တိရစ္ဆာန်ဆေးပညာဘွဲ့နှင့် မွေးမြူရေးပညာဘွဲ့ သင်တန်းနှစ်ခု ဖွင့်လှစ်မည်

20 July, 2019

မွေးမြူရေးဆိုင်ရာ ဆေးတက္ကသိုလ်တွင် ၂၀၁၉-၂၀ ပညာသင်နှစ်၌ တိရစ္ဆာန်ဆေးပညာဘွဲ့နှင့် မွေးမြူရေးပညာဘွဲ့ သင်တန်းနှစ်ခု ဖွင့်လှစ်မည်ဖြစ်ပြီး ကျောင်းသား၊ ကျောင်းသူ (၂၅၀) ဦးလက်ခံမည်ဟု ထိုတက္ကသိုလ်ကကြေညာပါသည်။

ဝင်ခွင့်လျှောက်ထားသူများ၏ ရမှတ်ကို အများ၊ အနည်းစီကာ တက္ကသိုလ်က လက်ခံနိုင်သည့် ကျောင်းသားဦးရေ ပြည့်သည်အထိ ၀င်ခွင့်ရွေးချယ်မည် ဟု ထိုတက္ကသိုလ် သင်တန်းရေးရာဌာန တာဝန်ရှိသူတစ်ဦးက ပြောပါသည်။

တက္ကသိုလ်ဝင် စာမေးပွဲကို မြန်မာစာ၊ အင်္ဂလိပ်စာ၊ သင်္ချာ၊ ဓာတုဗေဒ၊ ရူပဗေဒ၊ ဇီဝ ဗေဒ ဘာသာ ရပ်များပါဝင်သော ဘာသာတွဲဖြင့် အောင်မြင်သူများ လျှောက်ထားနိုင်ပြီး တိရစ္ဆာန်ဆေး ပညာဘွဲ့သင်တန်းအတွက် အမျိုးသား (၅၀) ဦးနှင့် အမျိုးသမီး (၅၀) ဦး၊ မွေးမြူရေးပညာဘွဲ့သင်တန်းအတွက် အမျိုးသား (၇၅) ဦးနှင့် အမျိုးသမီး (၇၅) ဦး လက်ခံမည် ဖြစ်ပါသည်။

တိရစ္ဆာန်ဆေးပညာသင်တန်းကို (၆) နှစ်တက်ရောက်ပြီးပါက DVM (Doctor of Veterinary Medicine) ဘွဲ့ပေးအပ်မည်ဖြစ်ပြီး မွေးမြူရေးပညာသင်တန်း (၄) နှစ်တက်ရောက်ပြီးပါက BASc(Bachelor of Animal Science) ဘွဲ့ပေးအပ်မည် ဖြစ်ပါသည်။

မွေးမြူရေးဆိုင်ရာ ဆေးတက္ကသိုလ် ၀င်ခွင့်အတွက် ထိုတက္ကသိုလ်တွင် တိုက်ရိုက်လျှောက် ထားရမည်ဖြစ်ပြီး တက္ကသိုလ်ဝင်ခွင့်စာမေးပွဲ အောင်မြင်ကြောင်း သက်ဆိုင်ရာ ကျောင်းအုပ်ကြီး ထောက်ခံချက်မူရင်း၊ တက္ကသိုလ်ဝင် အမှတ်စာရင်းမူရင်း၊ အကျင့်စာရိတ္တ ကောင်းမွန်ကြောင်း ရဲစခန်း၊ ကျေးရွာ၊ ရပ်ကွက် အုပ်ချုပ်ရေးမှူး၊ သက်ဆိုင်ရာမြို့နယ် အထွေထွေ အုပ်ချုပ်ရေးမှူးတို့၏ ထောက်ခံချက်မူရင်း၊ လျှောက်ထားသူနှင့် မိဘနှစ်ပါးတို့၏ နိုင်ငံသားစိစစ်ရေး ကတ်မိတ္တူ၊ လိုင်စင်ဓာတ်ပုံလေးပုံဖြင့် မွေးမြူရေးဆိုင်ရာ ဆေးတက္ကသိုလ်၊ ကျောင်းသားရေးရာဌာန (ရေဆင်း)သို့ သြဂုတ် (၃၀) ရက် နောက်ဆုံး လျှောက်ထားရမည် ဖြစ်ပါသည်။

Source: 7Day Daily