မြန်မာကျောင်းသားများအတွက် နိုင်ငံတကာပညာသင်ဆု အခွင့်အလမ်း

ပညာသင်ဆု အကျုံးဝင် သော ဗြိတိန်နိုင်ငံတစ်ဝန်းရှိ ကောလိပ်များတွင် ရှေးဟောင်းသု တေသနဘာသာရပ်များ၊ ဇီဝနည်းပညာဘာသာရပ်များ၊ အင်ဂျင်နီယာဘာသာရပ်များ၊ ကွန်ပျူတာ နှင့် ကွန်ပျူတာသိပ္ပံဘာသာရပ် များ၊ ဘာသာစကားဆိုင်ရာ ဘာသာရပ်များ၊ ဥပဒေ၊ သမိုင်းနှင့် ရူပဗေဒဆိုင်ရာ ဘာသာရပ်များ၊ စီးပွားရေးဆိုင်ရာ ဘာသာရပ်များ နှင့် ဂီတအပါအဝင် ဘာသာရပ် ၄၇ ခုကို ရွေးချယ်သင်ယူခွင့်ရမည် ဖြစ်သည်။

ပညာသင်ဆုအစီအစဉ် တွင် ဆေးပညာရပ်မပါဝင်ပေ။ (ပညာသင်ဆုဖြင့် တက်ရောက်နိုင် သော ဘာသာရပ်များကို http:// www.ox.ac.uk/admissions/ undergraduate/courses-listing? wssl=1 တွင် ကြည့်ရှုနိုင်သည်။

မိမိတက်ရောက်သော ဘာသာရပ်၏ ဘွဲ့ကြိုသင်တန်းကာလအလိုက် သုံးနှစ်မှ လေးနှစ်အထိ ပညာသင်ဆု ပေးအပ်မည်ဖြစ်သည်။

ကျောင်းလခ၊ ကျူရှင်ကြေး၊ နေထိုင်စားသောက်စရိတ်နှင့် တစ်နှစ်တစ်ကြိမ် မိခင်နိုင်ငံသို့ အလည်အပတ်ပြန်နိုင်ရန် လေယာဉ်စရိတ်တို့ကို ပညာသင်ဆုအဖြစ် ရရှိမည်ဖြစ်သည်။

READ - မြန်မာကျောင်းသားများအတွက် Master Degree တက်ရောက်လိုသူများ Fulbright Foreign Student Scholarship မှ Full Scholarship ပေးအပ်မည်

ပညာသင်ဆုရရှိသူသည် တက္ကသိုလ်တက်ရောက်စဉ်အတွင်း ကြုံတွေ့ရသော ပညာသင်ကြားရေးဆိုင်ရာ အတွေ့အကြုံ များနှင့် လူမှုရေးလှုပ်ရှားမှုများအကြောင်း နှစ်စဉ်အစီရင်ခံစာ တင်သွင်းရမည်ဖြစ်သည်။

ယခင်က ဘွဲ့ကြိုသင်တန်းမတက်ရောက်ဖူးသူများကို ဦးစားပေးမည်ဖြစ်သည်။ အထက်တန်းအဆင့် ပညာအရည်အချင်း အဆင့်မြင့်သူများကိုသာ ပညာသင်ဆု ပေးမည်ဖြစ်ပြီး ပညာ ဆက်လက်သင်ယူရန် ငွေကြေးအခက်အခဲရှိသူများကို ပညာသင်ဆုစာရင်းတွင် အဓိက ထည့်သွင်းစဉ်းစားမည်ဖြစ်သည်။

လူမှုရေးဆိုင်ရာ အာမခံချက် ပေးနိုင်ရမည်ဖြစ်ပြီး ကျောင်းပြီးပါက မိခင်နိုင်ငံသို့ ပြန်လာကာ အလုပ်လုပ်မည် ဖြစ်ကြောင်း ကတိပြုရမည်ဖြစ်သည်။

ပညာသင်ဆုလျှောက်လွှာ ကို http://www.ox.ac.uk/ admissions/undergraduate/ fees-and-funding/oxford- support/reach-oxford-schlor ship# ဝက်ဘ်ဆိုက်လင့်ခ်သို့ဝင် ကာ Applying to Oxford နေရာ တွင် ၂၀၁၇ အောက်တိုဘာ ၁၅ ရက်မှ ၂၀၁၈ ဖေဖော်ဝါရီ ၁၆ ရက်အထိ ရယူလျှောက်ထားနိုင်သည်။

ပညာသင်ဆုရွေးချယ်ခြင်းကို ၂၀၁၈ မတ်လတွင် ပြုလုပ်ပြီး ရွေးချယ်ချီးမြှင့်ခံရသူစာရင်းကို ၂၀၁၈ ဧပြီတွင် ကြေညာမည်ဖြစ်သည်။

အုပ်ချုပ်ရေးပိုင်းဆိုင်ရာ ပုဂ္ဂိုလ်များ၊ ဘာသာရပ်ဆိုင်ရာ ကျွမ်း ကျင်သူများအတွက် ဖူးလ်ဘရိုက် အမေရိကန်-အာဆီယံ ဧည့်ပညာရှင် ပညာသင်ဆုအစီအစဉ် ဘာသာရပ်တစ်ခုခု၏ ပညာရှင် (သို့မဟုတ်) သက်မွေးပညာရပ်တစ်ခုခု ကျွမ်းကျင်သူ မြန်မာ နိုင်ငံသားများအနေဖြင့် အမေရိကန်ပြည်ထောင်စု၌ သုတေသန ပြုလုပ်နိုင်မည့် အခွင့်အရေး တစ်ရပ်အဖြစ် အမေရိကန်သံရုံးက ပေးအပ်သော ဖူးလ်ဘရိုက်အမေရိကန်-အာဆီယံ ဧည့်ပညာရှင်ပညာသင်ဆု အစီအစဉ် (Fulbright U.S-ASEAN Visiting Scholar Program)ဖြစ် သည်။

READ - တက္ကသိုလ် ၁၀ ခု သို့ တက်ရောက်ရန် ငွေကြေးအခက်အခဲရှိသူများအား အရှင်ဆန္ဒာဓိကက ပညာသင်ဆုပေးမည်

ဤအစီအစဉ်သည် နယ်ပယ်ကဏ္ဍပေါင်းစုံမှ ဘာသာရပ်ဆိုင်ရာ ပညာရှင်များ (သို့မဟုတ်) သက်မွေးဝမ်းကျောင်းဆိုင်ရာ ကျွမ်းကျင်သူများ အမေရိကန်ပြည် ထောင်စုတွင် သုတေသနပြုလုပ် နိုင်စေမည့် အခွင့်အလမ်းတစ်ခု ဖြစ်သည်။ အမေရိကန်- အာဆီယံဆက်ဆံရေးအပေါ်ကို သက်ရောက်မှုရှိစေသော အရေးကြီးသည့် အကြောင်းအရာများ အာဆီယံအမြင်ရှုထောင့်တစ်ခုကို မိမိတို့နှင့် ပညာရပ်နယ်ပယ်တူသော အမေရိကန်ပညာရှင်များ ကျွမ်းကျင်သူများ၏ ပို့ချချက်များ၊ နှီး နှောဖလှယ်ပွဲများနှင့် ဆွေးနွေးပွဲ များမှတစ်ဆင့် ရရှိနိုင်မည်ဖြစ်သည်။

တက္ကသိုလ်ဆရာ၊ ဆရာမများ၊ အစိုးရဌာနဆိုင်ရာ တာဝန်ရှိ ပုဂ္ဂိုလ်များ၊ ပုဂ္ဂလိကကဏ္ဍ (သို့မဟုတ်) အရပ်ဘက်လူမှုအဖွဲ့အစည်းများမှ ကျွမ်းကျင်သူပညာရှင်များအားလုံး လျှောက်ထားရန် အမေရိကန်သံရုံးက တိုက်တွန်း ထားသည်။

၂၀၁၈ နှစ်ကုန်ပိုင်းတွင် သုံးလ (သို့မဟုတ်) လေးလခန့်ကြာ အမေရိကန်ပြည်ထောင်စုသို့ သွားရောက်ရမည်ဖြစ်ပြီး ကုန်ကျစရိတ်အလုံးစုံကို ပညာသင်ဆုအစီအစဉ်က ကျခံမည်ဖြစ်သည်။

ပညာရေး၊ သဘာဝပတ်ဝန်းကျင်၊ ဘဏ္ဍာရေး၊ အစားအသောက်နည်းပညာ၊ သတင်းအတတ်ပညာ၊ ဥပဒေ၊ နိုင်ငံရေးသိပ္ပံ၊ ပြည်သူ့ရေးရာစီမံခန့်ခွဲမှု၊ ပြည်သူ့ကျန်းမာရေး၊ စာရင်းအင်း၊ ကုန်သွယ်ရေး၊ ဘာသာဗေဒဆိုင် ရာ နယ်ပယ်များတွင် ကျွမ်းကျင်သူများ ပညာသင်ဆုလျှောက်ထား နိုင်သည်။

လျှောက်ထားသူသည် ကျန်း မာရေးကောင်းမွန်သည့် အသက် (၅၅)နှစ်အောက် မြန်မာနိုင်ငံသား ဖြစ်ရမည်ဖြစ်ပြီး အနည်းဆုံး ဘွဲ့တစ်ခုရရှိထားရမည်။ အင်္ဂလိပ် စာအရည်အချင်းအတွက် TOEFLရမှတ် ၅၅၀ ရှိရမည်ဖြစ်ပြီး TOEFL စာမေးပွဲမဖြေရသေးပါ က ပညာသင်ဆုလျှောက်လွှာတင် ထားချိန်တွင် ဖြေဆိုနိုင်သည်။ (TOEFL စာမေးပွဲဖြေဆိုရန် http: /www.ets.org/toefl/ တွင် ဝင် ရောက်လေ့လာနိုင်သည်။)

အမေရိကန်နိုင်ငံတွင် ပညာသင်ယူဖူးသူ၊ အလုပ်လုပ်ဖူးသူ မဖြစ်ရပေ။

ပညာသင်ဆုလျှောက်လွှာ ကို https://mm.usembassy. gov/education/scholarship- programs/ မှရယူပြီး အောက်တိုဘာ ၁၆ ရက်နောက်ဆုံးထားကာ အီးမေးလ်လိပ်စာ Rangoon [email protected]. သို့လည်း ကောင်း၊ အမေရိကန်သံရုံး အမှတ် (၁၁၀) တက္ကသိုလ်ရိပ်သာလမ်း ကမာရွတ်မြို့နယ်သို့ လည်းကောင်း လျှောက်ထားရမည်ဖြစ်သည်။

လျှောက်လွှာနှင့်အတူ ပညာသင်ဆု လျှောက်ထားလိုသည့်အကြောင်း Project Statement တစ်စောင်၊ ကိုယ်ရေးအချက်အလက်၊ ပညာရေးအထောက် အထားများ၊ ပညာသင်ဆုပေးအပ်သင့်ကြောင်း မိမိနှင့် နီးစပ်သူသုံး ဦး၏ ထောက်ခံချက်များ ပူးတွဲ တင်ပြရမည်ဖြစ်သည်။

ဗြိတိန်အစိုးရ၏ Chevening ပညာသင်ဆု

ခေါင်းဆောင်နိုင်စွမ်းရှိပြီး ခိုင်မာသည့် ပညာရေးနောက်ခံရှိ သူများအနေဖြင့် ဗြိတိန်အစိုးရပေးအပ်သည့် ရှီးဗနင်း (Chevening) ပညာသင်ဆု ၂၀၁၈-၁၉ လျှောက်ထားရန် ဗြိတိန်သံရုံးက သြဂုတ် ၇ ရက်၌ စတင်ဖိတ်ခေါ်ထားသည်။

မဟာဘွဲ့သင်တန်းပညာသင်ဆုအတွက် လူ့အခွင့်အရေး၊ နိုင်ငံရေးသိပ္ပံနှင့် အုပ်ချုပ်ရေး၊ စီးပွားရေးဖွံ့ဖြိုးတိုးတက်မှု၊ သဘာဝ ပတ်ဝန်းကျင်ထိန်းသိမ်းမှု၊ ဂျာနယ်လစ်ဇင်နှင့် မီဒီယာ၊ ပြည်သူ့ကျန်း မာရေးစောင့်ရှောက်မှု၊ ပညာရေး နှင့် ပဋိပက္ခဖြေရှင်းရေးစသည့် ဘာသာရပ်နယ်ပယ် လျှောက်သူများကို ဦးစားပေးစဉ်းစားသည်။

ပညာသင်ဆုချီးမြှင့်ခံရသူများအနေဖြင့် ဗြိတိန်တက္ကသိုလ်တစ်ခုတွင် ဘွဲ့လွန်သင်တန်းတက်ရောက်ရန် ရွေးချယ်နိုင်ပြီး လျှောက်ထားလိုသူများသည် တက္ကသိုလ်တစ်ခုတည်းတွင် မတူညီသော ဘာသာရပ်သုံးခုကိုလည်း ကောင်း၊ မိမိကြိုက်နှစ်သက်သည့် ဘာသာရပ်တစ်ခုတည်းကို မတူညီသော တက္ကသိုလ်သုံးခုတွင်လည်းကောင်း လျှောက်ထားရန် လိုအပ်မည်ဖြစ်သည်။

ဗြိတိန်အစိုးရက ချီးမြှင့်သည့် Chevening ပညာသင်ဆုသည် မဟာဘွဲ့သင်တန်းတက်ရောက်မည့် ကျောင်းသား၊ ကျောင်းသူများအား ပေးအပ်ခြင်းဖြစ်ပြီး လျှောက်ထားသူများအတွက် အသက်အရွယ် ကန့်သတ်ချက်မရှိပေ။

ပညာသင်ဆုလျှောက်ထားလိုသူများသည် အနည်းဆုံး အင်္ဂလိပ်ဘာသာစကား ကျွမ်းကျင်မှု IELTS ၆ ဒသမ ၅ ရရှိရမည်ဖြစ်သည်။

ပညာသင်ဆုကို http:// www.chevening.org/apply တွင် နိုဝင်ဘာ ၇ ရက်နောက်ဆုံးထား လျှောက်ထားနိုင်ပြီး နိုင်ငံသားစိစစ်ရေးကတ်ပြား၊ ပတ်စ်ပို့၊ ပညာရေးအထောက်အထားနှင့် မိမိတက်ရောက်လိုသော တက္ကသိုလ်၊ ဘာသာရပ်သုံးခုစာရင်း တင်ပြရမည်ဖြစ်သည်။

မိမိတို့ တက်ရောက်လိုသည့် သင်တန်းကျောင်းများနှင့် ပုဂ္ဂလိက တက္ကသိုလ်များကို ရှာဖွေလိုပါက ဒီ Link မှာရှာဖွေနိုင်ပါသည်။

Source: 7day daily