မန္တလာတက္ကသိုလ်တွင် BTHM သင်တန်းအတွက် ဝင်ခွင့်လျှောက်ထားနိုင်ပြီ

၂၀၂၄ - ၂၀၂၅ ပညာသင်နှစ်အတွက် မန္တလာတက္ကသိုလ်တွင် BTHM (ခရီးသွားလုပ်ငန်းနှင့် ဧည့်ဝန်ဆောင်မှု စီမံခန့်ခွဲမှုဆိုင်ရာပညာရပ်) ဘွဲ့သင်တန်းအား အောက်တိုဘာလ (၃) ရက်နေ့အထိ လျှောက်ထားနိုင်ပါသည်။ 

BTHM သင်တန်းကို (၄) နှစ် အချိန်ပြည့် တက်ရောက်ရမှာဖြစ်ပြီး စုစုပေါင်း ကျောင်းသားဦးရေ (၂၅၀) ဦးသာ လက်ခံမည်ဖြစ်သည်။ 

အဆိုပါ ဘွဲ့သင်တန်းကို ၂၀၂၄ ခုနှစ် တက္ကသိုလ်ဝင်စာမေးပွဲကို အောင်မြင်ပြီးသူများ လျှောက်ထားနိုင်ပြီး သတ်မှတ် လျှောက်လွှာပုံစံအား မန္တလာတက္ကသိုလ် ကျောင်းသားရေးရာဌာနတွင် ထုတ်ယူ၍ တိုက်ရိုက်လျှောက်ထားနိုင်ပါသည်။

သင်တန်းစတင်ဖွင့်လှစ်မည့်ရက် - ၂၀၂၄ ခုနှစ်၊ နိုဝင်ဘာလ

လျှောက်လွှာတင်သွင်းရမည့်နေရာ - ကျောင်းသားရေးရာဌာန၊ မန္တလာတက္ကသိုလ်။

လျှောက်လွှာစတင်လက်ခံမည့်ရက် - ၂၆.၈.၂၀၂၄

လျှောက်လွှာပိတ်မည့်ရက် - ၃.၁၀.၂၀၂၄

ဝင်ခွင့်ရရှိသူများစာရင်း ကြေညာမည့်ရက် - ၂၀၂၄ ခုနှစ်၊ နိုဝင်ဘာလ

Related Article : G-12 အောင်ထားသူတွေ လက်ရှိလျှောက်ထားနိုင်တဲ့ တက္ကသိုလ်များ

>> https://www.edge.com.mm/article

အောက်ဖော်ပြပါ အရည်အချင်းနှင့်ကိုက်ညီသူများ လျှောက်ထားနိုင်သည်။

(၁) လျှောက်ထားသူသည် ပြည်ထောင်စုသမ္မတမြန်မာနိုင်ငံသားဖြစ်ရမည်။

(၂) ၂၀၂၄ ခုနှစ်တွင် ကျင်းပပြုလုပ်ခဲ့သော တက္ကသိုလ်ဝင်စာမေးပွဲ ဖြေဆို အောင်မြင်သူသာ ဖြစ်ရမည်။

(၃) အခြားတက္ကသိုလ် တစ်ခုခုတွင် တက်ရောက်ပညာသင်ကြားနေသူမဖြစ်ရ။

လျှောက်လွှာနှင့်အတူ အောက်ဖော်ပြပါ အထောက်အထားများကို ပူးတွဲတင်ပြရမည်။

(၁) တက္ကသိုလ်ဝင်ခွင့်စာမေးပွဲတွင်ရရှိသော ရမှတ်စာရင်းမူရင်း

(၂) လျှောက်ထားသူနှင့် မိဘနှစ်ပါးစလုံး၏ နိုင်ငံသားစိစစ်ရေးကတ်ပြား(မိတ္တူ)

(၃) လိုင်စင်ဓာတ်ပုံ(၃)ပုံ (ပူးတွဲ)

တက္ကသိုလ်ဝင်စာမေးပွဲတွင် အင်္ဂလိပ်စာဘာသာရပ် အမှတ်များသူများကို ဦးစားပေးရွေးချယ်မည်ဖြစ်ပြီး ဝင်ခွင့်ရရှိသူများစာရင်းနှင့် ကျောင်းဝင်မှတ်ပုံတင်ရမည့်ရက်ကို မန္တလာတက္ကသိုလ်၌ ကြေညာထားပါမည်။ 

ဝင်ခွင့်ရရှိသူများသည် ကျောင်းလာရောက်အပ်နှံသည့်အခါ ကျောင်းသားနှင့် မိဘနှစ်ပါး၏ နိုင်ငံသားစိစစ်ရေးကတ်ပြား မူရင်းများကို မပျက်မကွက် ယူဆောင်လာရမည်။ 

အသေးစိတ်သိရှိလိုပါက မန္တလာတက္ကသိုလ် ကျောင်းသားရေးရာဌာန ဖုန်းနံပါတ် ၀၉-၉၈၄၇၇၆၆၇၀ သို့ ရုံးချိန်အတွင်း ဆက်သွယ်မေးမြန်းနိုင်ပါသည်။