သတ်မှတ်ရမှတ် ပြည့်ရမည့်အပြင် လူတွေ့စစ်ဆေးပြီးမှသာ ရန်ကုန်တက္ကသိုလ်ဝင်ခွင့် လက်ခံမည်

18 June, 2018

ဘာသာရပ်အလိုက် ၀င်ခွင့် လျှောက်ထားနိုင်သည့် အခြေခံ သတ်မှတ်အမှတ်များတွင် နိုင်ငံတကာဆက်ဆံရေးပညာက ရ မှတ် ၄၇၀ ဖြင့် အမြင့်ဆုံးနေရာ တွင်ရှိနေပြီး အင်္ဂလိပ်စာနှင့် ကွန် ပျူတာသိပ္ပံပညာရပ်များက ရ မှတ် ၄၅၀ ဖြင့် ဒုတိယနေရာတွင် ရှိနေသည်။

‘‘တက္ကသိုလ်ဝင်စာမေးပွဲ ရ မှတ်ကတော့ အခြေခံသတ်မှတ် ချက်အနေနဲ့ ရှိနေဦးမှာပါ။ ဘာ သာရပ်အလိုက် ဘယ်အမှတ်တွေ ရရင် လျှောက်နိုင်မလဲဆိုတာ ကြေညာထားတယ်။ ဘာသာရပ် တစ်ခုချင်းက သူ့ကို လူတွေ့ပြန် စစ်မှာပါ’’ဟု ရန်ကုန်တက္ကသိုလ် ပါမောက္ခတစ်ဦးကပြောသည်။

ရန်ကုန်တက္ကသိုလ်ဝင်ခွင့် လျှောက်လွှာများကို ဇွန်လ ၁၅ ရက်ကစကာ ရန်ကုန်တက္ကသိုလ် သိပ္ပံဆောင် ကျောင်းသားရေးရာ ဌာနနှင့် www.uy.edu.mm တွင်ရယူနိုင်ပြီး ဇူလိုင် ၁၅ ရက် နောက်ဆုံး လျှောက်ထားရမည်ဖြစ်သည်။

ဝင်ခွင့်လျှောက်ထားသူများသည် လျှောက်ထားသည့် တစ်ဘာသာချင်းအတွက် လူတွေ့ဖြေဆိုရမည်ဖြစ်ပြီး လူတွေ့စစ်ဆေးခြင်းကို ဇူလိုင် ၂၃၊ ၂၅ နှင့် ၃၀ ရက်တွင် ပြုလုပ်မည်ဖြစ် သည်။

လူတွေ့မဖြေဆိုပါက ၀င် ခွင့်လက်ခံစဉ်းစားမည်မဟုတ်ဟု ရန်ကုန်တက္ကသိုလ်က ကြေညာ ထားသည်။

ယခုနှစ် ဒီဇင်ဘာ၌ ဘွဲ့ကြိုပထမနှစ်သင်တန်းများ စတင်ဖွင့်လှစ်မည်ဖြစ်ပြီး ကျောင်းသား၊ ကျောင်းသူ ၂,၁၈၀ ဦး လက်ခံရန် လျာထားသည်။

ရန်ကုန်တက္ကသိုလ်တွင် ၂၀၁၃ နောက်ပိုင်းက စတင်၍ ၀ိဇ္ဇာ၊ သိပ္ပံ ထူးချွန်သည့် ဘွဲ့ကြိုတန်း ကျောင်းသားများကို ပြန်လည်သင်ကြားပေးနေသည်။

ဝင်ခွင့်ရရှိသူများထဲမှ သတ်မှတ်ရမှတ် ကျော်လွန်ပြီး ၀င်ခွင့်ရသူများကို တစ်လလျှင် ကျပ်တစ်သိန်းနှုန်းဖြင့် တစ်နှစ်လျှင် ၁၀ လ ၀ိဇ္ဇာချွန်ဆုနှင့် သိပ္ပံချွန်ဆုများ ချီးမြှင့် သည်။

မိမိတို့ တက်ရောက်လိုသည့် သင်တန်းကျောင်းများနှင့် ပုဂ္ဂလိက တက္ကသိုလ်များကို ရှာဖွေလိုပါက ဒီ Link မှာရှာဖွေနိုင်ပါသည်။

ပညာရေးလမ်းညွှန် website တွင် ပါဝင်သော သင်တန်းများ၊ ကျောင်းများ၊ Scholarship၊ Knowledge များနှင့် ပတ်သက်သော အချက်အလက်များကို ၀င်ရောက်ရှာဖွေ ဖတ်ရှုနိုင်ပါတယ်။