B.Tech ဘွဲ့ရရှိထားသူများ အသက်ကန့်သတ်ချက်မရှိဘဲ B.E ဘွဲ့သင်တန်း တက်ရောက်ခွင့် ပြုမည်

ယခုနှစ်တွင် အဆင့်မြင့်ပညာဦးစီးဌာနအောက်ရှိ သင်ကြားရေးဝန်ထမ်းများအား ဦးစား ပေးမည်ဟု အဆင့်မြင့်ပညာဦးစီး ဌာန ညွှန်ကြားရေးမှူးချုပ် ဒေါက် တာသိန်းဝင်းက ပြောသည်။ 

နည်းပညာတက္ကသိုလ်များ တွင် ယခင်က AGTI ၂ နှစ်၊ B.Tech၂ နှစ်နှင့် B.E တစ်နှစ် ငါးနှစ်သင် ကြားခဲ့ပြီး B.Tech ၂ နှစ်အပြီးတွင် သတ်မှတ်အရည်အချင်းပြည့်မီမှ သာ B.E တစ်နှစ်သို့ ကူးပြောင်း ခွင့်ပြုသည်။

၂၀၁၄-၁၅ ပညာ သင်နှစ်မှစကာ ပထမနှစ်မှ နောက်ဆုံးနှစ်အထိ B.E ဘွဲ့ရရန် ခြောက်နှစ် တိုက်ရိုက်တက်ရောက်ရသည့် စနစ်သို့ ပြောင်းလဲခဲ့သည်။ 

အင်ဂျင်နီယာ (B.E)ဘွဲ့များ ကို တိုက်ရိုက်စာသင်နှစ်ငါးနှစ်မှ ခြောက်နှစ်သို့ တိုးမြှင့် သင်ကြား သည့် မူဝါဒအသစ်ဖြင့် တက် ရောက်နေသော နည်းပညာတက္ကသိုလ် ကျောင်းသား၊ ကျောင်းသူ များသည် ၂၀၁၈-၁၉ ပညာသင် နှစ်တွင် ပဉ္စမနှစ်သင်တန်းများ တက်ရောက်တော့မည်ဖြစ်သည်။

READ - နည်းပညာတက္ကသိုလ်ကျောင်းများမှ ၀င်ခွင့် လက်ခံသည့်ဦးရေ

ထို့ကြောင့် ယခင်မူဝါဒအဟောင်း ဖြင့် B. Tech ဘွဲ့သာ ရရှိထားသူ များကို ယခု ၂၀၁၇-၁၈ ပညာ သင်နှစ်တွင် B.E ဘွဲ့တက်ရောက် ခွင့်ပြုခြင်းဖြစ်ကြောင်း နည်းပညာ တက္ကသိုလ်များ၏ နိုဝင်ဘာ ၁၅ ရက် လုပ်ငန်းညှိနှိုင်းအစည်းအဝေးတွင် ဆုံးဖြတ်ခဲ့ သည်။ 

B.E သင်တန်းသို့ ပြန်လည် တက်ရောက်ရန် လျှောက်ထားပါ က B.Tech အောင်မြင် စဉ်က ရရှိ သော အမှတ်အနည်းအများအ လိုက် တန်းစီဇယား၊ ဝင်ခွင့်စာမေးပွဲ စစ်ဆေးခြင်းတို့ဖြင့် ကျောင်းအလိုက် လက်ခံနိုင်သည့် ကျောင်းသားဦးရေ အရ လက်ခံ သင်ကြား ပေးရန် အဆိုပါအစည်းအဝေး တွင် ဆုံးဖြတ်ခဲ့သည်။ 

‘‘နည်းပညာ၊ ကွန်ပျူတာ တွေမှာ တစ်ဆင့်မြင့်ဘွဲ့မရလို့ ရာထူးမတိုးတဲ့ ဝန်ထမ်းတွေ ရှိနေ တော့ အခက်အခဲဖြစ်နေတယ်။ သင်ကြားရေးဆရာ၊ ဆရာမတွေ ကို ဦးစားပေးပြီး အရင်ဖွင့်မယ်။ သင်ကြားရေးဆရာ၊ ဆရာမတွေ အကုန်ပြီးအောင် တစ်ဆင့်မြင့်ဘွဲ့ ရမှ ကျောင်းသားတွေ ထပ်ခေါ် မယ်’’ဟု ဒေါက်တာသိန်းဝင်းက ပြောသည်။ 

B.E ဘွဲ့သင်တန်းတက် ရောက်လိုသူများသည် သက်ဆိုင်ရာ နည်းပညာတက္ကသိုလ်များ တွင် နိုဝင်ဘာ ၂၂ ရက်မှ ဒီဇင်ဘာ ၁ ရက်အထိ သင်တန်းဝင်ခွင့် လျှောက်ထားနိုင်သည်။

B.Tech အောင်မြင်ကြောင်း ထောက်ခံစာမူရင်း (သို့မဟုတ်) ဘွဲ့လက်မှတ်မိတ္တူ၊ မူရင်း၊ ဝန်ထမ်းဖြစ်ပါက သင်တန်းကို အချိန်ပြည့်တက် ရောက်ခွင့်ပြုကြောင်း အကြီးအကဲ ထောက်ခံချက်တို့ ပူးတွဲတင်ပြရမည်ဖြစ်သည်။ 

လက်ရှိတွင် တစ်နိုင်ငံလုံး၌ နည်းပညာတက္ကသိုလ် ၃၀ ကျော်ရှိနေပြီး အဆိုပါ တက္ကသိုလ်များ တွင်ပင် B.E ဘွဲ့မရရှိသေးသည့် ဆရာ၊ ဆရာမ ၂၀၀ ခန့်ရှိနေ သည်။ 

မိမိတို့ တက်ရောက်လိုသည့် သင်တန်းကျောင်းများနှင့် ပုဂ္ဂလိက တက္ကသိုလ်များကို ရှာဖွေလိုပါက ဒီ Link မှာရှာဖွေနိုင်ပါသည်။

Source: 7day daily