၂၀၁၆-၁၇ ပညာသင်နှစ်တွင် တက္ကသိုလ်ဝင်တန်း စာမေးပွဲအောင်မြင်ခဲ့သည့် မည်သည့်ကျောင်းသား၊ ကျောင်းသူမဆို ပညာသင်ထောက်ပံ့ကြေး လျှောက်ထားနိုင်

ပညာသင်ထောက်ပံ့ကြေး လျှောက်ထားရာတွင် မိဘနှစ်ပါးနှင့် လျှောက်ထားသူသည် မြန်မာနိုင်ငံသားဖြစ်ရန် လိုအပ်ပြီး လျှောက်လွှာတွင် မိဘအုပ်ထိန်းသူက လက်မှတ်ရေးထိုး၍ မိမိတက်ရောက်ခဲ့သော အခြေခံပညာအထက် တန်းကျောင်း၊ အောင်မြင်ခဲ့သည့် ခုနှစ်၊ စာမေးပွဲဖြေဆိုခဲ့သည့် စာစစ်ဌာန၊ ခုံအမှတ်၊ မိဘအမည်၊ နေရပ်လိပ်စာ များကို ပြည့်စုံစွာ ဖော်ပြရမည် ဖြစ်သည်။

READ - နည်းပညာတက္ကသိုလ်များ လာမည့်နိုဝင်ဘာလတွင် ကျောင်းအပ်လက်ခံမည်

“တက္ကသိုလ်ဝင်ခွင့်လျှောက်လွှာများတင်ထားပြီးပြီ။ လာမယ့်လလောက်မှာ ကိုယ်ရရှိတဲ့ အထူးပြုဘာသာရပ်၊ ကိုယ်တက်ရမယ့် ဘာသာရပ်များကို သိရမှာပါ။ အဲဒီအချိန်ကျမှ ပညာသင်ထောက်ပံ့ကြေးလျှောက်ရမှာပါ” ဟု ပြောသည်။

ပညာသင်ထောက်ပံ့ကြေးလျှောက်လွှာတွင် လူမျိုး၊ ကိုးကွယ်သည့်ဘာသာများ ထည့်သွင်းဖော်ပြရမည့်အပြင် မိဘများတွင် အိမ်ထောင်ဆက်ရှိ၊ မရှိကိုပါ ထည့်သွင်းရေးသားရမည် ဖြစ်သည်။

မိမိ မိသားစုတွင် ရှိသည့် ကျောင်းသားဦးရေနှင့် တက္ကသိုလ်တက်ရောက်နေသူ၊ အခြေခံပညာတက်ရောက်နေသူ ဟူ၍ ခွဲခြားဖော်ပြရန်လိုအပ်ကြောင်း သိရသည်။

ထိုလျှောက်လွှာများကို မိမိနေထိုင်သည့် သက်ဆိုင်ရာမြို့နယ် အုပ်ချုပ်ရေးမှူးရုံးများ၌ ၂၀၁၈ ခုနှစ် မတ်လ ၃၁ ရက်နေ့ ထက် နောက်မကျစေဘဲ ပေးပို့ရမည်ဖြစ်ပြီး ပညာသင်ထောက်ပံ့ကြေးရရှိပါက ပြန်လည် အကြောင်း ကြားမည် ဖြစ်ကြောင်း သိရသည်။

မိမိတို့ တက်ရောက်လိုသည့် သင်တန်းကျောင်းများနှင့် ပုဂ္ဂလိက တက္ကသိုလ်များကို ရှာဖွေလိုပါက ဒီ Link မှာရှာဖွေနိုင်ပါသည်။

Source: မြ၀တီ