Hotel & Tourism ဘာသာရပ်ကို စိတ်ဝင်စားပြီး နိုင်ငံခြားမှာ Scholarship နဲ့ ကျောင်းတက်ချင်တဲ့သူတွေအတွက် အခွင့်အရေးကောင်းတစ်ခုရှိပါတယ်။
ထိုင်းနိုင်ငံ၊ ဘန်ကောက်မြို့မှာ ရှိတဲ့ The International Hotel and Tourism Industry Management School (ITIM) ကျောင်းမှာ Hotel & Tourism Management ဒီပလိုမာ (၂) နှစ်သင်တန်းကို Free တက်နိုင်ဖို့ Scholarship လျှောက်လို့ရပါတယ်။ သင်တန်းပြီးရင်လည်း လုပ်ငန်းအတွေအကြုံပါ တစ်ခါတည်းရနိုင်မယ့် Paid Internship (လစာပေးအလုပ်သင်) ကို ကျောင်းဘက်က စီစဉ်ပေးပါတယ်။
Scholarship ကို ဘယ်လိုလူတွေ လျှောက်ထားနိုင်လဲ?
- အာဆီယံနိုင်ငံသားဖြစ်ရမယ်။
- အသက် (၁၈) နှစ်ကနေ (၂၈) နှစ်အတွင် ရှိရမယ်။
- အထက်တန်း (သို့) ဘွဲ့ရပြီးသူဖြစ်ရမယ်။
- GPA အမှတ် 2.5 ကျော်ရပါမယ်။
- ဆက်ဆံရေးကောင်းမွန်ပြီး Hospitality ပိုင်းကို စိတ်ဝင်စားသူဖြစ်ရပါမယ်။
- အင်္ဂလိပ်စကား ပြောဆိုနိုင်ရပါမယ်။
Scholarship လျှောက်သူတွေရဲ့ အကျိုးခံစားခွင့်
- တစ်နှစ်ကို Tution Fees 139,000 THB ရရှိပါမယ်။
- အလုပ်သင်ဆင်းရင် တစ်လကို 3,000 THB ရရှိပါမယ်။
Scholarship လျှောက်သူတွေရဲ့ ကုန်ကျစရိတ်
- ကျူရှင်ခပဲ Free ဖြစ်တဲ့အတွက် တခြား Facilities fees, Uniforms နဲ့ Accident insurance တို့အတွက် တစ်နှစ်စာ 30,000 THB ကျောင်းဘက်ကို ပေးရပါမယ်။
- တစ်ကိုယ်ရည်ကုန်ကျစရိတ်တွေဖြစ်တဲ့ လေယာဉ်လက်မှတ်၊ ဗီဇာကြေး၊ နေထိုင်စရိတ်နဲ့ စားစရိတ်တို့ကို ကိုယ်တိုင်တာဝန်ယူရမှာဖြစ်ပါတယ်။
Scholarship လျှောက်သူတွေ လိုက်နာရမယ့် စည်းကမ်းချက်များ
- Semester တစ်ခုချင်းစီမှာ GPA အမှတ် 2.5 အောက် လျော့လို့မရပါဘူး။
- (၂) နှစ် ဒီပလိုမာသင်တန်းကို ပြီးဆုံးတဲ့အထိ တက်ရောက်နိုင်ရပါမယ်။
- အလုပ်သင်ကိုလည်း သတ်မှတ်ထားတဲ့ ကာလပြည့်အောင် လုပ်ဆောင်နိုင်ရပါမယ်။
First Semester က ၂၀၂၄ ခုနှစ် အောက်တိုဘာလမှာ စမှာဖြစ်ပြီး Interview အောင်မှ Scholarship ကိုရရှိမှာဖြစ်ပါတယ်။ Scholarship ကို လျှောက်မယ်ဆိုရင်တော့ အောက်ကလင့်ခ်မှာ လာမယ့် ဇွန်လ (၁၅) ရက်နေ့နောက်ဆုံးထားလျှောက်ထားရပါမယ်။
>> https://www.i-tim.ac.th/2024scholarship
