စင်ကာပူ-မြန်မာသက်မွေးသင်တန်းကျောင်းမှ သင်တန်းဆင်းတွေအနေဖြင့် အလုပ်ရရှိမှု (၆၈%) ရှိကြောင်း ဒုတိယညွှန်ကြားရေးမှူးချုပ် ဒေါက်တာမိုးကျော်သူက ဆိုပါသည်။
" စင်ကာပူ-မြန်မာသက်မွေး သင်တန်းကျောင်းဆင်းတွေ အနေဖြင့် အလုပ်ရရှိမှု၊ လုပ်ငန်းခွင့်ဝင်ရောက်မှုက (၆၈%) ရှိပါတယ်။
သူတို့ရသည့် လစာစကေးကလည်း တော်တော်မြင့်ပါတယ်။" အဲ့ဒီသင်တန်းမှာ အဓိက သင်ကြားပေးတာက ဟိုတယ်နှင့် ခရီးသွားလာရေးနှင့် ပတ်သက်တဲ့သင်တန်းတွေ၊ ဂဟေဆော်ခြင်း ၊ Engineering နှင့် ပတ်သက်တာတွေကို သင်ကြားပေးပါတယ်။ " ဟု၊ပညာရေးဝန်ကြီးဌာန၊ နည်းပညာသက်မွေးလေ့ကျင့်ရေးဦးစီးဌာနမှ ဒုတိယ ညွှန်ကြားရေးမှူးချုပ် ဒေါက်တာမိုးကျော်သူက ပြောပါသည်။
စင်ကာပူ-မြန်မာ သက်မွေးပညာသင်တန်းကျောင်းတည်ဆောက်ရေးအတွက် အစိုးရနှစ်ရပ်ကြား နားလည်မှု စာချွန်လွှာကို ၂၀၁၄ ခုနှစ်၊ ဧပြီလ (၇) ရက်က သိပ္ပံနှင့် နည်းပညာဝန်ကြီးဌာန၊ နည်းပညာနှင့် သက်မွေးပညာ ဦးစီးဌာန ညွှန်ကြားရေးမှူးချုပ်နှင့် မြန်မာနိုင်ငံဆိုင်ရာ စင်ကာပူသံမတ်ကြီးတို့ ရေးထိုးခဲ့ကြတာလည်း ဖြစ်ပါသည်။
Read More>>>>> ❝Confidence to Get a Job and Career Seminar & Fair❞ပွဲကြီးတွင် ❝Marketing Industry❞ အတွက်ဟောပြောမည့်သူများ
အဆိုပါ သင်တန်းကျောင်းကို ၂၀၁၅ ခုနှစ်၊ အောက်တိုဘာလ (၁၆) ရက်တွင် စတင်ဖွင့်လှစ်သင်ကြားပေးခဲ့ခြင်းဖြစ်ပြီး ဇွန် (၉) ရက်တွင် မြန်မာ-စင်ကာပူ နှစ်နိုင်ငံ သံတမန်ဆက်ဆံရေးနှစ် (၅၀) ပြည့်အထိမ်းအမှတ်အဖြစ် ကျောင်းဖွင့်ပွဲ အခမ်းအနားကို စင်ကာပူသမ္မတနိုင်ငံဝန်ကြီးချုပ် မစ္စတာလီရှန်လုံးကိုယ်တိုင် လာရောက်ဖွင့်လှစ်ပေးခဲ့ခြင်းလည်း ဖြစ်ပါသည်။
Source: Internet
