အထက်တန်းကျောင်းသားများ UWC IB ပညာသင်ဆု လျှောက်ထားနိုင်ပြီ

၁၀ တန်း (သို့) ၁၁ တန်း ပြီးထားတဲ့ မြန်မာကျောင်းသားတွေအတွက် ကမ္ဘာ့အဆင့်မြင့် တက္ကသိုလ်ဝင်ခွင့်မှာ လိုအပ်တဲ့ IB ဒီပလိုမာ ပရိုဂရမ်ကို ကျူရှင်ကြေး ကင်းလွတ်ခွင့်နဲ့ တက်ရောက်နိုင်ဖို့ UWC IB ပညာသင်ဆု လျှောက်လွှာ စတင် ဖွင့်လှစ်လိုက်ပါပြီ။

IB Diploma Programme အကြောင်း အသေးစိတ် ဖတ်ရှုရန်

>> https://www.edge.com.mm/article/-ib-diploma.html

ပညာသင်ဆုကို UWC အဖွဲ့အစည်းမှ ပေးအပ်တာဖြစ်ပြီး နှစ်စဉ် နိုဝင်ဘာလမှ ဇန်နဝါရီလအတွင်း လျှောက်လွှာလက်ခံကာ ပညာသင်ဆုအတွက် ထိုက်တန်တဲ့ ကျောင်းသားတွေ ရွေးချယ်ခေါ်ယူလျက်ရှိပါတယ်။

UWC အဖွဲ့အစည်းနဲ့ ပညာသင်ဆုအကြောင်း အသေးစိတ် ဖတ်ရှုရန်

>> https://www.edge.com.mm/article/-ibdp-uwc.html

ပညာသင်ဆု လျှောက်ထားလိုသူတွေအတွက်

- မြန်မာနိုင်ငံသားဖြစ်ရပါမယ်။

- အသက် (၁၅) နှစ်ကနေ (၁၈) နှစ်အတွင်း ရှိရပါမယ်။ ( July 31, 2006 - August 16, 2010 အတွင်း မွေးဖွားသူ)

- ၁၀ တန်း (သို့) ၁၁ တန်း ပြီးထားပြီသူဖြစ်ရပါမယ်။ (IGCSE/GED ပြီးထားသူများလည်း လျှောက်ထားနိုင်)

- English Pre-intermediate Level ရှိထားသင့်ပါတယ်။ (SAT/ACT/IELTS/TOEFL/Duolingo ဖြေထားစရာ မလိုအပ်)

- ကိုယ်ပိုင်အသုံးပြုနေတဲ့ အီမေးလ်တစ်ခု ရှိရပါမယ်။

ပညာသင်ဆု ရရှိရင် တက်ရောက်နိုင်မယ့် ကျောင်းများ

၁။ UWC Robert Bosch College (Germany)

၂။ UWC South East Asia (Singapore)

၃။ Pearson College UWC (Canada)

၄။ UWC Changshu China (China)

၅။ UWC Mahindra College (India)

၆။ UWC Dilijan (Armenia)

၇။ UWC Costa Rica (Costa Rica)

၈။ UWC Thailand (Thailand)

ပြင်ဆင်ထားရမယ့် စာရွက်စာတမ်းများ

- မှတ်ပုံတင်

- ပတ်စ်ပို့ (ပညာသင်ဆု လျှောက်ထားချိန် မရှိသေးလည်း ရပါတယ်။)

- အိမ်ထောင်စုစာရင်း

- ပညာရေးနောက်ခံနှင့် အမှတ်စာရင်း

- လျှောက်လွှာမှာ ပါမယ့် အက်ဆေး (၁) ပုဒ်နှင့် မေးခွန်းတို (၂) ပုဒ်

- (၁-၂) မိနစ်စာ ဗီဒီယို

- ထောက်ခံစာ (၂) စောင် (Academic and Non-academic)

- မိဘအုပ်ထိန်းသူ သဘောတူညီချက် ( မိဘ (သို့) အုပ်ထိန်းသူနှစ်ယောက်က UWC မှာ ကျောင်းတက်ဖို့ သဘောတူကြောင်း၊ ကုန်ကျစရာရှိလာခဲ့ရင်လည်း ထောက်ပံ့ပေးဖို့ သဘောတူညီကြောင်း ဖောင်မှာ ဖြည့်စွက်ပေးရမှာ ဖြစ်ပါတယ်)

လျှောက်လွှာတင်ရန် - https://apply.uwc.org/prog/mm2025/

လျှောက်ထားရမယ့်ပုံစံ

Application ဖောင်ဖွင့်ပြီးရင် ဖြည့်ရမယ့် အပိုင်း (၁၂) ပိုင်း ပါဝင်ပါတယ်။ အဲ့ဒီမှာ မဖြစ်မနေ ဖြည့်ရမယ့် အပိုင်းက (၉) ခုပဲ ရှိပါတယ်။ နောက်ဆုံး (၃) ပိုင်းကတော့ မိမိနဲ့ မသက်ဆိုင်ရင် မဖြည့်ပဲ ထားလို့ရပါတယ်။

Task 1 to 5 - လျှောက်လွှာတင်တဲ့သူ ဖြည့်ရပါမယ်။

Task 6 to 7 - Academic နဲ့ Non-academic ထောက်ခံစာ ရေးပေးမယ်သူ ဖြည့်ရပါမယ်။

Task 8 to 9 - အုပ်ထိန်းသူ (၂) ဦးက ဖြည့်ရမယ့် အပိုင်းဖြစ်ပါတယ်။

Task 6 မှ 9 အတွက် လျှောက်လွှာတင်တဲ့သူက ဖြေပေးမယ့်သူတွေရဲ့ အချက်အလက်ကို လျှောက်လွှာမှာ ဖြည့်ပြီး Send request လုပ်ရမှာ ဖြစ်ပါတယ်။ ဒါမှ သူတို့ Email ထဲကို စာဝင်သွားမှာဖြစ်ပြီး Reference နဲ့ Authorization ဖောင်ကို ဖြည့်လို့ရမှာပါ။

အကြံပေးချင်တာကတော့ Application ဖောင်ဖွင့်ပြီးပြီဆိုတာနဲ့ အရင်ဆုံး Reference တွေနဲ့ Parent/ Guardians တွေရဲ့ Authorization ကို တောင်းပါ။ ပြီးမှ ကိုယ်တိုင်ဖြည့်ရမဲ့ Task 1 မှ 5 ကို ဖြည့်ပါ။ Task 1 မှ 5 မှာရှိတဲ့ တချို့မေးခွန်းတွေက Optional (မဖြေလည်းရ) ဖြစ်တဲ့အတွက် ကိုယ်နဲ့ မသက်ဆိုင်ရင် ကျော်လို့ရပါတယ်။

လျှောက်လွှာလက်ခံမည့်ရက်

လျှောက်လွှာကို ၂၀၂၄ ခုနှစ် နိုဝင်ဘာလ (၁) ရက်နေ့မှစပြီး ၂၀၂၅ ခုနှစ်၊ ဇန်နဝါရီလ (၅) ရက်နေ့အထိ လက်ခံသွားမှာဖြစ်ပါတယ်။ Application deadline မတိုင်ခင်ထိ တစ်နေ့နည်းနည်းစီ ဖောင်ကို ဖြည့်ပြီး Save လုပ်သွားလို့ ရပါတယ်။

ပညာသင်ဆုနဲ့ ပတ်သက်ပြီး မေးမြန်းစရာ တစ်စုံတစ်ရာရှိပါက UWC Myanmar National Committee ရဲ့ Page Messenger မှာ သွားရောက် စုံစမ်းနိုင်ပါတယ်။

>> https://www.facebook.com/uwcmyanmarnc