အဝေးသင်တက္ကသိုလ် မေးခွန်းများကို တက္ကသိုလ်အလိုက်ထုတ်မည်

ယခုနှစ် အဝေးသင်တက္ကသိုလ် စာမေးပွဲအတွက် အဝေးသင်တက္ကသိုလ်ဌာနခွဲရှိသည့် တက္ကသိုလ်အလိုက် မေးခွန်းထုတ်မည်ဟု အဆင့်မြင့်ပညာဦးစီးဌာနနညွှန်ကြားရေးမှူးချုပ်ဒေါက်တာသိန်းဝင်းက ပြောပါတယ်။

အဝေးသင်တက္ကသိုလ်ပထမအသုတ် (သိပ္ပံအထူးပြု) ကျောင်းသား/သူများသည် အောက်တိုဘာ (၁) ရက်မှ (၈) ရက်အထိ၊ ဒုတိယအသုတ် (အင်္ဂလိပ်၊ ပထဝီဝင်၊ ဒဿနိကဗေဒ၊ စိတ်ပညာ၊ အရှေ့တိုင်းပညာ၊ ဥပဒေပညာအထူးပြု) များသည် အောက်တိုဘာ (၂၈) ရက်မှ နိုဝင်ဘာ (၄) ရက်အထိ၊ တတိယအသုတ် (မြန်မာစာ၊ သမိုင်း၊ စီးပွားရေးပညာ၊ စီးပွားစီမံအထူးပြု) များသည် နိုဝင်ဘာ (၂၁) ရက်မှ (၂၈) ရက်အထိ စာမေးပွဲဖြေဆိုရမည်ဖြစ်ပြီး စာမေးပွဲမေးခွန်းကို တက္ကသိုလ်အလိုက် ထုတ်ခွင့်ပြုထားခြင်းဖြစ်ပါတယ်။

ပြီးခဲ့သည့် ပညာသင်နှစ်အထိ တစ်နိုင်ငံလုံးရှိ အဝေးသင်က္ကသိုလ် ဌာနခွဲဖွင့်လှစ်ထားသည့် တက္ကသိုလ်တိုင်းတွင် ရန်ကုန်တက္ကသိုလ်၊ ဒဂုံတက္ကသိုလ်၊ ရန်ကုန်အဝေးသင်တက္ကသိုလ်နှင့်မန္တလေးအဝေးသင်တက္ကသိုလ်တို့မှ ပါမောက္ခများထုတ်သောစာမေးပွဲမေးခွန်းဖြင့်သာ စစ်ဆေးခဲ့ပါတယ်။

Art & Craft (50) ပန်းချီနှင့် လက်မှုသင်တန်းများနှင့်ပတ်သက်ပြီး သင်တန်း (50) ခု ရှာရန်နှိပ်ပါ။

ထိုစနစ်ကို ယခုနှစ်တွင် စတင်ပြောင်းလဲမည်ဖြစ်ပြီးယခုပညာသင်နှစ်ကစတင်ကာ အဝေးသင်တက္ကသိုလ်တိုင်းကို တက္ကသိုလ်အလိုက်ထုတ်သည့် မေးခွန်းဖြင့်သာ စာမေးပွဲစစ်ရန် ခွင့်ပြုခြင်းဖြစ်ပါသည်ဟု ဆိုပါတယ်။

“အရင်က ရန်ကုန်အဝေးသင်တက္ကသိုလ်နဲ့ မန္တလေးအဝေးသင်တက္ကသိုလ်တွေက မေးခွန်းထုတ်တာကို ဖြေရပါတယ်။

အခုအဝေးသင်ဌာနခွဲတွေက သူ့တက္ကသိုလ်အလိုက် မေးခွန်ထုတ်မှာ" ဟုဒေါက်တာသိန်းဝင်းက ပြောကြားပါတယ်။

စာမေးပွဲမဖြေဆို အနီးကပ်ပို့ချသင်တန်းများ တက်ရောက်ရမည်ဖြစ်ပြီး ဒုတိယအသုတ်အနီးကပ်ပို့ချသင်တန်းများကို အောက်တိုဘာ (၁၀) ရက်မှ နိုဝင်ဘာ (၂၄) ရက်အထိ၊ တတိယအသုတ်အနီးကပ်ပို့ချသင်တန်းများကို နိုဝင်ဘာ (၆) ရက်မှ (၁၈) ရက်အထိတက်ရောက်ရမည်ဖြစ်ပါတယ်။

အဝေးသင်အနီးကပ်သင်တန်းများတွင် သင်တန်းတက်ရောက်မှု (Attendance) ကောက်ယူပြီး မှတ်တမ်းထားရှိမည်ဖြစ်၍ ရက်ပြည့်၊ အချိန်ပြည့် မပျက်မကွက်တက်ရောက်ရန် သက်ဆိုင်ရာတက္ကသိုလ်များက အသိပေးကြေညာထားပါတယ်။

သိပ္ပံဘာသာတွဲ ကျောင်းသား/သူများကိုလည်း သိပ္ပံလက်တွေ့သင်တန်း (၇၅) ရာခိုင်နှုန်းတက်ရောက်ပြီးမှသာ စာမေးပွဲဖြေဆိုခွင့်ပြုမည်ဟု အသိပေးထားပါတယ်။

ယင်းအပြင်သတ်မှတ်ရက်အတွင်း စာစဉ်များတင်သွင်းထားပြီးမှ စာမေးပွဲဝင်ခွင့်လျှောက်လွှာတင်သွင်းပြီးမှသာ ဝင်ရောက်ဖြေဆိုခွင့်ပြုမည်ဟု အဝေးသင်တက္ကသိုလ်များက ကြေညာထားပါတယ်။

ယခုပညာသင်နှစ်တွင် အဝေးသင်စီးပွားရေးဘာသာရပ်များကို စီးပွားရေးတက္ကသိုလ်များတွင်သာတက်ရောက်ခွင့်ပြုထားရာ အဝေးသင်ဘာသာရပ်သင်တန်းဖွင့်သည့် တက္ကသိုလ် (၃၉) ခုရှိနေပါတယ်။

Read More:>>> ရေကြောင်းအင်ဂျင်နီယာသင်တန်းကျောင်း (သိမ်ဖြူသင်္ဘောကျင်း)သင်တန်းသားခေါ်ခြင်း

ယခင်ကကျောင်းအပ်လက်ခံခြင်း၊ စာစဉ်လက်ခံခြင်း၊ စာမေးပွဲမေးခွန်းထုတ်ခြင်း၊ စာမေးပွဲကျင်းပခြင်း၊ အဖြေလွှာစစ်ဆေးခြင်း၊ အောင်စာရင်း ထုတ်ပြန်ခြင်းများကို ရန်ကုန်အဝေးသင်တက္ကသိုလ်၊ မန္တလေးအဝေးသင်တက္ကသိုလ်နှင့် အဝေးသင်ဌာနခွဲများက ပူးပေါင်းဆောင်ရွက်ရသော်လည်း ယခုနှစ်တွင် ပြောင်းလဲသည့်စနစ်သစ်အရ အဝေးသင်တက္ကသိုလ်ဌာနခွဲ ဖွင့်ထားသည့်ကျောင်းတိုင်းက ကိုယ်တိုင်ဆောင်ရွက်ရမည်ဖြစ်ပါတယ်။

Source: 7 Day News