မူလတန်းကျောင်းသားများ ကျောပိုးအိတ်ဒဏ်မပိစေရေး အချိန်ဇယားရေးဆွဲ၍ စာသင်ရန် ညွှန်ကြား

ဇန်န၀ါရီ ၁၅ ရက်မှ ၁၉ ရက်အထိ ရန်ကုန်တိုင်းဒေသကြီး မင်္ဂ လာဒုံမြို့နယ်ရှိ ထောက်ကြန့်အုပ် ချုပ်မှု သင်တန်းကျောင်းတွင် ဖွင့် လှစ်သည့် အဆိုပါသင်တန်းတွင် မူလတန်းအဆင့် သင်ရိုးညွှန်းတမ်း အသစ်များ ရေးဆွဲသည့် CREATEProject ဆရာအတတ်ပညာ အဖွဲ့ခေါင်းဆောင် ဒေါ်ဝင်းသိင်္ဂီ ကျော်က ပြောကြားသည်။

ယခုပညာသင်နှစ်အထိ မူလတန်းကျောင်းသား၊ ကျေင်းသူများ ကို နေ့စဉ်သင်ကြားမည့် ဘာသာရပ်အလိုက် စာသင်ချိန်ဇယား ရေးဆွဲသင်ကြားခြင်းမျိုးမရှိဘဲ ဆရာ၊ ဆရာမများက အဆင်ပြေ သလို သင်ကြား နေခြင်းကြောင့် ကျောင်းသား၊ ကျောင်းသူများအ နေဖြင့် ဘာသာရပ်အားလုံး၏ ပုံနှိပ်စာအုပ်၊ လေ့ကျင့်ခန်း စာအုပ်များ နေ့စဉ်ကျောင်းအသွား၊ အပြန်သယ်ဆောင်နေရသည့် ပြဿ နာကြုံနေရပြီး ယင်းစနစ်ကို ပြောင်းလဲရမည်ဟု ၎င်းက ဆိုသည်။

READ - တက္ကသိုလ်ဝင်တန်းစာမေးပွဲ ဖြေဆိုခွင့်လျှောက်ထားသူ ရှစ်သိန်းခွဲခန့်တွင် စိတ်ကြိုက်မြန်မာစာ ဘာသာရပ် ၀င်ရောက်ဖြေဆိုမည့်သူ တစ်ဦးသာရှိ

‘‘မူလတန်းဆိုရင် အရင်က အချိန်စာရင်းနဲ့ မသင်ခဲ့ရဘူး။ အဲဒီတော့ ကလေးတွေက ရှိတဲ့စာအုပ်နေ့တိုင်း အကုန်ထည့်လာရတဲ့ ပြဿနာရှိနေတယ်။ တချို့ကျောင်းတွေဆို တစ်ဘာသာတည်းကို လေးအုပ် လောက်ခွဲထား ခိုင်းတော့ ကလေးငယ်ငယ်လေး တွေက ကျောပိုးအိတ်အလေးကြီး တွေကို နေ့တိုင်း သယ်နေရတယ်။ အခုဘာသာရပ်က ဆယ်ဘာသာ အထိ တိုးလာတော့ မိဘတွေက ပြောလာတာရှိတယ်။ အဲဒီတော့ မူလတန်းကိုလည်း အချိန်စာရင်းနဲ့သင်မယ်’’ဟု ဒေါ်ဝင်းသိင်္ဂီကျော် က ပြောသည်။

ဒုတိယတန်းသင်ရိုးသစ်တွင် မြန်မာစာ၊ အင်္ဂလိပ်စာ၊ သင်္ချာ၊ သိပ္ပံ၊ လူမှုရေး၊ ဘ၀တွက်တာ ကျွမ်းကျင်စရာ၊ စာရိတ္တနှင့် ပြည် သူ့နီတိ၊ ပန်းချီ၊ ဂီတ၊ ကာယ ဘာသာရပ် ၁၀ ခုပါဝင်သည်။

ယင်းတို့အနက် မြန်မာစာ၊ အင်္ဂလိပ်စာ၊ သင်္ချာ၊ သိပ္ပံ၊ လူမှု ရေး၊ စာရိတ္တနှင့် ပြည်သူ့နီတိစ သည့် ဘာသာရပ် ခြောက်မျိုး၏ ပုံနှိပ်စာအုပ်များကိုသာ ကျောင်း သားများသို့ ပေးဝေမည်ဖြစ်ပြီး ကျန်ဘာသာရပ်များ၏ ပုံနှိပ်စာ အုပ်များကို စာသင်ချိန်မှသာ ထုတ်ပေးမည် ဖြစ်သည်။

လာမည့် ပညာသင်နှစ်မှစ ကာ ဒုတိယတန်းဆရာ၊ ဆရာမ များအနေဖြင့် နေ့စဉ်သင်ကြား မည့် ဘာသာရပ် အလိုက် စာသင် ချိန်ဇယားကို ကျောင်းသားမိဘ များကို ကြိုတင်အကြောင်းကြားထားရမည်ဟု သင်ရိုးသစ် ဗဟိုအဆင့်သင်တန်း အလုပ်ရုံဆွေးနွေး ပွဲတွင် ဆရာ၊ ဆရာမများအား ပြောကြားထားသည်။

‘‘မြို့ပေါ်ကျောင်တွေဆို အဲဒီပြဿနာက ပိုဆိုးတယ်။ အငယ် တန်းတွေဆို Time Table မဆွဲ ထားတော့ ကလေးတွေက ရှိသမျှ စာအုပ်အကုန်ထည့်ပဲ။

တစ်ဘာသာကို သုံးလေးအုပ်ခွဲထားခိုင်း တာမျိုးက ရှိသေးတော့ ကလေးက၀န်နဲ့အားမမျှသလိုပဲ။ အချိန်ဇယားနဲ့ သင်မယ်ဆိုတော့ ဒီဝန် တစ်ခုလျော့တာပေါ့’’ဟု တာမွေ မြို့နယ်မှ ကလေးမိခင်တစ်ဦးက ပြောသည်။

မိမိတို့ တက်ရောက်လိုသည့် သင်တန်းကျောင်းများနှင့် ပုဂ္ဂလိက တက္ကသိုလ်များကို ရှာဖွေလိုပါက ဒီ Link မှာရှာဖွေနိုင်ပါသည်။

SOURCE: 7DAY DAILY