သင်ကြားသည့် ဘာသာရပ်နှင့် မကိုက်ညီသော ဆရာ၊ ဆရာမများကို တက္ကသိုလ်ဝင်စာမေးပွဲ အဖြေလွှာစစ်ဆေးမှုတာဝန်မပေးရန် ညွှန်ကြား

ဆရာ၊ ဆရာမများကို တက္ကသိုလ် ဝင်စာမေးပွဲ အဖြေလွှာစစ်ဆေးမှု တာဝန်ပေးရာတွင် ၎င်းတို့လက်ရှိ သင်ကြားနေသည့် ဘာသာရပ်နှင့် အဖြေလွှာစစ်ဆေးမည့် ဘာသာ ရပ်မကိုက်ညီပါက စာစစ်တာဝန် မပေးရန် ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာ မျိုးသိမ်းကြီးက ပြောကြားသည်။

၂၀၁၉ တက္ကသိုလ်ဝင်စာမေးပွဲကြီးကြပ်ရေးမှူးများ၊ တွဲဖက် ကြီးကြပ်ရေးမှူးများ၊ လက် ထောက်ကြီးကြပ်ရေးမှူးများနှင့် စာဖြေသူများလိုက်နာရန် စည်း ကမ်းချက်များဆိုင်ရာ ဆွေးနွေးပွဲ သင်တန်းဖွင့်ပွဲကို နိုဝင်ဘာ ၂၅ ရက်က ကျင်းပရာ ပြည်ထောင်စု ဝန်ကြီးက ယင်းအချက်ကို ထည့် သွင်းပြောကြားသည်။

တက္ကသိုလ်ဝင်စာမေးပွဲ အဖြေလွှာများစစ်ဆေးရန် အထက် တန်းပြလုပ်သက်အနည်းဆုံး ၂ နှစ်ရှိသည့် ဆရာ၊ ဆရာမများကိုသာ ရွေးချယ်တာဝန်ပေးရမည့်အပြင် သင်ကြားနေသည့် ဘာသာရပ်နှင့်စစ်ဆေးမည့် ဘာသာရပ်များကိုက် ညီမှုရှိမှသာ အဖြေလွှာစစ်ဆေး ရေးတာဝန်ပေးရမည်ဖြစ်သည်။

‘‘စာစစ်လုပ်ငန်းဆောင်ရွက် ရာမှာ ကိုယ်ဝန်ဆောင်ဆရာမ များ၊ အသက်(၅၈)နှစ်အထက် အသက်အရွယ်ကြီးသော ဆရာ၊ ဆရာမများ၊ ကျန်းမာရေး မ ကောင်းသော ဆရာ၊ ဆရာမများ နဲ့ ဘာသာရပ်နဲ့မကိုက်ညီတဲ့ အထက်တန်းပြဆရာ၊ ဆရာမတွေကို စာစစ်တာဝန်ပေးခြင်းမပြုဖို့ အ ရေးကြီးပါတယ်။

ဘာသာရပ်နဲ့ ကိုက်ညီပြီးတော့ အထက်တန်းပြလုပ်သက် ၂ နှစ်အထက်ရှိတဲ့ ဆရာ၊ ဆရာမတွေကိုသာ စာစစ် တာဝန်ပေးရမှာ ဖြစ်ပါတယ်’’ ဟု ဒေါက်တာမျိုးသိမ်းကြီးက ပြောကြားသည်။

၂၀၁၉ တက္ကသိုလ်ဝင်စာမေး ပွဲအဖြေလွှာများ စစ်ဆေးရန် တက္ကသိုလ်ဝင်ဆရာ၊ ဆရာမများနှင့် အခြေခံပညာ အထက်တန်းပြဆရာ၊ ဆရာမများကို ၂၀၁၉ဖေဖော်ဝါရီ မတိုင်မီ တာဝန်ပေးအပ်မည်ဖြစ် ပြီး သတ်မှတ်ထားသည့် တက္ကသိုလ်များတွင် သင်္ကြန်ကာလမ တိုင်မီ အဖြေလွှာစစ်ဆေးရမည် ဖြစ်သည်။

‘‘ကိုယ်သင်နေကျ ဘာသာ မဟုတ်ဘဲ စစ်ရင် သူစစ်ထားတာ ကို Counter Check ထပ်လုပ်ရသူ တွေလည်း ပင်ပန်းတယ်။ သူ လည်း ကိုယ့်ကျွမ်းကျင်မှုမဟုတ် တော့ ပိုပြီး တာဝန်ကြီးတာပေါ့။ သင်နေကျ ဘာသာစစ်ရတာ တော့ အကုန်လုံးအတွက် အဆင် ပြေတယ်။

ဒါပေမဲ့ လာစစ်ရတဲ့ ဆရာ၊ ဆရာမတွေရဲ့ နေရေးထိုင် ရေး အဆင်ပြေအောင်လည်း တတ်နိုင်သမျှ ပြေလည်အောင် စီစဉ်ပေးဖို့လည်း ဝန်ကြီးဌာနမှာ တာဝန်ရှိတယ်’’ဟုစာမေးပွဲအဖြေ လွှာစစ်ဆေးရေး အတွေ့အကြုံရှိ တက္ကသိုလ်ကထိက ဆရာတစ်ဦး က ဆိုသည်။

၂၀၁၉ တက္ကသိုလ်ဝင်စာမေးပွဲကျင်းပမည့်ရက်ကို ပညာရေးဝန်ကြီးဌာနက ကြေညာခြင်းမရှိ သေးပေ။ ယခုနှစ်တွင် တက္ကသိုလ် ဝင်စာမေးပွဲဖြေဆိုရန် လျှောက် ထားသူ ၈၉၆,၀၁၂ ဦးရှိပြီး ယခင် နှစ်ထက် ၅၁,၀၀၀ ကျော် တိုးလာ သည်။

source: 7day