အမျိုးသားယဉ်ကျေးမှုနှင့်အနုပညာတက္ကသိုလ် (ရန်ကုန်) တွင် ၂၀၂၄-၂၀၂၅ ပညာသင်နှစ်အတွက် (၂) နှစ်တာကာလ မဟာဝိဇ္ဇာဘွဲ့သင်တန်းများကို ဖွင့်လှစ်သွားမည်ဖြစ်ကြောင်းသိရပါသည်။
အဆိုပါဘွဲ့သင်တန်းများမှာ -
- မဟာဝိဇ္ဇာဘွဲ့ (ဂီတ)
- မဟာဝိဇ္ဇာဘွဲ့ (သဘင်)
- မဟာဝိဇ္ဇာဘွဲ့ (ပန်းချီ)
- မဟာဝိဇ္ဇာဘွဲ့ (ပန်းပု)
- မဟာဝိဇ္ဇာဘွဲ့ (ရုပ်ရှင်နှင့်ပြဇာတ်) တို့ဖြစ်ပါသည်။
လျှောက်ထားသူများသည် အောက်ပါသတ်မှတ် အရည်အချင်းများနှင့် ကိုက်ညီသူများဖြစ်ရပါမည်။
- ဂီတ၊ သဘင်၊ ပန်းချီ၊ ပန်းပု၊ ရုပ်ရှင်နှင့်ပြဇာတ် အထူးပြုဘာသာရပ်များဖြင့် ဝိဇ္ဇာဘွဲ့နှင့် ဝိဇ္ဇာ(ဂုဏ်ထူး)ဘွဲ့များတွင် မဟာဝိဇ္ဇာဘွဲ့သင်တန်းတက်ရောက်ရန် အဆင့်မီသူ
- တက္ကသိုလ်တစ်ခုခုတွင် အခြားသင်တန်း တက်ရောက်မနေသူ
- သတ်မှတ်ထားသော သင်ရိုးညွှန်းတမ်းအတိုင်း အချိန်ပြည့်မီစွာ တက်ရောက်နိုင်သူ
- ဝန်ထမ်းဖြစ်ပါက သင်တန်းကို အချိန်ပြည့် တက်ရောက်ခွင့်ပြုကြောင်း သက်ဆိုင်ရာအကြီးအကဲ၏ ခွင့်ပြုချက်ကို ပူးတွဲတင်ပြနိုင်သူ
လျှောက်လွှာပုံစံများကို သင်တန်းရေးရာဌာန (အမျိုးသားယဉ်ကျေးမှုနှင့်အနုပညာတက္ကသိုလ်(ရန်ကုန်)၊ ၁/ဈ၊ အောင်ဇေယျလမ်း၊ ၂၆ ရပ်ကွက်၊ ဒဂုံမြို့သစ်တောင်ပိုင်း၊ ရန်ကုန်တိုင်းဒေသကြီး) တွင် ထုတ်ယူနိုင်ပြီး ၁၂.၁၁.၂၀၂၄ ရက်နေ့တွင် နောက်ဆုံးထား လျှောက်ထားရပါမည်။
၁၈.၁၁.၂၀၂၄ ရက်နေ့၊ နံနက် ၉ နာရီမှ ၁၂ နာရီအထိ အင်္ဂလိပ်စာရေးဖြေစာမေးပွဲ၊ မွန်းလွဲ ၁ နာရီမှ ၄ နာရီအထိ သက်ဆိုင်ရာအနုပညာဘာသာရပ် ရေးဖြေစာမေးပွဲနှင့် ၁၉.၁၁.၂၀၂၄ ရက်နေ့၊ နံနက် ၉ နာရီမှ ညနေ ၄ နာရီအထိ သက်ဆိုင်ရာ အနုပညာဘာသာရပ် လူတွေ့နှင့် လက်တွေ့စစ်ဆေးခြင်းတို့ကို ဖြေဆိုရပါမည်။
သင်တန်းဝင်ခွင့်အောင်စာရင်းအား ၂၁.၁၁.၂၀၂၄ ရက်နေ့တွင် အမျိုးသားယဉ်ကျေးမှုနှင့်အနုပညာတက္ကသိုလ် (ရန်ကုန်) စွယ်တော်ဆောင်ရှိ ကြော်ငြာသင်ပုန်းတွင် ကြေညာပေးသွားမည်ဖြစ်သည်။ သင်တန်းများကို ၂၀၂၄ ခုနှစ်၊ နိုဝင်ဘာလ စတုတ္ထပတ်တွင် စတင်ဖွင့်လှစ်မည်ဖြစ်ကြောင်း သိရပါသည်။
သင်တန်းများနှင့် ပတ်သက်၍ အသေးစိတ်သိရှိလိုပါက သင်တန်းရေးရာဌာန၊ ဌာနမှူး၊ ဖုန်း-၀၉၄၂၁၀၁၂၈၀၈ နှင့် မော်ကွန်းထိန်း ဖုန်း-၀၉-၇၈၈၁၈၉၁၈၀ သို့ ရုံးချိန်အတွင်း ဆက်သွယ်စုံစမ်းနိုင်ပါသည်။
--------------------------------------------
VPN မလိုဘဲ ပညာရေးသတင်းအစုံအလင်ကို ဖတ်ရှုနိုင်ဖို့ Myanmar Education Guide ရဲ့ Telegram Channel ကို အခုပဲ Join ထားလိုက်တော့နော်။
Join our Telegram Channel
