Ministry of Hotels and Tourism (MOHT) နှင့် Luxembourg Development Agency (Lux-Dev) တို့ ပူးပေါင်းပြီး မြန်မာနိုင်ငံ၏ Tourism Master Plan (2013-2020) ကို ရေးဆွဲဆောင်ရွက်နေပါသည်။
ထိုကဲ့သို့ ဆောင်ရွက်ခြင်း၏ Human Resource Development အစိတ်အပိုင်း တစ်ခုအနေဖြင့် အမျိုးသား စီမံခန့်ခွဲမှု ပညာ ဒီဂရီကောလိပ်နှင့် မန္တလာဒီဂရီကောလိပ်တို့၏ Tourism ဘာသာရပ် သင်ကြားမှုနှင့် ပတ်သက်၍ Curriculum Development, Teaching and Learning Resource နှင့် Capacity Building များကို ဆောင်ရွက်သွားမည်ဖြစ်သည်။
မြန်မာနိုင်ငံတွင် Tourism Degree ကို သင်ကြားနေသော ဒီဂရီကောလိပ်မှာ အမျိုးသားစီမံခန့်ခွဲမှုပညာ ဒီဂရီကောလိပ် နှင့် မန္တလာဒီဂရီကောလိပ် နှစ်ခုသာ ရှိကြောင်း သိရသည်။
အမျိုးသားစီမံခန့်ခွဲမှုပညာ ဒီဂရီကောလိပ်တွင် ဘာသာရပ်လေးခုကို သင်ကြားပေးလျက်ရှိပြီး အမြဲတမ်း ဆရာ၊ ဆရာမ ၃၉ ဦး အပြင် ရန်ကုန်တက္ကသိုလ်နှင့် ရန်ကုန်စီးပွားရေးတက္ကသိုလ်များမှ ဆရာ၊ ဆရာမကြီးများ၊ စီးပွားရေးလုပ်ငန်း လုပ်ကိုင်နေသော ပညာရှင်များက အချိန်ပိုင်းလာရောက် သင်ကြားပေးလျက်ရှိသည်။
ထိုဒီဂရီကောလိပ်တွင် Bachelor of Business Management, B.A Journalism, B.A Tourism, B.A English for Professional Purpose များကို တက်ရောက်နိုင်ပြီး တက္ကသိုလ်ဝင်ခွင့်အမှတ် ၄၀၀ ကျော်မှသာ ၀င်ခွင့်ရရှိမည် ဖြစ်သည်။
မိမိတို့ တက်ရောက်လိုသည့် သင်တန်းကျောင်းများနှင့် ပုဂ္ဂလိက တက္ကသိုလ်များကို ရှာဖွေလိုပါက ဒီ Link မှာရှာဖွေနိုင်ပါသည်။
Source: internet journal