မူလတန်းအောင်ပြီးသူများ လျှောက်ထားနိုင်သည့် အခမဲ့လက်ရက်ကန်းသင်တန်း

သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ အသေးစားစက်မှုလက်မှုလုပ်ငန်းဦးစီးဌာန၊ ရက်ကန်းနှင့် အသက်မွေးပညာသင်တန်းကျောင်း (တောင်ကြီးကျောင်းခွဲ) တွင် ၂၀၂၃ ပညာသင်နှစ်အတွက် ရက်ကန်းပညာ စိတ်ပါဝင်စားသူများ သင်တန်းလျှောက်ထားနိုင်ကြောင်း သိရှိရသည်။

သင်တန်းမှာ (၆)လကြာမြင့်မည်ဖြစ်ပြီး သင်တန်းကာလမှာ ၂၀၂၃ခုနှစ် ဇူလိုင်လ ၁ရက်နေ့မှ ဒီဇင်ဘာလ ၃၁ရက်နေ့အထိဖြစ်သည်။ သင်တန်းကို အခြေခံမူလတန်းအောင်မြင်ပြီးသူများတက်ရောက်နိုင်ပြီး အသက်အားဖြင့် ၁၆နှစ်မှ ၂၅နှစ်အတွင်း အိမ်ထောင်မရှိသူ အပျို/လူပျိုဖြစ်ရမည်။

Advertisement 

Click Here > Myanmar Ran Pu

သင်တန်းတက်ရောက်စဥ်ကာလအတွင်း ကျောင်းအဆောင်တွင် အခမဲ့နေထိုင်ခွင့်ပြုမည်ဖြစ်ပြီး သင်တန်းသား တစ်ဦးလျှင် ပညာသင်ထောက်ပံ့ကြေး တစ်လ ၃၀,၀၀၀/- ကျပ် ပေးအပ်သွားမည်ဖြစ်သည်။

သင်တန်းဝင်ခွင့်အတွက် ပညာအရည်အချင်းထောက်ခံချက်၊ သက်ဆိုင်ရာ ကျေးရွာ/ရပ်ကွက်အုပ်ချုပ်ရေးမှူး၏ ထောက်ခံချက်ပါရှိရမည်ဖြစ်သည်။ သင်တန်းမှာ တောင်ကြီးမြို့၊ အရှေ့မြို့ပတ်လမ်း၊ရေအေးကွင်းရပ်ကွက်တွင် တက်ရောက်ရမည်ဖြစ်သည်။

သင်တန်းသားဦးရေကန့်သတ်ထားသည်။ အသေးစိတ်အချက်အလက်များကို စုံစမ်းသိရှိလိုပါက ဖုန်းနံပါတ်  ၀၈၁ - ၂၁၂၁၆၁၄ နှင့် ၀၉ - ၂၆၁၇၀၈၅၆၂ သို့ ဆက်သွယ်စုံစမ်းမေးမြန်းနိုင်သည်။

Source Form >