" ရန်ကုန်နိုင်ငံခြားဘာသာတက္ကသိုလ် ပါရဂူဘွဲ့(PhD) လျှောက်လွှာခေါ်ယူခြင်း "

16 May, 2019

၁။ ရန်ကုန်နိုင်ငံခြားဘာသာတက္ကသိုလ်တွင် ၂၀၁၉-၂၀၂၀ ပညာသင်နှစ်အတွက် ပါရဂူဘွဲ့ (PhD) သင်တန်းကို အောက်ဖော်ပြပါ အထူးပြုဘာသာရပ်များဖြင့် ဖွင့်လှစ်သင်ကြားမည်ဖြစ်ပါသည်။

(က) တရုတ်ဘာသာ

(ခ) ကိုရီးယားဘာသာ

၂။ ပါရဂူဘွဲ့ (PhD) သင်တန်းတက်ရောက်ရန် အောက်ပါအရည်အချင်းနှင့် ပြည်စုံသူများ လျှောက်ထားနိုင်ပါသည်။

(က) ပါရဂူဘွဲ့သင်တန်းတက်ရောက်ခွင့် လျှောက်ထားသူသည် ပြည်ထောင်စုမြန်မာနိုင်ငံသားဖြစ်ရပါမည်။

(ခ) ၂၀၁၉ ခုနှစ်၊ ဇွန်လ (၁) ရက်တွင် အသက် (၃၀) နှစ်ထက် မကျော်လွန်သူဖြစ်ရပါမည်။

(လုပ်ငန်းခွင်အတွေ့အကြုံရှိသူများ အသက်ကန့်သတ်ချက်လျှော့ပေါ့စဉ်းစားပါမည်။)

(ဂ) ပါရဂူဘွဲ့အကြိုသင်တန်းကို အချိန်ပြည့်တစ်နှစ် တက်ရောက်နိုင်သူဖြစ်ရပါမည်။

(ဃ) ဝင်ခွင့်လျှောက်ထားသူများ၏ အရည်အချင်းသတ်မှတ်ချက်များမှာ အောက်ပါအတိုင်း ဖြစ်ပါသည်။

(၁) ပညာရေးဝန်ကြီးဌာန ဝန်ထမ်းများအတွက် အသိအမှတ်ပြုထားသော တက္ကသိုလ်တစ်ခုခုမှ တရုတ်ဘာသာနှင့် ကိုရီးယား ဘာသာရပ်တွင်အနိမ့်ဆုံး မဟာဘွဲ့ရရှိပြီးသူဖြစ်ရပါမည်။ ဘာသာရပ်ဆိုင်ရာ(၃) နာရီ မေးခွန်းနှင့်အင်္ဂလိပ်စာ (၃) နာရီ မေးခွန်း ဝင်ခွင့်စာမေးပွဲဖြေဆိုအောင်မြင်ပြီး လူတွေ့စစ်ဆေးခြင်းကို အောင်မြင်ရပါမည်။

(၂) ပညာရေးဝန်ကြီးဌာန အောက်ရှိတက္ကသိုလ်၊ ဒီဂရီကောလိပ်များမှ နည်းပြ၊ သရုပ်ပြများ ဖြစ်ပါက နည်းပြ၊ သရုပ်ပြရာထူးတွင် လုပ်သက်(၁) နှစ်အနည်းဆုံးရှိရပါမည်။

(င) ပါရဂူဘွဲ့အကြိုသင်တန်းတက်ရောက်ခွင့်ရရှိပါက သက်ဆိုင်ရာဦးစီးဌာနညွှန်ကြားရေးမှူးချုပ် (သို့) သက်ဆိုင်ရာတက္ကသိုလ်၊ ဒီဂရီကောလိပ် ပါမောက္ခချုပ်၊ ကျောင်းအုပ်ကြီးထံမှ

အချိန်ပြည့်တစ်နှစ်တက်ရောက်ခွင့်ပြုကြောင်း ထောက်ခံစာ တင်ပြရမည်ဖြစ်ပါသည်။

၃။ ရန်ကုန်နိုင်ငံခြားဘာသာတက္ကသိုလ် ကျောင်းသားရေးရာဌာနတွင် သတ်မှတ်ထားသည့် လျှောက်လွှာပုံစံဖြင့် ၁၇-၅-၂၀၁၉ ရက် (သောကြာနေ့) နောက်ဆုံးထား၍ လျှောက်ထားရပါမည်။

၎။ လျှောက်ထားသူများသည် ရန်ကုန်နိုင်ငံခြားဘာသာတက္ကသိုလ်တွင် ပါရဂူဘွဲ့ (PhD) သင်တန်းတွင်စာမေးပွဲကို အောက်ပါအတိုင်းဖြေဆိုရပါမည်။

(က) ၂၀-၅-၂၀၁၉ ရက် (တနင်္လာနေ့) (၉ နာရီမှ ၁၂ နာရီ) (တရုတ်ဘာသာ၊ကိုရီးယားဘာသာ)

(ခ) ၂၀-၅-၂၀၁၉ ရက် (အင်္ဂါနေ့) (၉ နာရီမှ ၁၂ နာရီ) (အင်္ဂလိပ်ဘာသာရပ်)