၂၀၁၇-၂၀၁၈ ပညာသင်နှစ် နေ့သင်တန်းများအတွက် ကျောင်းဝင်မှတ်ပုံတင် နောက်ဆုံးထားလက်ခံမည့်ရက်များ အသီးသီး သတ်မှတ်

တက္ကသိုလ်၊ ဒီဂရီကောလိပ်၊ ကောလိပ်အသီးသီးမှ ကျောင်းဝင်မှတ်ပုံတင်ခြင်းများ ဆောင်ရွက်ရာတွင် မူလ၀င်ခွင့်ရရှိသူများ ကျောင်းဝင်မှတ်ပုံတင်ခြင်းကို ၂၀၁၇ ခုနှစ် နိုဝင်ဘာ ၁၅ ရက်မှ စတင်လက်ခံ ခဲ့ခြင်းဖြစ်သည်။

ကျောင်းဝင်မှတ်ပုံတင် နောက်ဆုံးထား လက်ခံမည့်ရက်အား ၂၀၁၇ ခုနှစ် ဒီဇင်ဘာ ၂၁ ရက် သတ်မှတ်ထားကြောင်း သိရသည်။

အလားတူ တက္ကသိုလ်ပြောင်းရွှေ့ ၀င်ခွင့်ရရှိသူများနှင့် နောက်ဆက်တွဲဝင်ခွင့် ရရှိသူများကိုလည်း ၂၀၁၇ ခုနှစ် ဒီဇင်ဘာ ၂၉ ရက် နောက်ဆုံးထား၍ ကျောင်းဝင်မှတ်ပုံတင် လက်ခံမည်ဖြစ်ကြောင်း သိရသည်။

READ - အခြေခံပညာကျောင်းများတွင် ကန်ထရိုက်စာချုပ်ဖြင့် သင်ကြားရေး ဆရာ၊ ဆရာမများ ခန့်ထားရန် စီစဉ်

၂၀၁၇-၂၀၁၈ ပညာသင်နှစ် တက္ကသိုလ်၊ ဒီဂရီကောလိပ်၊ ကောလိပ်အသီးသီး၏ ဒုတိယနှစ်နှင့်အထက် နေ့သင်တန်းများကို ၂၀၁၇ ခုနှစ် ဒီဇင်ဘာ ၁ ရက်တွင် လည်းကောင်း၊ ပထမနှစ်သင်တန်းများကို ၂၀၁၇ ခုနှစ် ဒီဇင်ဘာ ၄ ရက်တွင် လည်းကောင်း အသီးသီး စတင်ဖွင့်လှစ်ခဲ့ခြင်းဖြစ်သည်။

“ကျောင်းတွေကတော့ အခုချိန်အထိ အပ်နေတုန်းပါပဲ။ ကျောင်းဝင်မှတ်ပုံတင် တွေကလည်း လာတင်နေကြဆဲပါပဲ။ ကျောင်းလာအပ်တဲ့ ကျောင်းသားကျောင်းသူ အရေအတွက် စာရင်းကတော့ အခုချိန်မှာ စိစစ်လို့ မရနိုင်သေးပါဘူး။ စာရင်းပိတ်မှပဲ သိနိုင်မှာပါ” ဟု ပညာရေးဝန်ကြီးဌာန၊ အဆင့်မြင့်ပညာ ဦးစီးဌာနမှ တာဝန်ရှိသူ တစ်ဦးက ပြောကြားသည်။

ရန်ကုန်တက္ကသိုလ် ၂၀၁၇-၂၀၁၈ ပညာသင်နှစ်အတွက် ကျောင်းသားကျောင်းသူများ ကျောင်းဝင်ခွင့်မှတ်ပုံတင်ခြင်း၊ ကျောင်းဆောင်ဝင်ခွင့်ကိစ္စများ စသည့်ကျောင်းကိစ္စများ ဆောင်ရွက်ရာတွင် ကျောင်းသား၊ ကျောင်းသူများ အနေဖြင့် သတ်မှတ်ထားသော ကျောင်းလခ၊ ကျောင်းဆောင်လခနှင့် အခြားအခ ကြေးငွေများကို ရန်ကုန်တက္ကသိုလ်၊ ငွေလက်ခံဌာနတွင် မိမိတို့ကိုယ်တိုင် ငွေကြေးပေးသွင်းကြရန်၊ ကျောင်းဝင်ခွင့် ကိစ္စရပ်များနှင့် ကျောင်းဆောင်ဝင်ခွင့်ကိစ္စရပ်များ ဆောင်ရွက်ရာတွင်လည်းကောင်း၊ ကျောင်းလခ၊ ကျောင်းဆောင်လခနှင့် အခြားအခကြေးငွေများ ပေးသွင်းရာတွင်လည်းကောင်း၊ အခြားကျောင်းနှင့် သက်ဆိုင်သောကိစ္စများ ဆောင်ရွက်ရာတွင်လည်းကောင်း အခကြေးငွေပေး၍ လုပ်ဆောင်ခြင်းမျိုးကို လုံးဝခွင့်ပြုမည် မဟုတ်သည့်အတွက် ရုံးဝန်ထမ်းများသည် သင်တန်းဝင်ခွင့် လျှောက်ထားသူများ သို့မဟုတ် ကျောင်းသားကျောင်းသူများထံမှ အခကြေးငွေရယူ၍ လုပ်ငန်းကိစ္စများ ဆောင်ရွက်ပေးခြင်း သို့မဟုတ် ဆက်ဆံရေး ပြေပြစ်မှုမရှိပါက ကျောင်းသားကျောင်းသူများသည် မော်ကွန်းထိန်း၊ ဌာနမှူး (သင်တန်း) ရုံးခန်း၊ ဒုတိယပါမောက္ခချုပ်ရုံးခန်းနှင့် ပါမောက္ခချုပ်ရုံးခန်းတို့တွင် တိုင်ကြားနိုင်ကြောင်း ရန်ကုန်တက္ကသိုလ်၌ ကျောင်းသားများ သိရှိနိုင်ရန် ထုတ်ပြန်ကြေညာထားသည်။

မိမိတို့ တက်ရောက်လိုသည့် သင်တန်းကျောင်းများနှင့် ပုဂ္ဂလိက တက္ကသိုလ်များကို ရှာဖွေလိုပါက ဒီ Link မှာရှာဖွေနိုင်ပါသည်။

Source: news-eleven