားရွေးချယ်ရာတွင် သတ်မှတ်ဦးရေပေါ်မူတည်၍ ဦးစားပေး ရွေးချယ်သွားမည် ဖြစ်သည်။ တက်ရောက်ခွင့်ရရှိသော ကျောင်းသား၊ ကျောင်းသူများအား ပညာသင် ထောက်ပံ့ကြေး ပေးအပ်မည်ဖြစ်ပြီး သင်ကြားသင်ယူမှုအတွက် လိုအပ်သည့် ပုံနှိပ်စာအုပ်များ ပေးအပ်မည့် အစီအစဉ်လည်း ရှိပါသည်။
သင်တန်းပြီးပါက ဆက်လက်တက်ရောက်နိုင်မည့် တက္ကသိုလ်အခွင့်အလမ်းများ
စိုက်ပျိုးရေးအတတ်ပညာ (၃) နှစ်သင်တန်းတွင် အဆင့်မီဖြင့် အောင်မြင်ပါက စိုက်ပျိုးရေးသိပ္ပံကျောင်းများ၏ စိုက်ပျိုးရေးဒီပလိုမာလက်မှတ် (Diploma in Agri-culture) (၃) နှစ်သင်တန်းနှင့် အစိုးရ စက်မှုလက်မှုသိပ္ပံကျောင်းများ၏ အင်ဂျင်နီယာနည်းပညာဒီပလိုမာ (AGTI Diploma – Farm Machinery) (၃) နှစ်သင်တန်းသို့လည်းကောင်း၊ အထူးအောင်ဖြင့် အောင်မြင်ပါက ရေဆင်းစိုက်ပျိုးရေးတက္ကသိုလ်၏ (Bachelor of Agricultural Science) (၅) နှစ်သင်တန်းကို တက်ရောက်နိုင်ပါမည်။
မွေးမြူရေးအတတ်ပညာ (၃) နှစ်သင်တန်းတွင် အဆင့်မီဖြင့် အောင်မြင်ပါက စိုက်ပျိုးရေးသိပ္ပံကျောင်းများ၏ မွေးမြူရေးဒီပလိုမာ (Diploma in Animal Husbandry) (၃) နှစ်သင်တန်းနှင့် ငါးလုပ်ငန်းသိပ္ပံ၏ ငါးလုပ်ငန်းသိပ္ပံဒီပလိုမာ (Diploma in Fisheries and Aquaculture) (၃) နှစ်သင်တန်းသို့လည်းကောင်း၊ အထူးအောင်ဖြင့် အောင်မြင်ပါက မွေးမြူရေးဆိုင်ရာ ဆေးတက္ကသိုလ်မှ တိရစ္ဆာန်ဆေးပညာဘွဲ့ (Doctor of Veterinary Medicine) (၆) နှစ်သင်တန်းနှင့် မွေးမြူရေးပညာဘွဲ့ (Bachelor of Animal Science) (၄) နှစ်သင်တန်းများကို တက်ရောက်နိုင်ကြမည်ဖြစ်ပါသည်။
စက်မှုနည်းပညာ (၃) နှစ်သင်တန်းတွင် အဆင့်မီဖြင့် အောင်မြင်ပါက (၃) နှစ်တက်ရောက်ရမည့် အင်ဂျင်နီယာနည်းပညာဒီပလိုမာ (AGTI Diploma) ပေးအပ်သော အစိုးရစက်မှုလက်မှုသိပ္ပံများသို့လည်းကောင်း၊ အထူးအောင်ဖြင့် အောင်မြင်ပါက (၆) နှစ်တက်ရောက်ရပြီး အင်ဂျင်နီယာဘွဲ့ (BE) ပေးအပ်သော နည်းပညာတက္ကသိုလ်များနှင့် ပညာသင်နှစ် (၄) နှစ် တက်ရောက်ရပြီး နည်းပညာဘွဲ့ (B.Tech) ပေးအပ်သော အစိုးရနည်းပညာကောလိပ်များသို့လည်းကောင်း ဆက်လက်တက်ရောက်နိုင်ပါသည်။
အသေးစိတ်သိရှိလိုပါက စိုက်ပျိုး၊ မွေးမြူရေး အထက်တန်းကျောင်းများအတွက် ၀၆၇-၃၄၁၀၂၉၆ နှင့် စက်မှုနည်းပညာအထက်ကျောင်းများအတွက် ၀၆၇-၃၄၀၄၃၉၀၊ ၀၆၇-၃၄၀၄၁၈၂ တို့ကို ဆက်သွယ်မေးမြန်း စုံစမ်းနိုင်ပါသည်။
