သင်ရိုးသစ်ဖြင့် စတင်သင်ကြားမည့် ဒုတိယတန်းတွင် စာမေးပွဲဖြေဆိုရန် မလိုတော့

ရေးဆွဲသည့် CREATE Project ၏ ဆရာအတတ်ပညာအဖွဲ့ ခေါင်းဆောင် ဒေါ်ဝင်းသိင်္ဂီကျော်ကပြောသည်။

ဒုတိယတန်း သင်ရိုးသစ် ဗဟိုအဆင့်သင်တန်း အလုပ်ရုံ ဆွေးနွေးပွဲကို ဇန်န၀ါရီ ၁၅ ရက် က ရန်ကုန်တိုင်း ဒေသကြီး မင်္ဂ လာဒုံမြို့နယ်ရှိ ထောက်ကြန့်အုပ် ချုပ်မှုသင်တန်းကျောင်းတွင် ဖွင့် လှစ်ရာ ဆရာ၊ ဆရာမ များအား ယင်းသို့ ပြောကြားသည်။

ဒုတိယတန်း သင်ရိုးသစ်တွင် မြန်မာ၊ အင်္ဂလိပ်၊ သင်္ချာ၊ သိပ္ပံ၊ လူမှုရေး၊ ဘ၀တွက်တာကျွမ်း ကျင်စရာ၊ စာရိတ္တနှင့် ပြည်သူ့ နီတိ၊ ပန်းချီ၊ ဂီတနှင့် ကာယဘာ သာဟူ၍ ၁၀ ခုပါရှိပြီး တွဲဖက် သင်ရိုးဝင် ဘာသာ မပါဝင်ဘဲ ဘာသာရပ်အားလုံးကို အဓိကဘာ သာရပ်များအဖြစ် သင်ကြားမည် ဖြစ်သည်။

သင်ရိုးသစ်ပါ သင်ခန်းစာ များနှင့် သင်ယူမှုပုံစံသစ်များသည် ကလေးများ တစ်ဦးနှင့်တစ်ဦး ပြိုင်ဆိုင်ခြင်း ထက် မျှဝေပူးပေါင်းဆောင်ရွက်တတ်စေရေး ဦးတည်ရေးဆွဲထားပြီး စာမေးပွဲစနစ်မှ ဖြစ်ပေါ်လာသော အဆင့်၊ အမှတ်ပြိုင်ဆိုင်မှုများ၏ အကျိုးဆက် ကျူရှင်ပြဿနာကိုပါ တဖြည်း ဖြည်း ပပျောက်စေရန် ရည်ရွယ် ကြောင်း ဒေါ်ဝင်းသိင်္ဂီကျော်က ဆိုသည်။

READ - ထိုင်းနိုင်ငံ၌ ဖွင့်လှစ်မည့် ရေသွင်းစိုက်ပျိုးတိုးတက်မှုနှင့် စီမံခန့်ခွဲမှုနည်းပညာအတွက် ပညာသင်ဆု ခေါ်ယူ

KG+12 စနစ်သစ်အရ မူလ တန်းအောက်ဆင့် အတန်းဖြစ် သည့် ဒုတိယတန်းကို ပုံစံကျစာမေးပွဲ စစ်ဆေးခြင်း (Formal Test) မပြုလုပ်ဘဲ စာသင်ခန်းတွင် သင်ကြားသင်ယူစဉ် အတန်းပိုင်ဆရာ က အကဲဖြတ်ခြင်းမျိုးဖြင့် စစ်ဆေးခြင်း၊ တစ်နှစ်လုံးသင်ကြား ခဲ့သည့် သင်ခန်းစာများကို တစ် နှစ် နှစ်ကြိမ် ပြန်လည်လေ့ကျင့် စေခြင်းဖြင့် စစ်ဆေးခြင်းမျိုးသာ ပြုလုပ်မည်ဖြစ်သည်။

‘‘ဒုတိယတန်းမှာ ပုံစံကျ စာ မေးပွဲဆိုတဲ့ Formal Test မရှိဘူး။ အဓိကကတော့ သင်ယူနေစဉ် စစ်ဆေးခြင်း ပဲ။ တစ်နှစ်လုံးဆရာမက ကလေးရဲ့တတ်မြောက်မှုကို အမြဲ Record လုပ်ထားပြီး လိုတဲ့ ကလေးကို ထပ်ဖြည့်သင်ပေးနေ ရမှာ။ တစ်နှစ်လုံး အကဲဖြတ်၊ ထပ်ဖြည့်သင်နေရင် အထူးတ လည် Formal Test စစ်ဆေးနေစရာမလိုဘူး’’ဟု သင်္ဃန်းကျွန်း ပညာရေးကောလိပ် ဒုတိယ ကျောင်းအုပ်ကြီးလည်းဖြစ်သူ ဒေါ်ဝင်းသိင်္ဂီကျော်ကပြောသည်။

ဆရာ၊ ဆရာမများသည် ကျောင်းသား၊ ကျောင်းသူများ၏ စစ်ဆေးအကဲဖြတ်ရလဒ်များကို စနစ်တကျ မှတ်တမ်းတင်ထားပြီး တတ်မြောက်မှု အခြေအနေကို တစ်နှစ်လျှင်နှစ်ကြိမ် မိဘများထံ အစီရင်ခံစာ ပေးပို့ကာ တစ်နှစ် လျှင် အနည်းဆုံးတစ်ကြိမ် မိဘ များနှင့် တိုင်ပင်ဆွေးနွေးရမည် ဟု ဒုတိယတန်း သင်ရိုးသစ် သင်ပြနည်းသင်တန်း လက်စွဲစာအုပ် တွင် ဖော်ပြထားသည်။

KG+12 စနစ်အရ ၂၀၁၆-၁၇ ပညာသင်နှစ်က စတင်ကာ သင်ရိုးညွှန်းတမ်း အသစ်ဖြင့် စတင်သင်ကြား နေသည်။

ဒုတိယတန်း သင်ရိုးညွှန်း တမ်းအသစ်ကို ဂျပန်အပြည်ပြည် ဆိုင်ရာ ပူးပေါင်းဆောင်ရွက်ရေး အေဂျင်စီ (JICA) နှင့် ပညာရေး ၀န်ကြီးဌာနမှ ပညာရှင်များ ပါဝင် သည့် CREATE Project က ရေး ဆွဲထားသည်။

မိမိတို့ တက်ရောက်လိုသည့် သင်တန်းကျောင်းများနှင့် ပုဂ္ဂလိက တက္ကသိုလ်များကို ရှာဖွေလိုပါက ဒီ Link မှာရှာဖွေနိုင်ပါသည်။

Source: 7day daily