ဆယ်တန်းမအောင်သူများကို အခြေခံပညာသင်ယူပြီးမြောက်မှုလက်မှတ်ပေးမည်

တက္ကသိုလ်ဝင်စာမေးပွဲတွင် ကျရှုံးခဲ့သော်လည်း အခြေခံပညာအထက်တန်းထိ ပြီးဆုံးအောင်တက်ရောက်ခဲ့သူများအား အခြေခံပညာသင်ယူပြီးမြောက်မှု လက်မှတ်ပေးအပ်ရန် စီစဉ်နေကြောင်း အခြေခံပညာဦးစီးဌာန ထံမှသိရသည်။

ဒီဇင်ဘာလ ပထမပတ်တွင် ကျင်းပ ပြုလုပ်သည့် အခြေခံပညာနှီးနှောဖလှယ်ပွဲတွင် အခြေခံပညာဦးစီးဌာန တာဝန်ရှိသူတစ်ဦးက “အခြေခံပညာပြီးမြောက်ကြောင်း စံသတ်မှတ်ချက်များ သတ်မှတ်ပေးရေးနှင့် အကောင်အထည်ဖော် ဆောင်ရွက်ရေး” ခေါင်းစဉ်ဖြင့် စာတမ်းတစ်စောင်ဖတ်ကြားခဲ့သည်။

အဆိုပါ စာတမ်းဆွေးနွေးချက်များအရ အခြေခံပညာသင်ယူပြီးမြောက်မှု လက်မှတ် (Completion Certificate) ကို ၂၀၁၉ ခုနှစ် တက္ကသိုလ်ဝင်တန်း တက်ရောက်နေသူများအား စတင်ပေးနိုင်ရေး ဆောင်ရွက်နေကြောင်း အခြေခံပညာဦးစီးဌာန ညွှန်ကြားရေးမှူးချုပ် ဦးကိုလေးဝင်းက ပြောကြားသည်။

“သေချာတာကတော့ လာမယ့်နှစ်မှာပေးဖို့ သေချာတာပေါ့။ ဒီနှစ်လည်းပဲ ဖြစ်အောင်တော့ ကြိုးစားလုပ်နေတယ်။ ဒါပေမဲ့ အခြေခံပညာ အထက်တန်းကျောင်းတိုင်းမှာကို Quality Control အဖွဲ့တွေ ဖွဲ့ရမှာ။ တကယ်ပေး မယ်ဆိုရင် ပညာရေးဝန်ကြီးဌာန ဝန်ကြီးရုံးရဲ့ စီမံခန့်ခွဲမှုကော် မတီကိုတင်ပြီး ခွင့်ပြုချက်တောင်းရမှာ။

ပညာရေးဝန်ကြီးဌာနက သဘောတူပြီဆိုရင် စလုပ်လို့ရပြီပေါ့။ ဒီနှစ်ဖြစ်ဖို့များပါတယ်”ဟု ဦးကိုလေးဝင်းက ပြောကြား သည်။

အခြေခံပညာ သင်ယူပြီးမြောက်မှု လက်မှတ်ကို ကျောင်းတက်ရာခိုင်နှုန်းပြည့်မီပြီး ကျောင်းတွင်းအဆင့် အခန်းဆုံး စာမေးပွဲများတွင် ပါဝင်ဖြေဆိုထားသည့် အခြေခံပညာအထက်တန်း (ဒသမတန်း)တက်ရောက်သူအားလုံးကို ပေးအပ်မည်ဖြစ်ကြောင်း ၎င်းက ပြောကြားသည်။

တက္ကသိုလ်ဝင်တန်းအောင်မြင်သူများအနေနှင့် လက်မှတ် ၂ ခုရရှိမည်ဖြစ်သည်။ လက်ရှိပညာရေးဝန်ကြီးဌာနက စတင်ပြောင်းလဲကျင့်သုံးနေပြီဖြစ်သည့် ဆယ့်နှစ်တန်းပညာရေးကို အတန်းအားလုံးပြောင်းလဲပြီးစီးလျှင် ဆယ့်နှစ်တန်းအထိ တက်ရောက်ပြီးစီးသူများကို အခြေခံပညာသင်ယူပြီးမြောက်မှု လက်မှတ်ပေးအပ်မည်ဖြစ်ကြောင်း ဦးကိုလေးဝင်းက ဆိုသည်။

အဆိုပါလက်မှတ် ရရှိထားသူများကို ပညာရေးဝန်ကြီးဌာနက ဖွင့်လှစ်သည့် အသက်မွေးဝမ်းကျောင်း သင်တန်းများ၊ တက္ကသိုလ်ဝင်တန်းအောင် ကျောင်းသားများ တက်ရောက်ရသည့် ဒီပလိုမာသင်တန်းများ တက်ရောက်ခွင့် အပြင် တက္ကသိုလ် ဝင်ခွင့်စာမေးပွဲများ ဖြေဆိုခွင့်ရရန်လည်း စီစဉ်ပေးမည်ဖြစ်ကြောင်း ဦးကိုလေးဝင်းက ဆိုသည်။

“အရင်တုန်းကဆိုရင် ဆယ်တန်းစာမေးပွဲကို တစ်နှစ်ဖြေရင် အနည်းဆုံး ၃၀ ရာနှုန်းကျော်ပဲအောင်တယ်။ ကျန်တဲ့ ၇၀ ရာခိုင်နှုန်းက ကျောင်းပြင်ပကိုရောက်သွားတာ။ သူတို့ကတခြားသင်တန်းတွေကိုလည်းတက်ဖို့ အခွင့်အရေးမရှိနဲ့ဆိုတော့ အဲဒါတွေကို သူတို့ အသက်မွေးဝမ်းကျောင်းအတွက် လမ်းကြောင်းအနေနဲ့ ဖန်တီးပေးမယ်”ဟု ဦးကိုလေးဝင်းက ပြောကြားသည်။

ဆွေးနွေးပွဲတက်ရောက်ခဲ့သည့် မြန်မာနိုင်ငံလုံးဆိုင်ရာ ဆရာ၊ ဆရာမများအဖွဲ့ချုပ် အတွင်းရေးမှူး ဦးကျော်မင်းခန့်က “ပြဿနာတစ်ခုရှိတာက စာစစ်ဦးစီးဌာနက ကိုးတန်းအောင်တဲ့သူတွေကို နှစ်မခြားဘဲ ဆယ်တန်းဖြေဆို ခွင့်ရှိတယ်လို့ စာထွက်ထားတာ။ အဲဒီကလေးတွေက အစိုးရကျောင်းလည်း မတက်ဘူး။ ပုဂ္ဂလိကကျောင်းလည်း မတက်ဘူး။

အပြင်မှာလေ့လာပြီး ဆယ်တန်းဖြေဆိုခွင့်ရတယ်။ အဲဒီကလေးတွေ ကျ ၇၅ ရာခိုင်နှုန်းမပြည့်လို့ အခြေခံပညာ သင်ယူပြီးမြောက်မှု လက်မှတ်မပေးဘူးလို့ ပြောတယ်။ ဒါပေမဲ့ ဒီကလေးတွေကလည်း ဆယ်တန်းအောင်အောင် မအောင်အောင် လက်မှတ်ပေးသင့်တယ်လို့ ဆွေးနွေးခဲ့တယ်။ အဲဒါကိုတော့ ပြန်ဆုံးဖြတ်ကြမယ်လို့ပြောတယ်”ဟု ဆိုသည်။

ပြီးခဲ့သည့် တက္ကသိုလ်ဝင်စာမေးပွဲတွင် ဖြေဆိုသူ ၇၈၀,၀၀၀ ကျော်အနက် ၂၆၀,၀၀၀ ကျော်သာ အောင်မြင်ခဲ့ခြင်းဖြစ်ပြီး တက္ကသိုလ်ဝင်စာမေးပွဲများကျင်းပ ရာတွင် နှစ်စဉ် ၃၀ ရာခိုင်နှုန်းပတ်ဝန်းကျင်သော ကျောင်းသား၊ ကျောင်းသူများသာ အောင်မြင်ပြီး တက္ကသိုလ်တက်ရောက်ခွင့် ရရှိနေခြင်းဖြစ်သည်။

Credit to The Voice Daily